ԱՄՆ Կոլորադո նահանգի սենատը ճանաչել է Արցախի անկախությունը և ապրիլի 24-ը հռչակեց Հայոց ցեղասպանության զոհերի հիշատակի օր
ԱՄՆ-ի Կոլորադո նահանգի սենատն այսօր` ապրիլի 24–ին, միաձայն քվեարկությամբ ապրիլի 24-ը հայտարարել է Հայոց ցեղասպանության հիշատակի օր։ Սենատն այդ բանաձևով ճանաչել է նաև Արցախի Հանրապետությունը և Նախիջևանում տեղի ունեցած մշակութային ցեղասպանությունը ։ Այս մասին ֆեյսբուքյան իր էջում տեղեկացնում է Ամերիկայի Հայ դատի հանձնախումբը։
«Մենք երախտագիտություն ենք հայտնում, որ Կոլորադոն մշտապես հիշում է Հայոց ցեղասպանությունը, և մենք նաև հպարտանում ենք այն համարձակ բանաձևով, որով ճանաչվում են ցեղասպանության շարունակական հետևանքները, որոնց բախվում է հայ ժողովուրդը»,- նշել է Հայ դատի հանձնախմբի Արևմտյան տարածաշրջանի գրասենյակի ղեկավար Նորա Հովսեփյանը։ «Բանաձևն արժանի է հատուկ ուշադրության՝ պայմանավորված Արցախի Հանրապետության ճանաչմամբ»,- ընդգծել է նա։
Դեմոկրատ սենատոր Դոմինիկ Մորենոյի և հանրապետական սենատոր Ջեք Թեյթի աջակցությամբ ընդունված 19-012 բանաձևն անդրադառնում է Հայոց ցեղասպանության պատմությանը և հիշատակելով Առաջին համաշխարհային պատերազմի ժամանակ Կոլորադոյի ջանքերը՝ օգնելու հայ ժողովրդին՝ հաստատում է ցեղասպանության հետևանքների շարունակական բնույթը։
Մասնավորապես, բանաձևում ասվում է, որ «Հայոց ցեղասպանության շարունակական հետևանքներին և դրանց անպատժելիությանն է վերաբերում Հայաստանի Հանրապետության և Արցախի Հանրապետության թուրք-ադրբեջանական շրջափակումը»։ Այսպիսով, Արցախի Հանրապետությունը ճանաչած ամերկյան նահանգների թիվը հասավ 9-ի։
Բանաձևը նաև հիշատակում է Նախիջևանում տեղի ունեցած մշակութային ցեղասպանությունը՝ որպես Հայոց ցեղասպանության անպատժելիության հետևանք․ «Թուրքիայի կողմից Հայոց ցեղասպանության անպատիժ ժխտումը և հայկական սրբավայրերի անարգել պղծումը հանգեցրին ադրբեջանական էքսկլավ Նախիջևանի բնիկ ժողովրդի՝ հայերի ամբողջ ժառանգության ոչնչացմանը՝ մշակությային ցեղասպանությանը։ Այնտեղ 1997-ից 2007 թվականներին Ադրբեջանի կառավարությունը ոչնչացրել է հայկական հնագույն ժառանգության բոլոր հետքերը, այդ թվում՝ Ջուլֆայի նշանավոր խաչքարերը, որոնցից մեկի կրկնօրինակը 2015 թվականին դրվեց Կոլորադո նահանգի Հայոց ցեղասպանության զոհերի հիշատակի այգում», տեղեկացնում է NEWS.am-ը։
ПОСЛЕДНИЕ ОТ АВТОРА
-
2020-11-26 20:53240Так называемая команда Пашиняна бесконечно бессовестная, впрочем, как и он сам. Об этом написала на своей странице в Facebook бывший министр юстиции Армении Арпине Ованнисян.
-
2020-11-26 20:32311Кинопродюсер Армен Григорян, режиссер Мгер Мкртчян и актер Грант Тохатян призывают всех представителей интеллигенции объединиться и обратиться в международные структуры.
-
2020-11-26 20:20216В Армении нет власти. Нет ни Правительства, ни МИД. Об этом написал на своей странице в Facebook представитель ВО АРФ "Дашнакцутюн" Ишхан Сагателян.
-
2020-11-26 20:12226Город Бердзор переходит под контроль Азербайджана, об этом вчера сообщили жителям в администрации Кашатага, сказав: соберите свои вещи и до 30 ноября покиньте город. Об этом сообщил в беседе с корреспондентом Aysor.am житель Бердзора.
ПОСЛЕДНЕЕ ПО ТЕМЕ
-
2019-08-15 13:04271Ամերիկահայ ճանաչված գիտնական, հայտնի ցեղասպանագետ Վահագն Դադրյանի (Տատրեան) աճյունը կետափոխվի Հայաստան,հայտնում է ԱԳՆ մամուլի ծառայությունը:
-
2019-08-14 20:11305ԱՄՆ Քենթուքի նահանգի կոնգրեսական Ջոն Յարմութը աջակցում է Հայոց ցեղասպանության ճանաչմանը, հայտնում է Ամերիկայի Հայ դատի հանձնախումբը:
-
2019-07-11 07:07246Հայերի հետ տեղի ունեցած սարսափելի ողբերգությունը 20-րդ դարի և մարդկության պատմության մեջ մտածված սպանության ամենամեծ ակտերից մեկն է։ Այս մասին այսօր Իսրայելի անկախության օրվա պատվին ընդունելության ժամանակ լրագրողների հետ զրույցում ասել է Հայաստանում Իսրայելի նորանշանակ դեսպան Էլիավ Բելոցերկովսկին։
-
2019-05-07 13:53289ԱՄՆ կոնգրեսականները երկրի նախագահ Դոնալդ Թրամփին նամակ են ուղարկել, որում Հայոց ցեղասպանությունը ճանաչելու կոչ են արել, հայտնում է Ամերիկայի Հայկական ասամբլեան: Ըստ աղբյուրի՝ բանաձևի նախաձեռնողն է ԱՄՆ կոնգրեսական Ջեքի Սփիյերը: Բանաձևին աջակցել են ևս 28 կոնգրեսականներ, այդ թվում՝ Կոնգրեսի ներկայացուցիչներ Գուս Բիլիրակիսը, Ֆրենկ Փալոնեն, Պիտեր Քինգը և Ադամ Շիֆը: Ամերիկայի Հայկական ասամբլեայի գործադիր տնօրեն Բրայան Արդունին շնորհակալություն է հայտնել Ջեքի Սփիյերին և կոնգրեսականներին աջակցության համար: