Последние новости

Արա Ֆիդանյան. Ադրբեջանի մանիպուլյացիայի փորձերը անհաջող են

Ինտերպոլը մանիպուլյացիաների եւ չարաշահումների փորձերի դեմ պայքարի լուրջ գործիքակազմ ունի: Այս մասին NEWS.am-ի հետ զրույցում ասաց Հայաստանում Ինտերպոլի Ազգային կենտրոնական բյուրոյի պետ Արա Ֆիդանյանը՝ պատասխանելով Ադրբեջանի կողմից Ինտերպոլի ուղիները քաղաքական նպատակներով օգտագործելու փորձերի մասին հարցին:

«Ադրբեջանն իսկապես փորձում է Ինտերպոլի ուղիներն օգտագործել որոշակի քաղաքական խնդիրների լուծման համար, սակայն Ինտերպոլը լուրջ գործիքակազմ ունի նման կարգի մոտեցումների կանխման համար, կազմակերպության կառուցվածքում նաեւ գործում է հրաշալի կազմակերպված անկախ մարմին, որն Ինտերպոլի ուղիներով ստացվող բոլոր հարցերի իրավաբանական ուսումնասիրություն է կատարում: Մինչ օրս Ինտերպոլի ուղիներն ինչ-որ կերպ օգտագործելու Ադրբեջանի փորձերն անհաջողության են մատնվել, քանի որ նրանց բոլոր փորձերը ժամանակին կանխվել են: Մենք մեր կողմից նույնպես որոշակի քայլեր ենք ձեռնարկում: Կան անձանց հատուկ ցուցակներ, որոնց նկատմամբ Ադրբեջանը ենթադրաբար կարող է փորձել Ինտերպոլի ուղիներով հետախուզում հայտարարել՝ ելնելով իր քաղաքական նպատակներից, ինչի հետ կապված մենք պարբերաբար մոնիթորինգ ենք անցկացնում»,- նշեց Արա Ֆիդանյանը:

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՄԱՆԱԹԻ ԹԵԹԵՎ ՇԱՐԺՈՒՄՈՎ…
      2019-08-08 07:17
      1700

      2011 թվականին, ՄԱԿ-ի մի շարք անդամ երկրների պաղեստինամետ քվեարկության հետ կապված, պաշտոնական Վաշինգտոնը կտրուկ կրճատեց Միավորված ազգերի կրթական, գիտական և մշակութային կազմակերպության՝ ՅՈՒՆԵՍԿՕ-ի ֆինանսավորումը։ Տարբեր պատճառներով նույնպիսի քայլի դիմեցին ևս մի քանի երկրներ՝ Կանադան, Իսրայելը, Ավստրալիան, Լեհաստանը և այլն։ Դրանից հետո ֆինանսական խնդիրների բախված կազմակերպությունը հայտնվեց բավական սպեցիֆիկ ռեժիմների շահերի ուղեծրում։ Մասնավորապես՝ ինքնակալական Ադրբեջանի, որը ՅՈՒՆԵՍԿՕ-ին շռայլորեն հատկացրեց 5 մլն դոլար։ Եվ դա միայն 2013 թվականին։