2025-02-21 09:28
Информагентства
Մինոսյանը դիմել է Աբխազիայի նախագահի պաշտոնակատարին՝ Բգանբայի մասով դիմումի հետկանչի համար
Աբխազիայի հայ համայնքի նախագահ Ալիկ Մինոսյանը դիմել է նախագահի պաշտոնակատար Վալերի Բգանբային՝ Աբխազիայի Հանրապետության քաղաքացիներ Էնվեր Բգանբայի և Յուրի Վանաբայի նկատմամբ նախկինում ներկայացված դիմումների հետկանչի հարցով: Այս մասին հայտնում է Աբխազիայի նախագահի Telegram-ալիքը։
Փետրվարի 17-ին սոցիալական ցանցերում տարածվել է ձայնագրություն, որում, մասնավորապես, Աբխազիայի նախագահի ընդդիմադիր թեկնածու Ադգուր Արձինբայի կողմնակից Էնվեր Բգանբան (Աբխազիայի նախագահի պաշտոնակատարի եղբորորդին) կոչ է արել պարզել հայերի հետ հարաբերությունները։ Դրանից հետո տարածվել են նոր ձայնագրություններ, որոնք հաստատում են, որ Արձինբայի կողմնակիցները մտադիր են հարաբերություններ պարզել հայ համայնքի հետ:
Նշված սկանդալի ֆոնին Բգանբան որոշել է ընկրկել և խոստովանել է, որ ձայնագրությունն իսկական է՝ առանց որևէ մոնտաժի (նախկինում ընդդիմությունը հրաժարվել էր այդ ձայնագրությունից՝ պնդելով, որ այդ ձայնը գեներացվել է նեյրոցանցի կողմից-խմբ.): Բգանբան հաշտության նպատակով այցելել է Աբխազիայի հայ համայնքի նախկին ղեկավար Խաչիկ Մինասյանին և ներողություն խնդրել ՝ հայտարարելով, որ ձայնագրության մեջ հնչածն «էմոցիաների» արդյունք է:
Ըստ նախագահի պաշտոնակատարի մամուլի ծառայության՝ հայտարարության մեջ ասվում է` հանդիպման ընթացքում Էնվեր Բգանբան պարզաբանել է, որ իր արտահայտությունները վերաբերել են հայ համայնքի առանձին ներկայացուցիչների, ազգամիջյան երկպառակություն հրահրելու նպատակ չեն հետապնդել, բացի այդ, նա իր կտրուկ արտահայտությունների համար ներողություն է խնդրել: Հանդիպման բոլոր մասնակիցներն անընդունելի են համարել ազգամիջյան երկպառակության հրահրմանը նպաստող արտահայտությունները: Այսպիսով, արձանագրվել է կողմերի հաշտեցումը։
«Հարկ եմ համարում հետագայում գործադրել բոլոր անհրաժեշտ ջանքերը՝ ուղղված Աբխազիայի Հանրապետության ժողովուրդների ազգամիջյան միասնության ամրապնդմանը։ Հաշվի առնելով վերոգրյալը` անհրաժեշտ եմ համարում հետ կանչել Աբխազիայի Հանրապետության քաղաքացիների նկատմամբ նախկինում ներկայացված Է. Զ. Բգանբայի և Յու. Ռ. Վանաբայի դիմումները», - ասվում է տեքստում։
Ավելի վաղ ՌԴ ՔԿ պաշտոնական ներկայացուցիչ Սվետլանա Պետրենկոն հայտնել էր, որ Ռուսաստանի քննչական կոմիտեն Աբխազիայում նախագահական ընտրությունների ընթացքում հայ բնակչության իրավունքների խախտման նոր փաստեր է արձանագրել:
ԶԼՄ-ների և սոցցանցերի տվյալներով՝ փետրվարի 19-ին Գագրայի շրջանի Ցանդրիպշ ավանում 20 ավտոմեքենայով ժամանած մի քանի տասնյակ մարդկանցից բաղկացած խումբը ճնշում է գործադրել գյուղապետների վրա՝ փորձելով ստիպել հայ բնակչությանը հրաժարվել ընտրություններին մասնակցելուց: Այդ մարդկանց թվում, ըստ հետաքննության տվյալների, եղել են Դիմա Արձինբան, Մասիկ Շաքրիլը, Գենադի Այբայի անչափահաս որդին և այլք։
Փաստի ստուգման շրջանակներում նշանակվել են անհրաժեշտ փորձաքննություններ, այդ թվում՝ լեզվաբանական։ Հետաքննությունը նաև իրավական օգնության հարցում է ուղարկել։
Sputnik Արմենիա
ПОСЛЕДНИЕ ОТ АВТОРА
-
New2025-03-17 08:11США будут продолжать атаковать йеменских хуситов до тех пор, пока они не прекратят нападения на суда, заявил в воскресенье глава Пентагона Пит Хегсет.
-
New2025-03-17 08:09Военный представитель движения «Ансар Аллах» йеменских хуситов Яхья Сари заявил, что их силы провели «качественную операцию» по уничтожению американского авианосца «Harry S. Truman», сообщает Al Jazeera.
-
New2025-03-17 08:08Конфликту на Южном Кавказе должен быть положен конец. На этой неделе я беседовал с господином Хикметом Гаджиевым, советником президента Алиева по национальной безопасности в Азербайджане. Об этом в соцсети Х написал советник президента США Дональда Тремпа по национальной безопасности Майк Уолтц.
-
New2025-03-17 08:06«В годовщину аннексии Украинской Автономной Республики Крым Российской Федерацией в результате незаконного референдума, состоявшегося одиннадцать лет назад, сегодня (16 марта), мы вновь заявляем, что Турция не признает фактическую ситуацию в Крыму, которая представляет собой нарушение международного права, и что мы поддерживаем территориальную целостность и суверенитет Украины.