Последние новости
2019-03-19 10:39
0

Տիգրան Սարգսյան․ գազի տրանզիտի գնի վերաբերյալ

0
Telegram

Այսօրվա դրությամբ բանավեճերի սուր հարցը գազի տրանզիտի գինն է, եւ դա գազի ընդհանուր շուկա ձեւավորելու համար շատ կարեւոր հարց է։ Այս մասին Forbes-ին տված հարցազրույցում հայտարարել է Եվրասիական տնտեսական հանձնաժողովի կոլեգիայի նախագահ, Հայաստանի նախկին վարչապետ Տիգրան Սարգսյանը՝ պատասխանելով այն հարցին, թե որն է ԵՏՄ երկրների միջեւ բանակցությունների համար ամենաբարդ հարցը։

Նրա խոսքերով, կա Բելառուսի դիրքորոշումը, որ տրանզիտի գինը պետք է ընդհանուր լինի, եւ կա Ռուսաստանի դիրքորոշումը, որ տրանզիտի գինը չպետք է խտրական լինի։ «Այն չի կարող միասնական լինել, քանի որ կան շատ գործոններ, որոնք ազդում են այդ գնի վրա։ Ինքնարժեքը, ենթակառուցվածքը, այդ ենթակառուցվածքում հիմնական ներդրումների անհրաժեշտությունը, փոխադրման հեռավորությունը՝ գործոնները շատ են, սակայն պետք է լինի գնի որոշման հասկանալի տրամաբանություն։ Հարցի գինը շատ բարձր է, այդ պատճառով էլ բանվեճերը սուր են»,- նշել է Տիգրան Սարգսյանը։

Основная тема:
Գազի մատակարարում

Теги:
գազ տրանզիտ

    ПОСЛЕДНИЕ ОТ АВТОРА

    ПОСЛЕДНЕЕ ПО ТЕМЕ

    • ԻՇԽԱՆՈՒԹՅՈՒՆՆԵՐԸ ՊԱՐՏՎԵ՞Լ ԵՆ ԳԱԶԻ ՎԵՐԱԲԵՐՅԱԼ ԲԱՆԱԿՑՈՒԹՅՈՒՆՆԵՐՈՒՄ
      2021-10-22 08:32

      Տպավորություն է ստեղծվում, թե Հայաստանին մատակարարվող բնական գազի գնի շուրջ բանակցությունների վերջնական արդյունքները ներկայումս պահվում են «հույժ գաղտնի» կնիքի տակ։ Քանզի որևէ թիվ հնչեցնել կառավարությունում ոչ ոք չի շտապում կամ չի համարձակվում։ Չնայած նույնիսկ այն հանգամանքին, որ փոխվարչապետ Մհեր Գրիգորյանը օրերս հայտարարեց, որ ՀՀ կառավարությունն արդեն պայմանավորվել է «Գազպրոմի» հետ հանրապետություն մատակարարվող բնական գազի գնի մասին։

    • ԿԱՌԱՎԱՐՈՒԹՅԱՆ ԶՈՀԵՐԸ
      2020-09-14 20:27

      «Գազպրոմ Արմենիա» ՓԲԸ աշխատակիցներին զանգվածաբար ազատում են աշխատանքից: Այդ մասին սեպտեմբերի 11-ին հայտնել է «Լուսավոր Հայաստան» կուսակցության ղեկավար Էդմոն Մարուքյանը։

    • Մհեր Գրիգորյանը վստահ է՝ հունվարի 1-ից գազի սակագինը չի բարձրանա
      2019-10-03 08:59

      «Ես չեմ կարծում ու կարող եմ նույնիսկ ասել՝ վստահ եմ, որ չենք ունենա իրավիճակ, երբ դեկտեմբեր ամսին ստիպված կլինենք քննարկում կազմակերպել ու հայտարարել, որ հունվարի 1-ից գազի սակագինը բարձրանում է», - խորհրդարանում ի պատասխան ԲՀԿ պատգամավոր Սերգեյ Բագրատյանի հարցին՝ ասաց ՀՀ փոխվարչապետ Մհեր Գրիգորյանը։

    • ԳԱԶ. ՄԵՐ ՀԱՄԱՐ ԵՎ ՁԵՐ ՀԱՄԱՐ
      2019-09-21 21:49

      Գործը գլուխ է եկել, թե՞ գլխովին ձախողվել է Ցուրտ եղանակի մոտենալը, որը էներգետիկների լեզվով կոչվում է «աշնանային-ձմեռային պիկ կամ մաքսիմում», արդիականացնում է գազի գների թեման։ Հիշեցնենք, որ ռուսական «Գազպրոմը» այս տարվա հունվարի 1-ից, անտեսելով «թավշե հեղափոխությանն» աջակցելու անհրաժեշտությունը, սահմանի վրա բարձրացրեց գազի գները Հայաստանի համար 150 դոլարից մինչև 165-ի՝ հազար խորանարդ մետրի համար, դրանով իսկ պերճախոս քաղաքական ազդանշան-նախազգուշացում ուղարկելով Երևանին և ցուցադրելով իր վերաբերմունքը նոր իշխանությունների նկատմամբ։ Եվ սակայն վարչապետ Փաշինյանը հայտարարեց այն մասին, որ երկրում ներքին սակագները մնում են նախկին մակարդակի վրա, գնի տարբերության փոխհատուցումը թողնելով բուն «Գազպրոմ Արմենիա» ընկերության վրա՝ ներքին օպտիմալացման հաշվին։ Սակայն այդ իրավիճակը երկար չի պահպանվի…