2025-03-14 12:24
Информагентства
ԱՐՑԱԽՑԻՆԵՐԸ ՉՊԵՏՔ Է ԲԱՑ ԹՈՂՆԵՆ ԻՐԵՆՑ ՀՆԱՐԱՎՈՐՈՒԹՅՈՒՆԸ (ՏԵՍԱՆՅՈՒԹ)
Հայկական Արցախի հարցը կարող է կրկին օրակարգ վերադառնալ
Քաղաքագետ Բենիամին Մաթևոսյանն Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է.
«Հայաստանը գոյություն չունի աշխարհաքաղաքական վակուումում, և մեր շրջապատում տեղի ունեցող իրադարձությունները չէին կարող ազդեցություն չունենալ ներքաղաքական գործընթացների վրա։ Դրանց դրսևորումներից մեկը դարձավ արցախցիների ակնհայտ ակտիվացումը Հայաստանում։ Դա դրսևորվում է ոչ միայն Բաքվում գտնվող հայ ռազմագերիների աջակցության ակցիաների շրջանակում, այլև մի շարք այլ գործընթացներում։
Այսպես, հայկական ԶԼՄ-ների տեղեկություններով, արդեն մոտ երկու ամիս է, ինչ Հայաստանում Արցախի ներկայացուցչությունում պարբերաբար գումարվում են Արցախի Ազգային ժողովի նիստեր։ Արցախի պատգամավորներն ու այլ ներկայացուցիչներ ակտիվորեն համագործակցում են միջազգային կազմակերպությունների հետ՝ հույս ունենալով վերադարձնել արցախցիների հարցը միջազգային օրակարգ։
Այդպիսի ակտիվացումը միայն կարելի է ողջունել։ Եթե հենց արցախցիներն ու Արցախի ղեկավարությունը չզբաղվեն իրենց հարցերով, մեծ է հավանականությունը, որ այս թեման կմոռացվի։ Միևնույն ժամանակ, կարևոր է շեշտել, որ Արցախի քաղաքական ղեկավարության համար չափազանց կարևոր է գոնե այս անգամ հասկանալ աշխարհաքաղաքական գործընթացների էությունը, պարզել, թե ումը կլինի Հարավային Կովկասի տարածաշրջանը աշխարհաքաղաքական փոփոխություններից հետո և հենց այդ կենտրոնի հետ ծավալել առավել ինտենսիվ աշխատանք, առավել ևս, որ այդ կենտրոնը պատրաստ է։
Ակնհայտ է, որ Արցախի ղեկավարությունն այս փուլում կարող էր «խաղադրույք» կատարել Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև բանակցային գործընթացի վրա։ Այս համատեքստում կարևոր է հստակ սահմանել միջազգային հանրության, Ռուսաստանի և ԱՄՆ-ի հետ աշխատանքի առաջնահերթությունները։
Պետք է զուգահեռ աշխատել արցախցիների Հայրենիք վերադառնալու հարցի շուրջ (որը իրավական հարթությունում չի կարող համեմատվել Բաքվի՝ ադրբեջանցիներին Հայաստան բնակեցնելու պահանջի հետ, ինչը մանրամասն բացատրել է ՀՀ նախկին ԱԳՆ ղեկավար Վարդան Օսկանյանը), ինչպես նաև անհրաժեշտ է աշխատել ԵԱՀԿ Մինսկի խմբի աշխատանքը վերականգնելու ուղղությամբ, թեկուզ այս փուլում «կրճատված» ձևաչափով՝ Ռուսաստանի և ԱՄՆ-ի մասնակցությամբ (Մոսկվային ևՎաշինգտոնին անհրաժեշտ են «success story»-ներ հարաբերությունների վերականգնման ճանապարհին):
Բացի արտաքին ոլորտում ակտիվ լինելուց, տրամաբանական կլիներ ակտիվություն ցուցաբերել նաև ներքաղաքական դաշտում։ Պետք է ճնշում գործադրել պաշտոնական Երևանի վրա, որպեսզի «ռիսկի չդիմի» և գնա ԵԱՀԿ Մինսկի խմբի լուծարման։ Արցախցիներն, ընդհանուր առմամբ, ներկայիս իրավիճակում են հայտնվել հենց իրենց անտարբերության պատճառով ՀՀ ներքաղաքական գործընթացներին հանդեպ։ Այդ անտարբերությունն, արցախյան էլիտայի դիտորդի կարգավիճակը թույլ տվեցին Նիկոլ Փաշինյանին հանձնել Արցախը։
Արցախի ղեկավարությունը չի կարող իրենթույլ տալ այդպիսի շռայլություն, ինչպիսին հերթական անգամ հնարավորությունը բաց թողնելն է։
Մտածե՛ք այդ մասին․․․»։
ПОСЛЕДНИЕ ОТ АВТОРА
-
New2025-07-22 10:34Баку готовит военную активность вдоль границы с Ираном, сообщает телеграм канал «Канал КСИР».
-
New2025-07-22 10:32Лидер движения "Священная борьба", архиепископ Баграт Галстанян подал в суд на министра здравоохранения Анаит Аванесян, депутата от партии "Гражданский договор" Ваагна Алексаняна, а также еще пятерых общественных и политических деятелей за публичные оскорбления и клевету. Информация об этом размещена на портале судебной информации Datalex.am.
-
New2025-07-22 10:31После недавних ударов США по иранским ядерным объектам обогащение урана в Иране временно приостановлено. Об этом заявил министр иностранных дел Исламской Республики Аббас Аракчи, подчеркнув, что отказ от программы не рассматривается, поскольку она является вопросом национальной гордости. Его слова приводит ТАСС.
-
New2025-07-22 10:30Разобравшись с «карабахским вопросом» и дистанцируясь от России, Баку стремится к более активной роли на Ближнем Востоке