2024-10-03 16:56
Информагентства
ՎՐԱՑԱԿԱՆ ՈՒ ՀԱՅԿԱԿԱՆ ԵՐԱԶԱՆՔՆԵՐԸ․ Ի՞ՆՉ ԱԶԴԵՑՈՒԹՅՈՒՆ ԿՈՒՆԵՆԱ ՎՐԱՑԱԿԱՆ ԸՆՏՐՈՒԹՅՈՒՆԸ
Հոկտեմբերի 26–ին Վրաստանում տեղի կունենան խորհրդարանական ընտրություններ, որոնք ճակատագրական նշանակություն են ունենալու ոչ միայն Վրաստանի, այլ նաև Հայաստանի, ռուս–վրացական հարաբերությունների և ողջ տարածաշրջանի համար։
Վրաստանի նախագահ Զուրաբիշվիլին հայտարարել է, որ ուկրաինական պատերազմը, Մոլդովայի ու Վրաստանի ընտրությունները կկանխորոշեն նաև Հայաստաանի ապագան։ Տիկին նախագահը Վրաստանի այն գործիչներից է, ովքեր համաձայն են Վրաստանը դարձնել մանրադրամ Արևմուտքի ձեռքում՝ ընդդեմ Ռուսաստանի։ Այսինքն՝ Վրաստանը վերածեն երկրորդ Ուկրաինայի։ Այլ կերպ ասած՝ Զուրաբիշվիլին Վրաստանի փաշինյաններից է՝ դրածո։
Իվանիշվիլու թիմը հակառակ կարծիքին է։ Վրաստանի գործող իշխանությունները դեմ են Վաստանը, հանուն Արևմուտքի սեփական շահերի, դնել աշխարհքաղաքական խաղերի զոհասեղանին։ Վրաստանի իշխանությունները պայքարում են հանուն սեփական երկրի անկախության, հանուն խաղաղության։
Ճիշտ հակառակ պատկերն է Հայաստանում։ Այստեղ Փաշինյանը Հայաստանը դարձրել է առևտրի առարկա՝ հանուն անձնական շահերի ու սեփական կաշվի փրկության։ Նա փչացնում է հայ–ռուսական հարաբերությունները՝ անունը դնելով «ինտեգրվում ենք ԵՄ–ին», բայց իրականում Հայաստանը հանձնում է Թուրքիային ու Ադրբեջանին։
Նիկոլենք գոռում են, թե բա հայ–ադրբեջանական հարաբերություններում միջնորդ պետք չէ, առավելևս՝ ի դեմս Ռուսաստանի, սակայն հայ–ադրբեջանական հարաբերություններում միջնորդ են դարձնում Թուրքիային։ Դրա համար էր Էրդողանի գիրքը պինդ գրկել։
Վերադառնալով Վրաստանի ընտրություններին՝ նկատենք, որ այն իրոք վճռորոշ է լինելու։ Վրացիները դասեր են քաղել Գամսախուրդիայի, Շեվարնաձեի, Սահակաշվիլիի կառավարման շրջաններից, դասեր են քաղել 2008–ի պատերազմից, տեսել են Արևմուտքի իրական դեմքն ու իրական ժողովրդավարական արժեքների, նորմալ ավանդույթների պաշտպանության ճանապարհին են։ Հոկտեմբերի 26–ին վրացիները պետք է ցույց տան, որ խամաճիկ չեն դառնալու, սեփական երեխաների արյունն առևտրի առարկա չեն դարձնելու։
Հայկական երազանքն էլ նույնը պետք է լինի։ Վռնդել այս իշխանությանն ու կառուցել իրական, այլ ոչ թե Թուրքիայից կլանված Հայաստան, ապահովել իրական անվտանգություն և խաղաղություն։
Բարի նախանձով եմ հետևում Վրաստանի իշխանությունների վարքագծին և ամաչում, որ Հայաստանն այսպիսի իշխանություն ունի։ Բայց ոչինչ, այսպես երկար չի մնա։ Մեր փողոցում էլ տոն կլինի։ Համոզվա՛ծ եմ։
Անդրանիկ Թեվանյան, «Մայր Հայաստան» շարժման առաջնորդ
ПОСЛЕДНИЕ ОТ АВТОРА
-
New2025-03-19 11:13Объявляя о согласовании текста проекта «мирного договора» с Азербайджаном, делается попытка распространить лживую пропаганду о том, что власти несут мир, но даже члены «ГД» признают, что кошмар еще впереди. Об этом пишет газета «Грапарак».
-
New2025-03-19 11:10Азербайджанцы снесли памятник погибшим в Великой Отечественной войне на оккупированных территориях села Неркин Ханд в Сюникской области Армении. Об этом сообщает в среду газета "Грапарак" со ссылкой на старосту села Хачатура Багдасаряна.
-
New2025-03-19 11:07Минобороны Армении в очередной раз опровергло сообщение Баку об обстреле азербайджанских позиций на границе.
-
New2025-03-19 11:05Оппозиционный мэр Стамбула Экрем Имамоглу задержан по делу об организации, занимающейся коррупцией и подкупом. Об этом сообщают турецкие СМИ со ссылкой на прокуратуру города.