Последние новости

Սատարել են Հայոց ցեղասպանության ճանաչման բանաձևը

Ամերիկյան սենատորներ Էդ Մարկեյը և Դիանա Ֆեյնսթեյնը սատարել են Հայոց ցեղասպանության ճանաչման բանաձևը, որը Սենատին են ներկայացրել նրանց գործընկերներ Բոբ Մենենդեզը և Թեդ Կրուզը, տեղեկացնում է NEWS.am։

«Մենք երբեք չենք կարող իսկապես հարգել Հայոց ցեղասպանության զոհերի հիշատակը, քանի դեռ լիովին չենք գիտակցել այդ սարսափի մասշտաբները։ Ահա, թե ինչու եմ ես կրկին միավորնել Բոբ Մենենդեզի հետ, որպեսզի ներկայացնենք բանաձևը, որում պաշտոնապես ճանաչվում է Հայոց ցեղասպանությունը»,- Twitter-ի իր միկրոբլոգում գրել է Էդ Մարկեյը։

«Որպեսզի անցյալի չարագործությունները չկրկնվեն, մենք պետք է ճանաչենք նրանց այնպիսին, ինչպիսին դրանք եղել են։ Վաղուց ժամանակն է, որ Կոնգրեսը պաշտոնապես ճանաչի 1915թ Հայոց ցեղասպանությունը»,- նշել է Դիանա Ֆեյնսթայնը։

Ավելի վաղ Բոբ Մենենդեզը և Թեդ Կրուզը Սենատին էին ներկայացրել Հայոց ցեղասպանության ճանաչման բանաձևը։ «Ես հպարտ եմ նրանով, որ գլխավորում եմ Հայոց ցեղասպանության պաշտոնապես ճանաչման վրա հիմնված ԱՄՆ արտաքին քաղաքականության ապահովման ջանքերը։ Դա պատմական փաստ է, որը քննարկման ենթակա չէ, և միայն ճանաչելով այն՝ մենք կարող ենք առաջ շարժվել ու կանխել այլ զանգվածային չարագործությունները»,- Twitter-ում գրել է Մենենդեզը։

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ