2024-12-16 15:31
Информагентства
ՌԴ առողջապահության նախարարը նշել է Հայաստանի հետ համագործակցության առանցքային ոլորտները
Հայաստանն ու Ռուսաստանը հաջողությամբ համագործակցում են բժշկության մի շարք կարևոր ուղղություններով։ Երևանում հայ-ռուսական առողջապահական 9-րդ համաժողովի ժամանակ այս մասին հայտարարել է ՌԴ առողջապահության նախարար Միխայիլ Մուրաշկոն:
Նրա խոսքով՝ ամենամյա համաժողովի անցկացումը թույլ է տալիս ոչ միայն փորձի փոխանակում իրականացնել, այլև ուրվագծել զարգացման որոշակի վեկտորներ: Նա նշել է ուռուցքաբանության ոլորտում համագործակցության հաջող զարգացումը, շարունակվող նշանակալի ծրագրերի իրականացումը։ Քննարկվում են նաև վիրահատական միջամտության, վնասվածքաբանության ոլորտում փոխգործակցության հարցեր: Մուրաշկոն նշել է, որ մարտական գործողությունները դրդում են վնասվածքաբանության ուղղության զարգացման։ Այդ զարգացումը թույլ է տալիս բազմաթիվ կյանքեր փրկել և խուսափել հաշմանդամությունից:
«Այսօրվա համաժողովի թեման մանկական մահացության և վերարտադրողական առողջության խնդիրներն են։ Անցած 5 տարվա ընթացքում այս ուղղությամբ շատ բան է արվել, արդյունավետ կրթական ծրագրեր են իրականացվում մեր երկրների միջև։ Միայն այս տարի Ռուսաստանում որակավորման բարձրացում է անցել հայաստանցի 41 մասնագետ։ Մենք շատ ուրախ ենք գիտելիքների այս փոխադարձ հարստացման համար»,-հավելել է նախարարը։
Նա ևս մեկ կարևոր ուղղություն է համարել նորածինների սկրինինգային ծրագիրը, գենետիկայի ոլորտի ծրագրերը: Այս ամենը, ընդհանուր առմամբ, հսկայական ներդրում է դառնում և նպաստում երեխաների առողջությանը՝ նվազեցնելով մանկական մահացության մակարդակը
Հիշեցնենք` դեկտեմբերի 16-ին Երևանում մեկնարկել է հայ-ռուսական ամենամյա առողջապահական համաժողովը: Դրան մասնակցում են երկու երկրների առողջապահության նախարարությունների առաջատար մասնագետները։ Անցյալ տարի նույնատիպ միջոցառում կայացել էր Ռուսաստանում։
Sputnik Արմենիա
ПОСЛЕДНИЕ ОТ АВТОРА
-
New2025-06-21 11:48Армении, "заморозившей" членство в ОДКБ, стоит трезво смотреть на возможности обеспечения своей безопасности, в том числе в коллективном формате. Об этом заместитель главы МИД России Александр Панкин заявил в интервью РИА Новости.
-
New2025-06-21 11:44Ни Россия, ни МАГАТЭ не располагают свидетельствами того, что Иран якобы хотел получить ядерное оружие, заявил президент России Владимир Путин в интервью телеканалу Sky News Arabia.
-
New2025-06-21 10:52Представители армянской общины в Сербии, Ливане и ряде других стран арест главы группы компаний «Ташир» Самвела Карапетяна рассматривают в контексте ситуации на Украине и напряженности на Ближнем Востоке.
-
New2025-06-21 10:16Региональная архитектура безопасности Ближнего Востока оказалась на грани обрушения на фоне попыток прозападных сил нейтрализовать геополитический фактор Ирана. Такое мнение в эфире программы Sputnik Армения "Абовян time" выразил политолог Грант Микаелян.