Последние новости

Պուտինը Իրանի նախագահին հրավիրել է ԲՐԻԿՍ գագաթաժողովին

Մոսկվայում Իրանի դեսպան Կազեմ Ջալալին հայտարարել է Մասուդ Փեզեշքիանին Վլադիմիր Պուտինի պաշտոնական հրավերի մասին՝ մասնակցելու ԲՐԻԿՍ գագաթաժողովին՝ հայտնելով, որ երկու կողմերը, հավանաբար, կստորագրեն համապարփակ երկարաժամկետ համաձայնագիր, տեղեկացրել է Mehr-ը։ ԲՐԻԿՍ գագաթաժողովը տեղի կունենա ՌԴ Կազան քաղաքում, հոկտեմբերի 22-24-ին։

ՌԴ-ում Իրանի դեսպանը հայտնել է, որ հավանական է, որ Իրանը և Ռուսաստանը կստորագրեն համագործակցության համապարփակ երկարաժամկետ համաձայնագիր ԲՐԻԿՍ գագաթաժողովի շրջանակում։

Ջալալիի խոսքով՝ ՌԴ նախագահը հեռախոսազրույցի ժամանակ (որպեսզի շնորհավորի նախագահի պաշտոնում ընտրվելու համար) հրավիրել է Իրանի նախագահ Մասուդ Փեզեշքիանին մասնակցելու ԲՐԻԿՍ գագաթաժողովին։

Ջալալին նշել է, որ Իրանի անդամակցությունը ԲՐԻԿՍ-ին դիվանագիտական աշխատակազմի հաջողությունն է։ Ռուսաստանը շատ միջոցառումներ է նախատեսել 2024թ. այդ խմբի համար։ Նրա խոսքով՝ համաձայնագիրը կստորագրվի Իրանի և ՌԴ նախագահների միջև Կազանում, ԲՐԻԿՍ գագաթաժողովի շրջանակում, կախված ընթացակարգային գործընթացների ավարտից։ Նա հիշեցրել է, որ համաձայնագիրը պետք է արժանանա երկու երկրների խորհրդարանների հավանությանը, որպեսզի իրավաբանական ընթացակարգ անցնի։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ