2024-07-30 11:17
Информагентства
ԱԴՐԲԵՋԱՆՈՒՄ, ՈՐԸ ՑԱՆԿԱՆՈՒՄ Է ԸՆԴՈՒՆԵԼ COP 29-Ը, ՆԱՎԹԱՅԻՆ ԳԱԶ ԵՆ ԱՅՐՈՒՄ
Ադրբեջանում, որը պատրաստվում է ընդունել կլիմայի փոփոխության հարցերով ՄԱԿ-ի COP 29 գագաթնաժողովը, մինչ օրս, նավթ արդյունահանելիս, այրում են համընթաց գազը (flaring), գրում Է Financial Times-ը:
Խոշոր նավթարդյունահանող ընկերությունները բավարար ներդրումներ չեն կատարում հարակից գազը հավաքելու համար, արդյունքում ամբողջ աշխարհում (Համաշխարհային բանկի գնահատմամբ) այրվում է գրեթե 150 միլիարդ խորանարդ մետր գազ:
Միևնույն ժամանակ, ըստ մթնոլորտում ածխաթթու գազի պարունակության նվազեցման մասին Փարիզյան համաձայնագրի (որը ստորագրել է նաև Ադրբեջանը), առնվազն երկու տարին մեկ անգամ երկրները պետք է հրապարակեն համապատասխան տվյալները, սակայն Բաքուն կոնկրետ այդ արտանետումների վերաբերյալ տեղեկություններ չի ներկայացնում, ավելին՝ 2018 թվականից ընդհանրապես դադարել է հրապարակել ջերմոցային գազերի արտանետումների մասին տվյալները, նշում է FT-ն:
Այնուամենայնիվ, Global Witness ոչ առևտրային կազմակերպության գնահատմամբ, 2018 թվականից Ադրբեջանի նավթագազային արդյունաբերության մեջ flaring-ից արտանետումները աճել են 10,5%-ով՝ 2023 թվականին հասնելով վերջին 10 տարվա առավելագույն ցուցանիշին: Global Witness-ը, իր հերթին, հիմնվում է Կոլորադոյի լեռնահանքային համալսարանի տվյալների վրա (ավելի ճիշտ՝ VIIRS Nightfire վերլուծական համակարգի տեղեկությունների, որն արձանագրում է գիշերային ժամերին տեղի ունեցող ինֆրակարմիր ճառագայթման մեծ օջախները):
18 նավթային և գազային հորատանցքերի վերլուծության հիման վրա արտանետումների ցուցանիշով առաջատար են դարձել British Petroleum-ը և Ադրբեջանի պետական նավթային ընկերությունը (SOCAR): Ընդ որում, և՛ BP-ն, և՛ SOCAR-ը, և՛ պաշտոնական Բաքուն բազմիցս հայտարարել են, որ մինչև 2030 թվականը կդադարեցնեն այդ աղտոտումը, հիշեցնում Է FT-ն։
SOCAR-ը չի պատասխանել մեկնաբանություն տալու՝ Financial Times-ի հարցմանը, իսկ COP 29-ի կազմկոմիտեն հրաժարվել է մեկնաբանությունից։ Ադրբեջանի բնապահպանության նախարարությունը հաշվետվության ավելի քան 5-ամյա դադարը բացատրել է «Covid-19 համավարակով և այլ գործոններով»՝ խոստանալով մինչև տարեվերջ հրապարակել նոր տվյալներ:
BP-ն մեկնաբանությամբ նշել է, որ իր հորատանցքերում հարակից գազի այրումը վերջին 10 տարվա ընթացքում նվազել է գրեթե 60%-ով, բայց այդ ցուցիչը կոնկրետ օբյեկտներում կարող է տատանվել: Այնուհետև ընկերությունը հայտարարել է, որ Սանգաչալի տերմինալում օդի որակի վերաբերյալ հարցեր «չեն բարձրացվել հանրային տեղեկատվական ալիքներով» (որոնք, ինչպես նշվեց վերևում, 2018 թվականից լուռ են - խմբ):
Ավելի վաղ Financial Times-ն արդեն նշել էր, որ COP 29-ը Ադրբեջանում անցկացնելու որոշումը քննադատության է արժանացել ոչ միայն բնապահպանական կազմակերպությունների, այլև մի շարք քաղաքական գործիչների կողմից:
ПОСЛЕДНИЕ ОТ АВТОРА
-
2025-05-13 19:35Два австралийца армянского происхождения — Жизель Каптерян и Тим Уилсон — по итогам выборов войдут в состав федерального парламента Австралии. Об этом сообщает Армянский национальный комитет Австралии.
-
2025-05-13 19:34Очередное заседание "суда" над бывшим госминистром Нагорного Карабаха, бизнесменом и филантропом Рубеном Варданяном состоялось во вторник в Баку.
-
2025-05-13 19:27Дежавю — это ощущение, что текущее переживание уже имело место в прошлом. В контексте событий в Армении мы сталкиваемся с политическим дежавю. Если с 2018 года власти, представленные Анной Акопян, размышляя о карабахской проблеме, заявляли, что тысячи жертв были принесены напрасно, то теперь аналогичные утверждения звучат и в отношении самой Армении.
-
2025-05-13 19:23Предложенный депутатом от правящей партии "Гражданский договор" новый законопроект о военной службе, обсуждаемый в Национальном собрании Армении, вызвал бурную реакцию. Предложенные поправки вводят возможность различных форм службы за плату: фактически освобождение от обязательной армейской службы за 20 миллионов драмов (около 50 тыс. долларов), краткосрочная (6-месячная) служба с уплатой 15 миллионов (около 38 тыс. долларов) и иные варианты. Критики инициативы говорят об угрозе социальной справедливости, легализации коррупции и подрыве обороноспособности.