2025-04-24 10:37
Информагентства
«ՄԻԱՍԻՆ»․ ՄԵՐԺԵԼՈՎ ԲՈԼՈՐ ԴԱՎԱՃԱՆՆԵՐԻՆ՝ ԱՊԱՑՈՒՑԵԼՈՒ ԵՆՔ ՀԱՆՑԱԳՈՐԾՆԵՐԻ ՊԱՏԺԻ ԱՆԽՈՒՍԱՓԵԼԻՈՒԹՅՈՒՆԸ
«Միասին» այլընտրանքային հասարակական-քաղաքական շարժման հայտարարությունը.
«2025 թվականի ապրիլի 24-ին Հայոց ցեղասպանության 110-րդ տարելիցն է՝ բեկումնային պահ անվտանգության և ինքնիշխանության պահպանման մարտահրավերների փակուղում հայտնված համայն հայության համար։ Թուրքական յաթաղանի 1,5 միլիոն սրբադասված մեր զոհերի ու Արևմտյան Հայաստանի անանց կորստի ցավին գումարվել են Արցախի լիակատար բռնազավթումն ու ցեղասպանական հայաթափումը: Ալիևյան միջազգային հանցագործ վարչախմբի կողմից։ 150 հազար արցախցի բռնագաղթվածների ծանրագույն խնդիրները, Բաքվի բանտերում, ապօրինի դատերում կեղեքվող և խոշտանգումների ենթարկվող հայ պատանդների ազատ արձակման հարցերը, որոնք ահագնացել են Հայաստանի Հանրապետության գործող իշխանությունների ապիկար ու ազգադավ քաղաքականության հետևանքով: Ավելին, խնդիրները լուծում ստանալու փոխարեն ավելի են խորանում՝ հային հայի դեմ դուրս բերելով, ուրացումի ու դավաճանության քարոզը վերածելով պետական «գաղափարախոսության», պաճուճելով այն կեղծ խաղաղասիրության, թշնամուն անվերապահ հպատակվելու կոչերով։
Ցեղասպան թուրք-ադրբեջանական ուժերի պահանջով ՀՀ սահմանադրություն են պատրաստվում փոխել՝ ուրանալով ՀՀ անկախության հռչակագրի բարձրագույն արժեքները, Արցախյան ինքնորոշման իրավունքի պայքարը, Հայոց ցեղասպանության պահանջատիրությունը՝ անգամ կասկածի ենթարկելով Ցեղասպանության միջազգայնորեն ճանաչված իրողությունն ու Թուրքիայի մեղավորության հանգամանքը։
«Միասին» հասարակական-քաղաքական, այլընտրանքային շարժումն արձանագրում է՝ պատմության քառուղիներում ցեղասպանություն վերապրած մեր ազգը կարողացել է ոտքի կանգնել բացառապես ազգային ինքնության իր հիմնասյուների վրա հենվելով, Հայ դատի ու պահանջատիրության, հանուն անկախ պետականության պայքարի ու հիշողության շնորհիվ։
Արցախյան հիմնահարցի կարգավորման էջը չի փակվի այնքան ժամանակ, քանի դեռ չենք վերականգնել արդարությունը՝ արցախահայության ինքնորոշման իրավունքի լիակատար իրացումը, մեր հայրենակիցների անվտանգ ու ապահով վերադարձը Արցախ։
Ծիծեռնակաբերդի հուշահամալիր այցելող մարդկանց շարքերը, մեր սուրբ զոհերի հիշատակի անմահ կրակի շուրջ ծաղիկների ու պսակների բարձրացող պատվարները պիտի դառնան մեր հանրային քվեն, որը վերահաստատում է ազգի հավատարմությունը անկախ ու միացյալ պետականությանը՝ մերժելով պատմությունն ու արդարությունը ուրացող բոլոր դավաճաններին, երևելի ու աներևույթ թշնամիների սուտն ու կեղծարարությունը։ Միասին ապացուցելու ենք հանցագործների համար պատժի անխուսափելիությունը, մեղասավորության համար վաղեմության ժամկետների բացակայությունը։ Վկան Հայոց Նեմեսիսի հերոսների գործած արդարադատության միջազգային ճանաչումն ու պատմության գնահատականը։
«Միասին» հասարակական-քաղաքական, այլընտրանքային շարժման
Համակարգող խորհուրդ
23․04․2025թ․»։
ПОСЛЕДНИЕ ОТ АВТОРА
-
New2025-04-29 11:18Армения не будет выводить своих миротворцев из Косово, хотя ранее премьер-министр Никола Пашинян заявил, что "армянская армия не имеет никаких задач, которые нужно решать за пределами международно признанной территории Республики Армения". Такой вывод можно сделать из ответа МИД на запрос Sputnik Армения.
-
New2025-04-29 11:17Когда президент Ирана заявляет, что не позволит третьим сторонам создавать проблемы в отношениях с Азербайджаном, он напрямую имеет в виду Израиль. Об этом в интервью Новости Армении - NEWS.am заявил иранский эксперт Пуйя Хосейни.
-
New2025-04-29 10:38Второй президент Армении Роберт Кочарян выступил с резкой критикой в адрес действующего руководства страны, заявив, что именно бездействие и популизм властей привели к катастрофическим последствиям для Арцаха и безопасности самой Армении. На встрече со студентами и преподавателями «Армянского университета» Кочарян не только напомнил о нереализованных дипломатических возможностях, но и обозначил системные просчеты в оборонной политике, внешних связях и восприятии угроз.
-
New2025-04-29 09:30Рабочий скончался, упав с шестого этажа строящегося элитного здания в центре Еревана, сообщает сайт криминальной хроники shamshyan.com.