2019-05-27 15:56
Информагентства
Դեսպան․ Հայաստանի և Ղազախստանի միջև հակասություններ չկան
Բարձրագույն իշխանության փոխանցումը Ղազախստանում տեղի ունեցավ խաղաղ պայմաններում և սահմանադրությանը համապատասխան: Այս մասին այսօր լրագրողների հետ հանդիպմանը նշեց Հայաստանում Ղազախստանի արտակարգ և լիազոր դեսպան Տիմուր Ուրազաևը՝ խոսելով իրենց երկրում տեղի ունեցող ներքաղաքական գործընթացների և առաջիկայում`հունիսի 9-ին սպասվող նախագահական ընտրությունների մասին:
«Գործող նախագահ Կասըմ-Ժոմարտ Տոկաևը հայտարարել է արտահերթ ընտրությունների մասին, որպեսզի ապահովի քաղաքական-հասարակական համաձայնությունը, բոլոր տեսակի անորոշությունները վերացնի, հաստատի արտաքին և ներքին քաղաքականության մեջ կանխատեսելիությունը, որը կարևոր է երկրի զարգացման համար սոցիալ-տնտեսական խնդիրների ռազմավարական լուծումների համար»,- ասաց նա:
Տիմուր Ուրազաևը նշեց նաև, որ սպասվող նախագահական ընտրություններին առաջադրվել է 7 թեկնածու. առաջին անգամ երկրի բարձրագույն իշխանության ղեկավարի ընտրություններում մասնակցելու է կին թեկնածու՝ Դանիա Եսպաևան:
«Մենք հասկանում ենք, որ Ղազախստանի առաջին նախագահը տվել է շատ բան, որ ոչ միայն Ղազախստանը, այլ նաև դաշնակից երկրները լինեն կանխատեսելի»,- ասաց դեսպանը:
Երկրում տեղի ունեցած փոփոխությունները, ըստ նրա, նաև պայմանավորած էին նրանով, որ աշխարհում տեղի են ունենում շատ ուժեղ դեֆորմացիաներ՝ ինչպես միջազգային իրավական ոլորտում, այնպես էլ՝ ռազմաքաղաքական: «Դրանք պետք է հաղթահարել: Դրա համար էլ պետք է նոր աշխարհին մոտենալ նոր հայացքներով,- ասաց նա՝ հավելելով, որ միևնույն ժամանակ հստակ հայտարարվել է որ, Ղազախստանի արտաքին քաղաքականության մեջ ոչինչ չի փոխվելու:
«Մեր գործընկերները՝ ԵԱՏՄ-ում և ՀԱՊԿ-ում մնում են մեզ համար առաջնահերթային: Մենք նաև շարունակելու ենք զարգացնել մեր հարաբերությունները ԵՄ-ի, Չինաստանի և ԱՄՆ-ի հետ»,- ասաց նա:
Նրա խոսքով՝ Արմեն Սարգսյանը մասնակցել է երկու ֆորումների Ղազախստանում, բացի այդ վարչապետ Նիկոլ Փաշինյանը այցելելու է Նուրսուլթան:
«Այդ առումով քաղաքական մակարդակը երկու երկրների միջև բարձր են,- ասաց նա՝ նշելով, որ ՀՀ-ի և Ղազախստանի միջև հակասություններ չկան և ոչ մի հարցում, ՀԱՊԿ-ում էլ Ղազախստանը վարում է հավասարակշռված քաղաքականություն»,-ասաց Տիմուր Ուրազաևը:
Անդրադառնալով՝ Ղազախստանի և Հայաստանի միջև տնտեսական հարաբերությունների զարգացմանը՝ դեսպանը նկատեց, որ երկու երկրների միջև առևտրաշրջանառության ծավալները մեծանում են:
Նրա նկատառմամբ՝ ԵԱՏՄ-ի հինգ ամյակին արդեն կառույցի անդամ երկրները դրական արդյունքներ՝ ամենակարևորը տնտեսական աճ է արձանագրվում: «Մենք գտել ենք այն բալանսը, որ և՛ տնտեսական առաջընթացը, և՛ համագործակցությունը դրական միտումներ են արձանագրում»,- ասաց նա՝ նշելով, որ դա թույլ է տալիս իրեն մտածելու, որ ճիշտ ճանապարհի վրա են կանգնած:
ПОСЛЕДНИЕ ОТ АВТОРА
-
New2025-04-21 06:40Заместитель министра иностранных дел Ирана по правовым вопросам Казем Гарибабади, который является членом иранской переговорной группы, заявил, что в переговорах с Соединенными Штатами обогащение урана является красной линией для Ирана, передает Mehr.
-
New2025-04-21 06:38Власти Украины потребовали от американского телеканала Fox News извиниться за обозначение Киева как российского города во время трансляции пасхальной литургии.
-
New2025-04-21 06:34Израильская полиция угрожала христианам, пытавшимся отметить Пасху, напав на них у Храма Гроба Господня в Восточном Иерусалиме, сообщает телеканал Al Jazeera.
-
New2025-04-21 06:31Патриарх Московский и всея Руси Кирилл поздравил с Пасхой папу Римского Франциска, патриарха Коптского Тавадроса II, патриарха Сирийского Мар Игнатия Ефрема II, верховного патриарха и Католикоса Всех армян Гарегина II и глав других инославных церквей, сообщает РИА Новости.