2024-12-10 09:51
Информагентства
Անդրեյ ԱՐԵՇԵՎ․ ՊԱՇՏՈՆԱԿԱՆ ԲԱՔՈՒՆ ՁԳՏՈՒՄ Է ԲԱՐՁՐԱՑՆԵԼ ԽԱՂԱԴՐՈՒՅՔՆԵՐԸ
Ռուս քաղաքագետ, Ռազմավարական մշակույթի հիմնադրամի փորձագետ Անդրեյ Արեշևը Alpha News-ի եթերում մեկնաբանել է Ադրբեջանի նախագահ Իլհամ Ալիևի վերջին հայտարարություններն, այսպես կոչված, «Արևմտյան Ադրբեջան» տարածքի և այն ադրբեջանցիներով բնակեցնելու անհրաժեշտության վերաբերյալ:
«Այսպես կոչված «Արևմտյան Ադրբեջանի» թեման, ինչպես գիտենք, բավական երկար ժամանակ է, ինչ շրջանառվում է Կասպից ծովի ափերին։ Իլհամ Ալիևի կառավարությունը ստեղծում է համապատասխան հասարակական կազմակերպություններ, և պարբերաբար հնչում են տարբեր փորձագետների հայտարարություններ «Արևմտյան Ադրբեջանի» ինչ-որ կառավարության մասին։ Եվ նույնիսկ ինչ-որ զինված կազմավորումների ստեղծման մասին։
Չնայած այն հանգամանքին, որ այս ամենը պետք է դիտարկել հռետորաբանությանը համահունչ, միևնույն ժամանակ դա ճնշման այնպիսի լծակ է Հայաստանի իշխանությունների վրա, որոնց թուլությունից Բաքվում շտապում են օգտվել և, ըստ էության, իրականում նրանք դա չեն թաքցնում:
Չգիտեմ՝ կարելի՞ է այս հայտարարությունը տարբեր կերպ մեկնաբանել։ Դա ինչ-որ կերպ կարելի է համեմատել Հայաստանի և Ադրբեջանի միջև խաղաղության պայմանագիր ստորագրելու պատրաստակամության բարձր աստիճանի մասին Երևանի հայտարարությունների հետ։ Բայց ամեն դեպքում, որոշ խաղեր են ընթանում:
Իմ կարծիքով՝ Բաքուն ակնհայտորեն ձգտում է բարձրացնել խաղադրույքները: Այն, ինչ իրականում համաձայնեցված է Բաքվի և Երևանի միջև, բավականին դժվար է ասել, բայց ինքնին Իլհամ Ալիևի կողմից հարց բարձրացնելը, այդ թեման պետական մակարդակով բարձրաձայնելը վկայում է այն մասին, որ Բաքուն միանգամայն վճռական է տրամադրված»,- կարծում է փորձագետը։
Նրա կարծիքով՝ ադրբեջանական կողմը զննել է քաղաքական հողը և գիտի, թե Հայաստանի որ թույլ կողմերի վրա կարելի է ճնշում գործադրել իր շահերին հասնելու համար։
«Կողմերը գործում են՝ ելնելով իրենց հնարավորություններից։ Եթե Բաքուն նման բան է հայտարարում, դա նշանակում է, որ նրանք ակնհայտորեն հիմքեր ունեն ենթադրելու, որ Երևանը կլսի դա։ Իսկ թե ինչ պատասխան կտան Հայաստանում, դա, այսպես ասած, հարց է այդ երկրի ներկայիս իշխանությունների համար»,- ընդգծել է Արեշևը։
Անդրադառնալով հայ հասարակության որոշ հատվածի մտահոգություններին՝ կապված Հայաստանում ադրբեջանական և հայ բնակչության հնարավոր հարևանության հետ՝ Անդրեյ Արեշևը նշել է, որ հիմնական դերը խաղալու է հասարակական կարծիքի քարոզչությունը։
«Ստեղծված իրավիճակում ամեն ինչ հնարավոր է։ Լուրջ տեղեկատվության և քարոզչական մշակման դեպքում հասարակությունը կարող է բավականին շատ բանի համաձայնվել։ Ցանկացած հասարակություն, ոչ միայն հայկական»,- ամփոփել է Alpha News-ի զրուցակիցը։
ПОСЛЕДНИЕ ОТ АВТОРА
-
New2025-05-06 15:14Блок "Наш город" в Совете старейшин Гюмри не может установить связь с бывшим соратником Кареном Бадаляном, который в конце апреля сложил мандат, покинул блок, а вскоре после этого заявил о желании восстановиться в статусе независимого депутата. Об этом журналистам сообщил лидер политического альянса Мартун Григорян.
-
New2025-05-06 15:11Россия даст адекватный ответ, если Киев продолжит попытки ударов по РФ в дни прекращения огня в честь празднования 80-летия Победы в Великой Отечественной войне, заявил пресс-секретарь президента РФ Дмитрий Песков.
-
New2025-05-06 15:08В секторе Газа в центрах распределения гуманитарной помощи и на рынках закончились запасы продовольствия. Об этом, ссылаясь на отчет Палестинского общества Красного Полумесяца (PRCS). Об этом сообщает панарабский телеканал Al Jazeera.
-
New2025-05-06 15:04При проведении парламентских выборов в ближайшее воскресенье 11,5% опрошенных свои голоса отдали бы за правящую в Армении партию «Гражданский договор». Об этом на встрече с журналистами 6 мая заявил глава представительства Gallup International Assosiation социолог Арам Навасардян.