2024-12-12 14:41
Информагентства
Գրիգորյան․ Երևանը դրական է գնահատում ԱՊՀ-ում համագործակցությանն ուղղված ՌԴ-ի ջանքերը
Հայկական կողմը դրական է գնահատում ԱՊՀ շրջանակներում փոխշահավետ համագործակցության ներուժի ընդլայնմանն ուղղված ռուսական կողմի կառուցողական ջանքերը։ Այս մասին ԱՊՀ կառավարությունների ղեկավարների խորհրդի նիստում ասել է ՀՀ փոխվարչապետ Մհեր Գրիգորյանը։
Նա նշել է, որ անհրաժեշտ է բարենպաստ պայմաններ ստեղծել ԱՊՀ երկրների տնտեսությունների մրցունակությունն ապահովելու և մասնակից պետությունների տնտեսվարող սուբյեկտների միջև տեխնոլոգիական վերափոխումների համագործակցության զարգացման համար։
Գրիգորյանը կարևոր է համարում նաև ԱՊՀ երկրների միջև տրանսպորտային համալիրի թվային վերափոխման ոլորտում համագործակցության հուշագրի ստորագրումը։
«Փաստաթուղթը ենթադրում է տրանսպորտային տեղեկատվական ոլորտի զարգացում և առաջադեմ տեղեկատվական ու հեռահաղորդակցական տեխնոլոգիաների ներդրում, ինչը, անկասկած, կնպաստի լոգիստիկ ծառայությունների արդիականացմանը ԱՊՀ ողջ տարածքում», - ասել է նա։
Փոխվարչապետն ընդգծել է ԱՊՀ երկրների միջև փոխադարձ առևտրի խոչընդոտների վերացման ուղղությամբ աշխատանքները շարունակելու անհրաժեշտությունը՝ հաշվի առնելով ազգային շահերը և այս համատեքստում կարևորել բարձր մակարդակի աշխատանքային խմբի գործունեության ակտիվացումը։
Գրիգորյանն ընդգծել է նաև «Խաղաղության խաչմերուկ» հայկական նախագծի կարևորությունը։ Այս նախագծի նպատակն է տարածաշրջանի առևտրատնտեսական ներուժի լիարժեք իրացումը՝ ինչպես Արևելք-Արևմուտք, այնպես էլ Հյուսիս-Հարավ ուղղությամբ տրանսպորտային և կապի ենթակառուցվածքների տարածաշրջանային համակարգի ստեղծման ճանապարհով։
«Համոզված եմ, որ նախագծի իրականացումը լիովին համապատասխանում է մեր բոլոր երկրների շահերին»,- նշել է նա։
Նա նաև ընդգծել է ԱՊՀ երկրների միջև մշակութային և հումանիտար կապերի ամրապնդման կարևորությունը։ Այս համատեքստում հայկական կողմը լիովին աջակցում է հումանիտար ոլորտում համագործակցության առաջնահերթ միջոցառումների ծրագրի ընդունմանը և պատրաստակամություն հայտնում ակտիվորեն մասնակցել դրա իրականացմանը։
ԱՊՀ կառավարությունների ղեկավարների խորհրդի նիստը ՌԴ վարչապետ Միխայիլ Միշուստինի նախագահությամբ անցկացվում է Մոսկվայում։ Կառավարությունների ղեկավարները ծրագրում են քննարկել առևտրատնտեսական հարաբերությունների զարգացումը պատժամիջոցների ֆոնին։ ԱՊՀ-ի կառավարությունների ղեկավարների խորհրդի նիստի օրակարգում ընդգրկված են համագործակցության երկրներում առևտրատնտեսական և մշակութա-մարդասիրական փոխգործակցության ընդլայնման հարցեր:
Sputnik Արմենիա
ПОСЛЕДНИЕ ОТ АВТОРА
-
New2025-03-15 06:36НАТО приветствует завершение переговоров по проекту мирного соглашения между Арменией и Азербайджаном. Об этом говорится в сообщении пресс-секретаря Североатлантического альянса Элисон Харт в X.
-
New2025-03-15 06:33Белый дом считает проведенные в четверг дискуссии по урегулированию кризиса на Украине продуктивными. Как передает ТАСС, пресс-секретарь Белого дома Каролин Левитт заявила, что международное сообщество еще никогда не было так близко к достижению мира на Украине.
-
New2025-03-15 06:30Генеральный секретарь ООН Антониу Гутерриш приветствовал заявления Армении и Азербайджана о завершении переговоров по проекту мирного соглашения. Об этом сообщил его пресс-секретарь Стефан Дюжаррик.
-
New2025-03-15 06:26Марк Карни, избранный новым лидером правящей в Канаде Либеральной партии, принес присягу в качестве премьер-министра страны. Его предшественник Джастин Трюдо подал в отставку под давлением общественного недовольства, вызванного экономическим кризисом и ростом инфляции.