2019-06-07 17:24
Рубен МАРГАРЯН
ՍԱԴՐԱՆՔԸ ԵՎ ՊԱՏԱՍԽԱՆԸ
Ինչպես մեկնաբանում է «Ազատություն» ռադիոկայանը, ի պատասխան իր թղթակցի այն հարցին, թե ովքե՞ր են այն դավադիր ուժերը, որոնք, ինչպես մինչ այդ հայտարարեց Նիկոլ Փաշինյանը, փորձում են պատերազմ սադրել, հանձնել հողերն ու կատարվածի պատասխանատվությունը գցել Հայաստանի իշխանությունների վրա, վարչապետը (մեջբերում ենք «Ազատություն» ռադիոկայանին) «ըստ էության, մատնանշեց Լեռնային Ղարաբաղի գործող իշխանություններին»։
Ռադիոկայանն այդպիսի եզրահանգում է կատարել Հայաստանի վարչապետի հետևյալ հայտարարությունից. «Դա աննախադեպ երևույթ է եղել. և՛ Լեռնային Ղարաբաղի, և՛ Հայաստանի ռազմաքաղաքական ղեկավարության հետ մի քանի անգամ հանդիպում եմ ունեցել և ներկայացրել եմ ԼՂ հարցի լուծման վերաբերյալ իմ տեսլականը։ Եվ հետարքրքվել եմ՝ իմ առաջադրած տեսլականի հետ կապված վերապահումներ կա՞ն, համաձա՞յն են այդ տեսլականի հետ, թե՞ ոչ։ Պարզվել է, որ բոլորը համաձայն են։ Երբ դրանից հետո այդ սեղանի շուրջ ներկա մարդիկ տակից հրահրում են, թե այս կառավարությունը հողեր է ծախում, ինձ մոտ հարց է առաջանում՝ ես այս մարդու հետ գաղտնիության պայմաններում նստել, խոսել եմ, թե ոնց եմ պատկերացնում, ինչ քայլերով պետք է մենք գնանք առաջ։ Եթե այս մարդը դուրս է գալիս ու իր օգնականին ասում՝ գնա Ֆեյսբուքում գրիր, որ Փաշինյանը հողերը ծախում է, ինչի՞ համար է ինքը դա անում։ Ինքը հո 100 տոկոսով գիտի, թե ինչ է կատարվում։ Ընդ որում, երբ Հայաստանի իշխանության ղեկին եղել է իր պարի ընկերը, ինքը ոչ մի ինֆորմացիա չի ունեցել, իրեն հարկ էլ չեն համարել տեղյակ պահել, թե ինչ է կատարվում, ինչ են մտածում և ինչ են ուզում անել։
Ես եմ Ղարաբաղի հարցի բանակցային պրոցեսի վերաբերյալ փաստաթղթերը փոխանցել ԼՂ իշխանություններին։ Դրանից առաջ նրանք տեղյակ չեն եղել, թե ինչ է բանակցվել ինձնից առաջ։ Տեղյակ չեն եղել։ Հինգ անգամ հարցրել եմ՝ դուք տեղյա՞կ եք՝ ինչ է խոսվել, ինչ է պայմանավորվել։ Տեղյակ չեն եղել։ Իրենք դրանից հետո գնում են իրենց օգնականների… սոցիալական ցանցերի… նույնիսկ անձամբ գրում են, թե ապազգային իշխանությունը, հակազգային իշխանությունը հողերը հանձնում է․․․ հարց է առաջանում՝ ինչու են դա անում»։
Իհարկե, Փաշինյանի հայտարարությունից վերցրած այս երկար սադրիչ արտահայտությունը արժանի էր, որ մեջբերվեր ամբողջությամբ, մանավանդ որ ԼՂՀ իշխանությունների «պարի ընկերն» էլ հայտնի է. խոսքն ակնհայտորեն ցանցում տարածված հայտնի տեսագրության մասին է, որտեղ Հայաստանի նախկին նախագահ Սերժ Սարգսյանը Շուշիում Հաղթանակի օրվա տոնակատարության ժամանակ պարում է Բակո Սահակյանի և մյուսների հետ։
Ըստ երևույթին, դրանով իսկ Նիկոլ Փաշինյանին հերթական սաստիկ վիրավորանքն է հասցվել, որը նա չի կարողանում մոռանալ, դրա համար էլ այսօր հանդես է գալիս Լեռնային Ղարաբաղի իշխանություններին հասցեագրված գործնականում անթաքույց մեղադրանքներով, փաստացի սատարելով իր այն կողմնակիցների գործողություններին, որոնք չեն խորշում վիրավորանքներ տեղալ Արցախի հոգևոր առաջնորդների հասցեին կամ սպառնալ նրա ներկայիս քաղաքական ղեկավարությանը։ Իսկ ինչ վերաբերում է Փաշինյանի հայտարարությունների էությանը, ապա դա, սովորականի պես, ինչպես բոլորն արդեն վարժվել են, պարզապես «ջուր» է, որպեսզի վարչապետի կարգավիճակի նկատմամբ հարգանքից դրդված՝ չանվանենք նրա ինքնաբուխ ճառերը պարզապես սուտ։
Ի պատասխան Փաշինյանի խոսքերի, Արցախի նախագահ Բակո Սահակյանը, պատասխանելով «Արցախպրես»-ի հարցին, իրեն բնորոշ հանդարտ ոճով ասաց. «Վերջերս Հայաստանի Հանրապետության վարչապետը տրամադրել է մեզ որոշ փաստաթղթեր բանակցային գործընթացի մասին: Մենք էլ մեր հերթին Հայաստանի Հանրապետության վարչապետին ենք փոխանցել բանակցային գործընթացին առնչվող մեզ մոտ առկա փաստաթղթերի փաթեթը:
Առհասարակ, և՛ հիմա, և՛ նախկինում Ադրբեջանի հետ բանակցություններից առաջ և դրանցից հետո Հայաստանի Հանրապետության իշխանությունները տեղյակ էին պահում Արցախի ղեկավարությանը քննարկվող հարցերի և վերջին զարգացումների մասին»։
Արցախի առաջնորդը պատասխանեց նաև Փաշինյանի այն մեղադրանքներին, թե Ղարաբաղի ռազմաքաղաքական ղեկավարությունն իր հետ հանդիպման ժամանակ հավանություն է տալիս ղարաբաղյան հակամարտության կարգավորման իր տեսլականին, իսկ այնուհետ փորձում մեղադրել հողերը հանձնելու մեջ. «Նմանատիպ հարցեր ինձ արդեն ուղղել են, մասնավորապես՝ ս.թ. մայիսի 20-ին ՀՀ Ազգային ժողովի «Իմ քայլը» խմբակցության անդամների ու լրագրողների հետ հանդիպման ժամանակ: Ես ասել եմ, որ եթե կան դավադիրներ, նրանք պատժվելու են, և եթե որևէ մեկին հայտնի են կոնկրետ անձինք և նրանց դավադրության ապացուցված փաստեր, ապա թող մեզ տեղեկացնեն, և մենք համապատասխան քայլեր կձեռնարկենք:
Մեր ամենակարևոր ձեռքբերումներից մեկը մեր միասնականությունն է, և անթույլատրելի եմ համարում այն խարխլելուն ուղղված ցանկացած քայլ՝ լինի դա Արցախում, Հայաստանում, թե Սփյուռքում: Անընդունելի եմ համարում դավադրական պահելաձևն առհասարակ: Եթե կան կասկածներ, անվստահություն այս կամ այն երևույթի, անձի կամ պաշտոնյայի նկատմամբ, կարևոր եմ համարում այդ բոլոր հարցերի շուրջ փոխադարձ հարգանքի մթնոլորտում քննարկումների և ընդհանուր հայտարարի գալու անհրաժեշտությունը: Մենք ունենք մեկ հայրենիք, և բոլորիս պարտքն է անել ամեն ինչ նրա միասնականությունը պահպանելու համար»։
ПОСЛЕДНИЕ ОТ АВТОРА
-
2025-05-22 12:15Откровения надо ценить, независимо от того, от кого они исходят. Особенно, когда откровение - на публику, ведь это означает, что человек делится со своим сокровенным. Вот так и Арам Завенович от партии «Республика» поделился у Петроса сокровенным, тем, что очень наболело.
-
2025-05-21 12:14Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.
-
2025-05-21 10:02Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.
-
2025-05-21 09:38То, что Никол Пашинян выглядел не в своей тарелке на празднествах в Москве, было не только очевидно, но и ожидаемо. Никаких двусторонних встреч, наиболее частый собеседник - Александр Лукашенко, к которому симпатий Пашинян точно не питает… Запоминающийся момент, когда лидер Китая приветствует Лукашенко, а привставшего для рукопожатия Пашиняна просто не замечает? Случайно? Возможно, не специально. Просто Пашинян - такая незначительная для китайского лидера фигура, что можно действительно не обратить внимания на то, привстал он для приветствия или не привстал…
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ: