2025-03-12 19:28
Информагентства
Մանե Թանդիլյանը խոստանում է ուժեղացնել ճնշումը Բաքվի հայ գերիներին ազատ արձակելու հարցում
Հացադուլը դադարեցվում է, պայքարը` ոչ։ Այս մասին Ազատության հրրապարակում հրավիրված ասուլիսի ժամանակ լրագրողներին ասաց «Ապրելու երկիր» կուսակցության համահիմնադիր Մանե Թանդիլյանը։
Ինչպես արդեն հայտնել ենք, Թանդիլյանն այսօր հայտարարեց, որ Բաքվի բանտում գտնվող Ռուբեն Վարդանյանի կինը և քույրը խնդրել են դադարեցնել հացադուլը, և ինքն ու հացադուլ հայտարարած մյուս երկու անձինք` Վարդան Ավագյանն ու Արտավազդ Ալավերդյանը, դադարեցնում են այն։
Թանդիլյանը նշեց, որ դա չի նշանակում, թե պայքարն ավարտված է. իրենք նախանշել են գործողությունների երկու ծրագիր` երկարաժամկետ և կարճաժամկետ։
Կարճաժամկետ ծրագրի մեջ մտնում է Ռուբեն Վարդանյանի կյանքը փրկելու համար ամեն ինչ անելը, որ նա ողջ–առողջ հայրենիք վերադառնա։
«Այդ նպատակով բոլոր միջազգային կառույցներից պետք է պահանջենք մասնակցություն բոլոր գերիների բոլոր դատական նիստերին։ Միջազգային կառույցները պետք է հասկանան, որ մենք հետևողական ենք լինելու ու պետք չէ մեզ շփոթել ՀՀ իշխանությունների հետ»,– ընդգծեց Թանդիլյանը։
Նա կոչ արեց մարտի 14–ին, ժամը 13։00–ին հավաքվել ՄԱԿ–ի գրասենյակի մոտ` պահանջելու, որ կապվեն Բաքվում գտնվող իրենց ներկայացուցչի հետ, որպեսզի նա ևս մասնակցի Բաքվում ընթացող դատական նիստերին։
Թանդիլյանի նշած երկարաժամկետ ծրագրով նախատեսվում է Բաքվում գտնվող բոլոր հայ գերիների վերադարձ հայրենիք։ Նա կոչ արեց այս հարցով ակտիվ լինել սոցցանցերում, շփումների մեջ։ Նա նշեց՝ այս իշխանությունները գերիների հարցով կզբաղվեն միայն մի դեպքում, երբ կզգան, որ հայ ժողովրդի օրակարգում է գերիների վերադարձի հարցը։
«Այս կառավարությունը պետք է իմանա, որ հանգիստ չենք տալու իրենց, քանի դեռ մեր որդիներին ետ չեն բերել»,– ընդգծեց Թանդիլյանը։
Sputnik Արմենիայի հարցին, թե ՀՀ իշխանությունները իրենց օրեցօր իջնող վարկանիշը փրկելու, ինչպես նաև առաջիկա ընտրություններում վերընտրվելու համար կարող էին վերադարձնել հայ գերիներին, ինչո՞ւ այդ ուղղությամբ որևէ քայլ չեն ձեռնարկում, Մանե Թանդիլյանն արձագանքեց.
«Նրանք բոլոր հայրենասերներից ալերգիա ու վախ ունեն, նրանք չեն ուզում այս մարդկանց վերադարձը, որովհետև հասկանում են` այդ մարդիկ մեծ հեղինակություն ունեն հայ ժողովրդի մեջ, իսկ իշխանությունները հեղինակություն ունեցող մարդկանց վարկաբեկելու, կորցնելու մոլուցքով են տարված»,–ասաց նա։
ПОСЛЕДНИЕ ОТ АВТОРА
-
New2025-03-14 11:05Заявление турецко-азербайджанского оккупационного режима о якобы завершении переговоров по так называемому мирному договору с Арменией вскрыло важные политические "нарывы" в этом сомнительном процессе, именуемом "мирные переговоры".
-
New2025-03-14 09:38Залог долголетия — элементарные повседневные привычки, которые либо ускоряют, либо, наоборот, тормозят процесс старения, пишет Daily Express. Авторы предлагают взять на вооружение три полезных ритуала и повторять их ежедневно.
-
New2025-03-14 09:044 марта ТАСС сообщил, что Сергей Собянин принял участие в церемонии закладки памятника Гейдару Алиеву. «Мэр Москвы Сергей Собянин во вторник принял участие в церемонии закладки монумента дважды Герою Социалистического Труда, государственному и политическому деятелю, председателю комиссии Совета министров СССР по строительству и освоению Байкало-Амурской магистрали (БАМ) Гейдару Алиеву», - говорилось в сообщении.
-
New2025-03-14 08:09Азербайджан готовится к новой войне. Об этом написал тюрколог Варужан Гегамян, который прокомментировал звучащие из Азербайджана предусловия и угрозы касательно «мирного соглашения».