2025-03-12 13:29
Информагентства
ՓՈՐՁԱԳԵՏ․ ՉԵՄ ԲԱՑԱՌՈՒՄ, ՈՐ ՌՈՒՍԱՍՏԱՆԻ ՀԱՄԱՐ ՇԱՀԵԿԱՆ ԼԻՆԵՆ ԱՅՍՊԻՍԻ ԻՇԽԱՆՈՒԹՅՈՒՆՆԵՐԸ ՀԱՅԱՍՏԱՆՈՒՄ (ՏԵՍԱՆՅՈՒԹ)
Հայաստանի համար ավելի վատ վիճակ է ստեղծվել, քան 1915-ին էր, հիմա գործ ունենք միանգամից երկու թուրքական պետության հետ, մինչդեռ այն ժամանակ ներկայիս Ադրբեջանի տարածքը գտնվում էր Ռուսաստանի, իսկ հետո՝ ԽՍՀՄ ազդեցության տակ։ Այս մասին News.am-ի թղթակցի հետ զրույցում ասել է քաղաքագետ Արթուր Խաչիկյանը։
Նա բացատրել է, որ Ռուսաստանն այժմ չի ցանկանում առճակատման մեջ մտնել Թուրքիայի և Ադրբեջանի հետ։ Խաչիկյանը չի բացառել, որ Մոսկվան շահում է Հայաստանում այնպիսի իշխանությունների առկայությունից, ինչպիսին հիմա է, որոնք անընդհատ զիջում են և ազատում Ռուսաստանին ստանձնած պարտավորությունները կատարելուց։ Նա վստահություն է հայտնել, որ Ռուսաստանը կարևոր է Թուրքիայի և Ադրբեջանի համար՝ խոստովանելով, որ Մոսկվան գոհ է Հայաստանի դիրքորոշմամբ, որը թույլ է տալիս հանգիստ լուծել Թուրքիայի հետ իր հարցերը։ «Հայաստանը ֆորմալ առումով մնում է Ռուսաստանի հետ դաշնակցային հարաբերությունների մեջ, բայց իրականում մենք քանդեցինք այդ հարաբերությունները՝ Մոսկվային հասկացնելով, որ եթե ինչ-որ բան լինի, նա մեզ չի օգնի։ Մենք օգնում ենք Ռուսաստանին, որպեսզի նա մեզ չօգնի և դա հիմնավորի նրանով, որ Հայաստանը սառեցրել է մասնակցությունը ՀԱՊԿ-ին։ Հայաստանի իշխանությունները Ռուսաստանին ազատում են ցանկացած պարտավորություններից»,- նշել է փորձագետը։
Նրա գնահատմամբ՝ Հայաստանը կարևոր չէ նաև ԱՄՆ-ի համար։ Նա ենթադրել է, որ Թրամփի վարչակազմի համար աշխարհի ամենակարևոր պետությունը Իսրայելն է, որը, փորձելով մեկուսացնել Իրանը, մեծ նշանակություն է տալիս Ադրբեջանի և Թուրքիայի հետ հարաբերություններին։
Քաղաքագետն ավելացրել է, որ Հայաստանը կանգնած է Արևելքում թուրքական կայսրություն ստեղծելու ճանապարհին, որում կընդգրկվեն թյուրքալեզու ժողովուրդներ՝ վստահություն հայտնելով, որ Եվրոպան չի օգնի Հայաստանին։ «Մենք խանգարում ենք Ադրբեջանին և Թուրքիային միավորվել մեկ պետության մեջ՝ ընդդեմ Իրանի և Ռուսաստանի։ Այդ ծրագրերը համապատասխանում են նաև ԱՄՆ և Իսրայելի շահերին։ Իրանը դիմադրում է, բայց հիմա Թեհրանին ստիպում են համաձայնել միջուկային ծրագրի շուրջ գործարքին, ինչպես նաև չհակազդել Հայաստանով միջանցքի բացմանը»,- ընդգծել է նա։
Նրա կարծիքով՝ Հայաստանը պետք է շատ ակտիվ դիվանագիտական աշխատանք վարի։ Բայց իշխանությունները ոչինչ չեն անում։ «Դրա փոխարեն ԱՄՆ-ում Հայաստանի դեսպանը միջամտել է այդ երկրի ներքին գործերին՝ միակողմանիորեն աջակցելով ընտրություններում Քամալա Հարիսին։ Իսկ Թրամփը դա չի մոռանա»,- ավելացրել է Արթուր Խաչիկյանը։
ПОСЛЕДНИЕ ОТ АВТОРА
-
New2025-05-05 11:10Мэр Еревана Тигран Авинян заявил на рабочем совещании в столичной администрации, что не собирается быть судьей в скандале с участием главы администрации Нор-Норк Тиграна Тер-Маркаряна.
-
New2025-05-05 11:09Skype 5 мая 2025 года официально прекратил работу. Компания Microsoft объявила о закрытии одного из самых известных сервисов видеосвязи, который более 20 лет оставался символом онлайн-общения. Как пишет 3dnews, пользователи могут перейти на Microsoft Teams.
-
New2025-05-05 11:07России мало украинских территорий, которые она уже захватила в ходе войны. Москва стремится к полному захвату Украины. Об этом заявил президент США Дональд Трамп в интервью программе Meet the Press на NBC News.
-
New2025-05-05 11:06Геноциды не являются уникальными. Однако Геноцид армян отличается от других тем, что идеология, подпитывавшая геноцид, не была побеждена. Турецкое правительство и значительная часть общества поощряют отрицание Геноцида армян. В последние месяцы Эрдоган не только усилил отрицание, но и хвастается ролью Турции в этнической чистке Нагорного Карабаха. Об этом сообщил Майкл Рубин, старший научный сотрудник Американского института предпринимательства.