Последние новости

ԱՆ․ Հայաստանում շարունակում է պահպանվել ՍՇՎ-ի ակտիվությունը, թոքաբորբով հոսպիտալացվել է 578 պացիենտ

2025 թվականի 5-րդ շաբաթվա (հունվարի 27-ից փետրվարի 2) ընթացքում Հայաստանի Հանրապետության տարածքում շարունակում է պահպանվել ՍՇՎ-ներով պայմանավորված ակտիվությունը, հայտնում է ՀՀ առողջապահության նախարարությունը։

Նշված ժամանակահատվածում առողջության առաջնային պահպանման կազմակերպություններ ՍՇՎ-ով դիմել է 9105 պացիենտ, (հիվանդացության ցուցանիշը կազմել է 3073), նախորդ շաբաթվա համեմատ հիվանդացությունը նվազել է 1,1 անգամ, 2024թ. միևնույն ժամանակահատվածում արձանագրված դեպքերի համեմատ ևս ցածր է 1.1 անգամ։

Ընդհանուր դեպքերի 74.7%-ը արձանագրվել է 0-18 տարեկանների շրջանում։

Առողջության առաջնային պահպանման կազմակերպություններ նշված ժամանակահատվածում թոքաբորբով դիմել է 1022 պացիենտ, նախորդ շաբաթվա համեմատ հիվադացությունը գտնվում է գրեթե միևնույն մակարդակի վրա:

Ընդհանուր դեպքերի 67.9%-ը կազմում են 0-18 տարեկանները։

Նշված ժամանակահատվածում ՀՀ բժշկական օգնություն և սպասարկում իրականացնող կազմակերպություններում ՍՇՎ-ներով հոսպիտալացվել է 863 պացիենտ, որոնց 92.8%-ը կազմում են 0-18 տարեկանները։ Նախորդ շաբաթվա 932-ի համեմատ հոսպիատալացումները նվազել են 1,1 անգամ։

Թոքաբորբով հոսպիտալացվել է 578 պացիենտ, որոնց 67.4%-ը ևս կազմում են 0-18 տարեկանները, նախորդ շաբաթվա 584 հոսպիտալացումների համեմատ գրեթե նույնն են։

Նովոստի–Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ