2025-04-16 13:44
Информагентства
ԹՈՒՐՔԻԱՆ ԻՐԵՆՈՎ ՓՈԽԱՐԻՆԵԼ Է ԵԱՀԿ ՄԻՆՍԿԻ ԽՄԲԻՆ․ ՄԻՋԱԶԳԱՅՆԱԳԵՏԸ՝ ԱՆԹԱԼԻԱՅԻ ՖՈՐՈՒՄԻ ՄԱՍԻՆ
Թուրքիան իրենով փոխարինել է ԵԱՀԿ Մինսկի խմբի համանախագահության ձևաչափը և միանձնյա ստանձնել է հայ-ադրբեջանական հարաբերությունների կարգավորման մանդատը, թեպետ նման մանդատ չունի և չպետք է ունենա։ Sputnik Արմենիայի հետ զրույցում նման կարծիք է հայտնել միջազգայնագետ, լրագրող Դավիթ Սարգսյանը՝ մեկնաբանելով Անթալիայի դիվանագիտական ֆորումին հայկական պատվիրակության մասնակցությունն ու վերլուծելով հրապարակված տեղեկությունները։
Նրա խոսքով՝ թեպետ Թուրքիան չի կարող լինել հայ-ադրբեջանական կարգավորման միջնորդ, նույնիսկ տարածք տրամադրելու առումով, սակայն արդեն երկրորդ անգամ է՝ Հայաստանի և Ադրբեջանի արտգործանախարարներ Արարատ Միրզոյանի և Ջեյհուն Բայրամովի բանակցություններն անցկացվում են Թուրքիայում (2024թ․ հոկտեմբեր, Ստամբուլ և 2025 թ․ ապրիլ, Անթալիա)։
Սարգսյանը ևս մի ուշագրավ փաստի վրա է ուշադրություն հրավիրում՝ Միրզոյանի՝ Անթալիայի դիվանագիտական ֆորումից և Թուրքիայի ԱԳ նախարար Հաքան Ֆիդանի հետ հանդիպումից հետո տված հարցազրույցներից մեկում արված հայտարարությանը։ Ըստ Սարգսյանի՝ եթե մինչ այժմ բոլոր հնարավոր առիթներով ՀՀ ԱԳ նախարար Արարատ Միրզոյանն ու իշխանության մյուս ներկայացուցիչները պնդում էին, թե միջանցքային տրամաբանություն չի լինելու, այս անգամ Միրզոյանի հայտարարությունը տարբերվում էր։
«Միրզոյանը հարցազրույցում ասում է՝ Ադրբեջանի հետ նախատեսել ենք պարզեցված ընթացակարգեր, ըստ որոնց՝ երկաթուղային հաղորդակցության դեպքում ադրբեջանական բեռները կհայտարարագրվեն Ադրբեջանում, գնացքներն առանց կանգառի կհատեն ՀՀ սահմանը երկու անգամ և կհասնեն Նախիջևան։ Ավելի պարզ ասել, որ Հայաստանը համաձայնել է արտատարածքային միջանցքի, ուղղակի անհնար է»,- կարծում է միջազգայնագետը։
Ըստ նրա՝ ստացվում է, որ Ադրբեջանին Հայաստանն իր սեփական քաղաքացիներից առավելություն է տալիս, որովհետև ՀՀ որևէ քաղաքացի չի կարող հատել սահմանն առանց հայտարարագրվելու, առանց բացահայտելու, թե ինչ բեռ է տեղափոխում։ Բացի այդ ևս մի հանգամանք է կարևոր՝ Ադրբեջանի կողմից հայելային սկզբունքով նման պատրաստակամություն չկա։
Ինչ վերաբերում է Անթալիայի դիվանագիտական ֆորումին Հայաստանի մասնակցությունը՝ հայ-թուրքական հարաբերությունների կարգավորման համատեքստում, Սարգսյանը նկատում է՝ Թուրքիան այնքան հետաքրքրված չէ Հայաստանի հետ հարաբերությունների կարգավորմամբ, որքան՝ Հայաստանի իշխանությունը, թեպետ մեր հայրենակիցներին հակառակն են փորձում համոզել։
«Նախ դա միջազգային ձևաչափ չէ, այն կազմակերպում է Թուրքիայի ԱԳՆ-ն ամեն տարի և հյուրընկալում է Թուրքիայի բարեկամ, դաշնակից, գործընկեր պետությունների դիվանագիտական կորպուսների ղեկավարների։ Հայաստանն Անթալիայի դիվանագիտական ֆորումին մասնակցում է արդեն 3-րդ անգամ, մեկ անգամ էլ փորձեց մասնակցել 2023թ․ սկզբին, այն ժամանակ Թուրքիային պատուհասել էր երկրաշարժը և մեզ չհրավիրեցին, բայց այս վարչախումբը մասնակցելու պատրաստակամություն հայտնել էր»,- նշում է Սարգսյանը։
Նա հավելում է, որ արդեն երրորդ անգամ ֆորումին հայկական պատվիրակությունը մասնակցում է ՀՀ ԱԳ նախարարի գլխավորությամբ, պատվիրակության կազմում է նաև Թուրքիայի հետ հարաբերությունների կարգավորման հարցերով ՀՀ հատուկ բանագնաց Ռուբեն Ռուբինյանը։
Եթե Անթալիայի դիվանագիտական ֆորումին հայկական կողմից խորհրդարանական և կադրային դիվանագիտության փաստացի ղեկավարներն են մասնակցել, ապա «Երևանյան երխոսություն» դիվանագիտական համաժողովին Թուրքիայի ԱԳ նախարարությունից անգամ մեկ կցորդ ներկա չի եղել։
ПОСЛЕДНИЕ ОТ АВТОРА
-
New2025-05-05 11:10Мэр Еревана Тигран Авинян заявил на рабочем совещании в столичной администрации, что не собирается быть судьей в скандале с участием главы администрации Нор-Норк Тиграна Тер-Маркаряна.
-
New2025-05-05 11:09Skype 5 мая 2025 года официально прекратил работу. Компания Microsoft объявила о закрытии одного из самых известных сервисов видеосвязи, который более 20 лет оставался символом онлайн-общения. Как пишет 3dnews, пользователи могут перейти на Microsoft Teams.
-
New2025-05-05 11:07России мало украинских территорий, которые она уже захватила в ходе войны. Москва стремится к полному захвату Украины. Об этом заявил президент США Дональд Трамп в интервью программе Meet the Press на NBC News.
-
New2025-05-05 11:06Геноциды не являются уникальными. Однако Геноцид армян отличается от других тем, что идеология, подпитывавшая геноцид, не была побеждена. Турецкое правительство и значительная часть общества поощряют отрицание Геноцида армян. В последние месяцы Эрдоган не только усилил отрицание, но и хвастается ролью Турции в этнической чистке Нагорного Карабаха. Об этом сообщил Майкл Рубин, старший научный сотрудник Американского института предпринимательства.