Արմեն Սարգսյան. Հայոց ցեղասպանության անպատժելիությունը հանգեցնում է հետագա հանցագործությունների
Հայաստանի Հանրապետության նախագահ Արմեն Սարգսյանն ուղերձ է հղել Հայոց ցեղասպանության զոհերի հիշատակի օրվա կապակցությամբ, տեղեկացնում են նախագահի մամուլի գրասենյակից։
«Այսօր համայն հայ ժողովուրդը՝ առաջադեմ մարդկության հետ, աշխարհի բոլոր մայրցամաքների վրա ոգեկոչում է Հայոց ցեղասպանության զոհերի հիշատակը:
Ապրիլի 24-ը Օսմանյան Թուրքիայում պետական մակարդակով կազմակերպված և իրականացված հայոց ցեղասպանության անմեղ զոհերի հիշատակի օրն է, իրենց պատմական բնօրրանում բռնությունների ենթարկված և հայրենի հողից տեղահանված մեր բազմաթիվ հայրենակիցների ողբերգությունը վերստին հիշելու, մեր կորցրած հոգևոր, նյութական ու մշակութային արժեքների մասին հիշեցնելու, մարդկության դեմ ուղղված ծանրագույն հանցագործության՝ ցեղասպանության մասին աշխարհին ևս մեկ անգամ բարձրաձայնելու, սթափության և ժխտողականության դեմ պայքարի կոչելու օրը:
Ապրիլի 24-ը մեզ համար խնկարկումի, բայց նաև հարության օր է:
Հայոց ցեղասպանության անպատժելիությունը դուռ բացեց մարդկության դեմ հետագա ծանր հանցագործությունների և ցեղասպանությունների առջև: Հիշենք Հոլոքոստը, Կամբոջան, Ռուանդան և մյուս ողբերգությունները:
Այն զգոնության դաս պետք է լինի բոլորի համար: Մարդկության դեմ գործած այդ ահավոր ոճրի միջազգային ճանաչումը և դատապարտումը կարևոր քայլ պետք է դառնա դրա կրկնությունը աշխարհում որևէ տեղ բացառելու նպատակով:
Մենք մեր երախտագիտությունն ենք հայտնում բոլոր այն պետություններին, միջազգային կառույցներին և կազմակերպություններին, հոգևոր պետերին և քաղաքական առաջնորդներին, մշակութային, ակադեմիական և գիտական շրջանակների ներկայացուցիչներին, անհատներին, որոնք իրենց համերաշխությունն են հայտնում հայ ժողովրդին և ճանաչում ու դատապարտում Հայոց ցեղասպանությունը:
Այսօր գլուխ խոնարհելով սուրբ նահատակների հիշատակի առջև՝ միևնույն ժամանակ մենք վկայում ենք վերապրելու և մեր Հայրենիքը վերակերտելու աննկուն կամքը:
Վերապրողների ժառանգներիս պարտքն է համախմբվել մեր ազգային իղձերի շուրջ, հավատարիմ մնալ մեր ինքնությանն ու արժեքներին, խթանել ժողովրդի ստեղծարար ուժերը, կերտել դինամիկ զարգացող ժամանակակից Հայաստան, որը հպարտության առարկա կլինի աշխարհի բոլոր հայերի համար և ունակ՝ պաշտպանելու հայ ժողովրդի անանց իրավունքները»,- ասված է ՀՀ նախագահի ուղերձում, տեղեկացնում է aysor.am-ը։
ПОСЛЕДНИЕ ОТ АВТОРА
-
New2020-11-25 21:23193Сенат Франции принял резолюцию о признании независимости Нагорного Карабаха.
-
New2020-11-25 21:11175Всемирный армянский конгресс и Союз армян России потребовали отставки премьер-министра Никола Пашиняна.
-
New2020-11-25 21:07113Скончался легендарный аргентинский футболист, чемпион мира по футболу 1986 года Диего Армандо Марадона. Об этом сообщает аргентинский телеканал TN.
-
New2020-11-25 21:03124Бывший руководитель - генеральный секретарь Аппарата НС Ара Сагателян был приглашен по уголовному делу об организации демонстраций и беспорядках, связанных со зданием правительства. Об этом Ара Сагателян сказал в беседе с журналистами.
ПОСЛЕДНЕЕ ПО ТЕМЕ
-
2019-08-15 13:04270Ամերիկահայ ճանաչված գիտնական, հայտնի ցեղասպանագետ Վահագն Դադրյանի (Տատրեան) աճյունը կետափոխվի Հայաստան,հայտնում է ԱԳՆ մամուլի ծառայությունը:
-
2019-08-14 20:11303ԱՄՆ Քենթուքի նահանգի կոնգրեսական Ջոն Յարմութը աջակցում է Հայոց ցեղասպանության ճանաչմանը, հայտնում է Ամերիկայի Հայ դատի հանձնախումբը:
-
2019-07-11 07:07245Հայերի հետ տեղի ունեցած սարսափելի ողբերգությունը 20-րդ դարի և մարդկության պատմության մեջ մտածված սպանության ամենամեծ ակտերից մեկն է։ Այս մասին այսօր Իսրայելի անկախության օրվա պատվին ընդունելության ժամանակ լրագրողների հետ զրույցում ասել է Հայաստանում Իսրայելի նորանշանակ դեսպան Էլիավ Բելոցերկովսկին։
-
2019-05-07 13:53288ԱՄՆ կոնգրեսականները երկրի նախագահ Դոնալդ Թրամփին նամակ են ուղարկել, որում Հայոց ցեղասպանությունը ճանաչելու կոչ են արել, հայտնում է Ամերիկայի Հայկական ասամբլեան: Ըստ աղբյուրի՝ բանաձևի նախաձեռնողն է ԱՄՆ կոնգրեսական Ջեքի Սփիյերը: Բանաձևին աջակցել են ևս 28 կոնգրեսականներ, այդ թվում՝ Կոնգրեսի ներկայացուցիչներ Գուս Բիլիրակիսը, Ֆրենկ Փալոնեն, Պիտեր Քինգը և Ադամ Շիֆը: Ամերիկայի Հայկական ասամբլեայի գործադիր տնօրեն Բրայան Արդունին շնորհակալություն է հայտնել Ջեքի Սփիյերին և կոնգրեսականներին աջակցության համար: