2019-04-09 11:23
Информагентства
0
Փաշինյանը իր ելակետն ունի ղարաբաղյան բանակցություններում
ՀՀ վարչապետ Նիկոլ Փաշինյանը երկուշաբթի ԱԺ–ում «Իմ քայլը» խմբակցության փակ նիստից հետո լրագրողներին մեկնաբանել է հայտարարությունն այն մասին, որ նա ԼՂ հակամարտության բանակցությունները սկսել է այն կետից, որի վրա կանգ է առել ՀՀ երրորդ նախագահ Սերժ Սարգսյանը։
«Դա մոլորություն է։ Ես բանակցությունները սկսել եմ ոչ թե Սերժ Սարգսյանի կետից, այլ իմ սեփական կետից։ Սա շատ կարևոր նրբություն է», – ասել է Փաշինյանը։
Նա նաև գնահատել է մարտի 29–ին Վիեննայում Ադրբեջանի նախագահ Իլհամ Ալիևի հետ կայացած հանդիպման արդյունավետությունը։
«Ադրբեջանի ողջ օրակարգը քննարկվել է։ Սակայն քանի դեռ ղարաբաղյան հարցը չի կարգավորվել, որևէ բանակցություն արդյունավետ չէ։ Միաժամանակ համանախագահների հայտարարության մեջ նշվում է, որ հանդիպումն անցել է կառուցողական և դրական մթնոլորտում։ Մենք բոլորս համաձայնել ենք այդ տեքստի հետ», – նշել է Փաշինյանը։
Վարչապետը մեկնաբանել է նաև ադրբեջանական կողմի հայտարարությունն այն մասին, որ պաշտպանության նախարար Դավիթ Տոնոյանի խոսքերը վկայում են պատերազմ սկսելու ցանկության մասին։
Մարտի 30–ին Տոնոյանը Նյու Յորքում հայ համայնքի հետ հանդիպման ժամանակ, խոսելով ԼՂ հակամարտության թեմայի մասին, հայտարարել է, որ փոխել է «տարածքներ` խաղաղության դիմաց» ձևաչափը «նոր պատերազմ` նոր տարածքների դիմաց» ձևաչափով։
«Մենք ասում ենք` մի վախեցրեք մեզ պատերազմով, քանի որ մենք չենք վախենում դրանից։ Պաշտպանության նախարարի հայտարարության մեջ որևէ ապակառուցողական բան չկա։ Եթե որևէ մեկը մեր դեմ պատերազմ սկսի, Հայաստանը կհանձնվի՞։ Իհարկե ոչ։ Այդպես կարող է մտածել միայն միամիտը», – ասել է Փաշինյանը։
Նա հիշեցրել է, որ հայկական կողմն արել ու անում է ամեն ինչ խաղաղության օրակարգն առաջ մղելու համար, սակայն թող չստեղծվի տպավորություն, թե նա վախենում է պատերազմից։
«Մեզ պարտադրված պատերազմի դեպքում մենք կպարտադրենք խաղաղության։ Մեր պատերազմի նպատակը կլինի խաղաղությունը։ Մենք չենք պատրաստվում ձեռնարկել ռազմական գործողություններ, սակայն եթե դա տեղի ունենա, մենք կպարտադրենք խաղաղության», – նշել է Փաշինյանը։
Նա կոչ է արել ավելի քիչ խոսել պատերազմի մասին։
Փաշինյանը նաև հույս է հայտել, որ Ադրբեջանը չի խախտի Վիեննայում ձեռք բերված քաղաքական պայմանավորվածությունները, որոնք վերաբերում են հրադադարի ռեժիմի պահպանմանը։ Նա նաև նշել է, որ հայկական կողմը չի խախտում դրանք։
ПОСЛЕДНИЕ ОТ АВТОРА
-
New2024-04-24 04:14Власти Армении приняли правила игры Азербайджана, который политизировал проблему возвращения пленных и подходят к этому вопросу исключительно в логике переговорного процесса. Такую точку зрения в беседе со Sputnik Армения выразила правозащитница Сирануш Саакян.
-
2024-04-23 22:40Отстранить Никола Пашиняна от власти реально, самый правильный и доступный путь – выразить ему недоверие. Об этом сообщил третий президент Республики Армения, глава Республиканской партии Армении Серж Саргсян, который вместе со своими сторонниками участвует в традиционном факельном шествии.
-
2024-04-23 19:42Тюрколог, кандидат исторических наук Варужан Гегамян предупредил об угрозе процессу международного признания Геноцида армян и диаспоре.
-
2024-04-23 19:29C площади Республики Еревана стартует традиционное факельное шествие, посвященное 109-й годовщине Геноцида армян в Османской Турции.
