2024-11-28 16:38
Информагентства
Իրանում հայտնել են, որ «գիտակցել են Արևմուտքի դավադրության խորությունը» Զանգեզուրի միջանցքի բացման հարցում
Իրանի և Ադրբեջանի համատեղ զորավարժությունները ցույց են տալիս փոխադարձ վստահության աճը երկու երկրների միջև, «և եթե Աստված տա, դա կդառնա շրջադարձային պահ Իրանի և Ադրբեջանի պատմության մեջ, այս զգայուն տարածաշրջանում խաղաղության և անվտանգության հաստատման հարցում»։ Այս մասին հայտնել է Իրանի հոգևոր առաջնորդի միջազգային գործերի գծով խորհրդական Ալի Աքբար Վելայաթին, տեղեկացրել է NourNews-ը։
Նա սա կարևոր իրադարձություն է անվանել, որը «վկայում է եղբայրական հարաբերությունների աճող ամրապնդման և բարիդրացիության մասին Իրանի և Ադրբեջանի միջև»։
Վելայաթին ավելացրել է, որ վեջին տարիներին Ուկրաինայում միջադեպից հետո ԱՄՆ-ը ՆԱՏՕ քողարկմամբ մտադրվել է թափանցել Հարավային Կովկասի տարածաշրջան և ստեղծել այլընտրանք, որը կշեղեր Ռուսաստանի ուշադրությունն Ուկրաինայից դեպի Հարավային Կովկաս։
«Իրանը վճռականորեն դիմակայել է Ամերիկայի և նրա տարածաշրջանային դաշնակիցների ազդեցությանը և կանխել այդ դավադրության ձևավորումը իր հյուսիսարևմտյան սահմանների երկայնքով, ինչի արդյունքում ՆԱՏՕ-ն կստեղծեր Իրանի տարածքային ամբողջականության մշտական սպառնալիք»,- նշել է նա։
Վելայաթին ընդգծել է, որ Արևմուտքը ձեռնարկել է գործողություններ, որոնք ցույց են տվել, որ Արևմուտքը և ՆԱՏՕ-ն «ճիշտ մտադրություններ չունեն Հարավային Կովկասի հարցում»։
«Իրանի հակազդեցությունը Զանգեզուրի միջանցքի բացմանը պայմանավորված էր նրանով, որ Արևմուտքը ցանկանում է կազմակերպել հաղորդակցություն արևելքից արևմուտք Ադրբեջանով, Կասպից ծովով և Կենտրոնական Ասիայով։ Միայն Իրանն է գիտակցել այս դավադրության խորությունը։ Ի տարբերություն Արևմուտքի՝ Իրանն իսկապես ցանկանում է բարեկեցություն ադրբեջանցի եղբայրների համար։
Ժամանակ պահանջվեց այս հարցում փոխըմբռնման համար, և այժմ մենք հասել ենք ընդհանուր արդյունքների, և մի քանի ամիսների ընթացքում իրականացվել են երեք համատեղ զորավարժանքներ։ Դա վկայում է փոխադարձ վստահության աճի մասին երկու երկրների միջև»,- նշել է Իրանի հոգևոր առաջնորդի խորհրդականը։
News.am
ПОСЛЕДНИЕ ОТ АВТОРА
-
New2025-05-16 09:12Катар и США заключили соглашение, согласно которому эмират закупит вооружения и технику на сумму $42 млрд. Об этом сообщил президент США Дональд Трамп.
-
New2025-05-16 09:11Очередное заседание "суда" над армянскими пленными, включая бывшее военно-политическое руководство Нагорного Карабаха, состоялось в четверг в Баку.
-
2025-05-15 19:51Итальянские специалисты приступили к реставрации мозаики бань дохристианского храма Гарни – единственного сохранившегося в Армении греко-римского колонного храма. Об этом сообщает итальянское агентство ANSA.
-
2025-05-15 19:48Президент Азербайджана Ильхам Алиев 15 мая по приглашению премьер-министра Республики Албания Эди Рамы и президента Совета Европейского союза Антонио Кошты отбыл с рабочим визитом в Тирану для участия в 6-м саммите «Европейского политического сообщества», передают азербайджанские СМИ.