Իրանցի պատգամավոր․ Ադրբեջանը չի կատարել Կասպից ծովի պաշտպանության իր պարտավորությունները

Իրանի խորհրդարանի ազգային անվտանգության հանձնաժողովի անդամ Ֆադահոսեյն Մալիքին հայնել է, որ Ադրբեջանում բրիտանական և իսրայելական ընկերությունների գործունեությունը լրջորեն աղտոտել է Կասպից ծովը՝ հակառակ Թեհրանի և Բաքվի համաձայնագրերին և Թեհրանի կոնվենցիայի դրույթներին։ Այս մասին տեղեկացրել է Mehr գործակալությունը։

«Իրանի նախագահը պետք է անձամբ մասնակցեր COP29-ին, բայց չի մասնակցում գագաթաժողովին սիոնիստական ռեժիմի պաշտոնյայի ներկայության պատճառով»,- հիշեցրել է խորհրդարանականը։

Նա նշել է, որ Ադրբեջանը չի կատարել Թեհրանի կոնվենցիայի հիման վրա Կասպից ծովի պաշտպանության իր պարտավորությունները։

Մալիքին ավելացրել է, որ սպասվում էր, որ COP29-ում այդ հարցը լրջորեն կքննարկվի։

Նա ընդգծել է, որ ամենագլխավոր խոչընդոտը Ադրբեջանում անգլո-սիոնիստական ընկերությունների ներկայությունն է՝ Իսրայել էներգակիրներ մատակարարելու նպատակով, ինչը հակասում է բարիդրացիության քաղաքականությանը և Թեհրանի կոնվենցիայի ոգուն։

«Մենք սպասում ենք, որ արտաքին գործերի նախարարությունը, շրջակա միջավայրի պահպանության գործակալությունը և էներգետիկայի նախարարությունը խորհրդարանին կներկայացնեն համապարփակ հաշվետվություն Ադրբեջանի խախտումների մասին։ Մենք կհետևենք դրան ավելի լրջորեն»,- ընդգծել է պատգամավորը։

News.am