2025-01-27 10:26
Информагентства
Լուկաշենկոն՝ Հայաստանի վարչապետի մասին. «Հանգստացրեք նրան այնտեղ. նա կկործանի Հայաստանը»
Բելառուսի նախագահ Ալեքսանդր Լուկաշենկոն հայտարարել է, որ Հայաստանի ղեկավարությունը «սիրախաղ է անում» Եվրամիության հետ, հայտնում է ԲԵԼՏԱ-ն։
«Նրանք սկսեցին սիրախաղ անել ԵՄ-ի հետ: Չափազանց վտանգավոր խաղ։ Հանգստացրեք նրան այնտեղ: Նա կկործանի Հայաստանը։ Նա նաև իր դեմ է տրամադրում Ռուսաստանին։ Նա շրջապատված է, փոքր տարածք է։ Բնակչությունը հսկայական չէ։ Իսկ նա շրջապատել է իրեն թշնամիներով: Ահա, Եվրամիությունը կսկսի նրան ինչ-որ բանով օգնել այնտեղ... Նա կկործանի երկիրը։ Ուստի նրան պետք է հանգստացնել։ Չի կարելի Կովկասում պատերազմ թույլ տալ»,- հայտարարել է նա։
Լուկաշենկոն խոսել է նաև Բելառուսի հանդեպ Հայաստանի ղեկավարության «վիրավորվածության» մասին։
«Նրանք ինձնից վիրավորված են, որ աջակցել եմ Ադրբեջանին։ Աստված ձեզ հետ, ես միշտ կողմնակից եմ եղել ողջախոհությանը, կողմնակից եմ եղել, որ պատերազմ չլինի, որ իրար հետ չկռվենք»,- ասել է նա։
Միևնույն ժամանակ, Լուկաշենկոն պնդում է, որ «մի ժամանակ նա իրականում միջնորդի դեր է կատարել» Ադրբեջանի և Հայաստանի ղեկավարների միջև՝ «փորձելով նպաստել տարածքային վեճի խաղաղ կարգավորմանը», իսկ Ադրբեջանի նախագահ Իլհամ Ալիևն «առաջարկել է տնտեսական համագործակցություն և ներդրում»։
«Ալիևը Հայաստանի հետ կռվելու նպատակ անգամ չի ունեցել»,- պնդում է Բելառուսի նախագահը։
Ըստ Լուկաշենկոյի, ինքը հրապարակավ հնչեցրել է այդ առաջարկները, այդ թվում՝ Հայաստանում, «սակայն Հայաստանի ղեկավարության մոտ այդ առաջարկները զարգացում չեն ստացել»։
«Այն, ինչ տեղի ունեցավ, Հայաստանի ղեկավարության մեղքն է։ Միայն իրենց մեղքն է»,- ասել է նա։
Ավելին, Հայաստանի վարչապետ Նիկոլ Փաշինյանն ինքն է իր հայտարարություններում ընդունել Ադրբեջանի տարածքային հավակնությունները, երբ կարող էր այդպես չանել, կարծում է Բելառուսի նախագահը։
«Փաշինյանն ինքը հրաժարվեց Լեռնային Ղարաբաղից։ Թեև այդ պահին Իլհամը պատրաստ էր համաձայնել, որ դա տարածք է, որտեղ Հայաստանը լուրջ ազդեցություն կունենա։ Բայց ահա այսպիսի նվեր։ Ո՞վ չէր օգտվի: Ե՞ս ինչ կապ ունեմ։ Նրանք որոշեցին «կրակել» ինձ վրա, բայց գիտե՞ք, թե ում էին ուզում խփել»,- ասել է նա։
Լուկաշենկոն նույնիսկ հայտարարել է, որ ինքը նախկինում և հիմա էլ «լավ է վերաբերվում Հայաստանին և այդ երկրի ժողովրդին», գրում է ԲԵԼՏԱ-ն։
Լուրեր Հայաստանից - NEWS.am
ПОСЛЕДНИЕ ОТ АВТОРА
-
New2025-03-15 14:07В Армении официально открыт армяно-американский металлургический завод GTB Steel, ранее перенесенный из Ерасха в Арарат.
-
New2025-03-15 13:58В Первопрестольном Святом Эчмиадзине состоялось заседание Высшего духовного совета под председательством Верховного Патриарха, Католикоса всех армян Гарегина II.
-
New2025-03-15 13:55Армянский национальный комитет Америки (ANCA) призвал обеспечить реальный мир на фоне сообщений о навязывании Армении одностороннего "соглашения" с Азербайджаном.
-
New2025-03-15 12:36В тюрьме в армянском городе Армавир пятеро осужденных начали бессрочную голодовку. Как заявила в беседе со Sputnik Армения начальник управления по связям с общественностью Уголовно-исполнительной службы Минюста Армении Нона Навикян, голодовку они начали 13 марта.