2019-06-15 07:55
Марина МКРТЧЯН
0
ԿՐԿԻՆ՝ ՈՒՐԻՇԻ ՎՇՏԻ ՇԱՀԱՐԿՈ՛ՒՄ
2 հանձնաժողով, 1 նախագահ
2008թ. մարտի 1-2-ի իրադարձությունների ուսումնասիրման համար Անդրանիկ Քոչարյանի և Սեդա Սաֆարյանի նախագահությամբ փաստահավաք խմբի ձևավորման հետ միաժամանակ, զոհվածների հարազատները սկսեցին ակտիվորեն ներգրավվել ՀԱԿ-ի ակցիաներում՝ նախագահի նստավայրի, խորհրդարանի պատերի, Գլխավոր դատախազության շենքի մոտ։
Հարազատներին կորցրած մարդիկ մի քանի տարի շարունակ ՀԱԿ-ի կողմից օգտագործվում էին քարոզչական նպատակներով։ Լևոն Տեր-Պետրոսյանի կուսակցությունը ձևացնում էր, թե միակ ուժն է, որը շահագրգռված է, որ 10 մարդու մահվան մեղքը կրողները կանգնեն դատարանի առաջ ու պատժի ենթարկվեն։ Ցուցանշական է, որ երբ Փաշինյանի և ՀԱԿ-ի ճանապարհները բաժանվեցին, «Հայկական ժամանակ» թերթում հայտնվեցին մարտյան ողբերգության զոհերի ազգականների անկեղծացումներն այն մասին, որ հիասթափվել են ՀԱԿ-ից և այժմ արդարության հույսը կապում են միայն Նիկոլի հետ։
Ահա արդեն մեկ տարի է, ինչ Փաշինյանը իշխանության ղեկին է, և նույնիսկ հայտարարեց, թե «Մարտի 1»-ի գործը լիովին բացահայտված է, սակայն 10 հոգու կյանք խլած մարդասպաններն այդպես էլ չկանգնեցին դատարանի առջև, փոխարենը՝ հարազատների վշտի շահարկումների արատավոր ավանդույթը շարունակվում է։ Հենց նույն Ա.Քոչարյանը, որը ոչ այնքան վաղուց ստանձնել է 2016թ. Ապրիլյան պատերազմի հանգամանքների ուսումնասիրման խորհրդարանական ժամանակավոր հանձնաժողովի ղեկավարումը, հայտարարեց զոհված զինծառայողների հարազատներին հանձնաժողովի աշխատանքում ներգրավելու մտադրության մասին։ «Զոհերի հարազատները և նրանց ծառայակից ընկերները լինելու են մեր հիմնական ուսումնասիրության շրջանակների մեջ»,- հայտարարեց նա։
Ժամանակավոր հանձնաժողովի ձևավորումից հետո փորձագետները միաձայն հայտարարեցին այն մասին, որ դրա կազմը չի կարող իրազեկ համարվել քառօրյա պատերազմի հանգամանքների և մանրամասների ուսումնասիրման հարցում։ Ինչ վերաբերում է զոհերի հարազատներին ներգրավելուն, ապա ակներև է 2008թ. իրադարձություններն ուսումնասիրող փաստահավաք խմբի հետ կապված իրավիճակի կրկնությունը։
Զարմանալի ոչինչ, ըստ էության, չկա. երկու կառույցներն էլ գլխավորել ու գլխավորում է նույն խորշելի անձնավորությունը, ուստի հարազատներին կորցրած մարդկանց զգացմունքների նոր շահարկումներից խուսափել չի ստացվի։ Ադրբեջանի 2016թ. ապրիլյան ագրեսիայի օրերին զոհվածների ազգականներին նույն ճակատագիրն է սպասվում, ինչ որ 2008թ. մարտի 1-ին զոհվածների հարազատներին. նրանց օգտագործելու են քաղաքական և քարոզչական նպատակներով։
Խնդիրները պահանջում են զուտ պրոֆեսիոնալ մոտեցում
Ժամանակավոր հանձնաժողովի անդամների պրոֆեսիոնալ հմտությունների բացակայությունը և Ա.Քոչարյանի ծրագրերը պերճախոս վկայում են այն մասին, որ պատգամավորական ժամանակավոր մարմնի իրական նշանակությունը բնավ ագրեսիայի հանգամանքների բացահայտումը չէ, այլ քաղաքական նախադրյալների ստեղծումը՝ նախկին իշխանության վրա ճնշում գործադրելու և բարձրագույն հրամանատարական կազմին վարկաբեկելու համար։
Պաշտպանության նախկին փոխնախարար Արտակ Զաքարյանը օրերս կարծիք արտահայտեց, որ ժամանակավոր հանձնաժողովի օրակարգում գտնվող խնդիրները պահանջում են զուտ պրոֆեսիոնալ մոտեցում։ Մինչդեռ հանձնաժողովի անդամների հայտարարություններից հետևում է, որ բարձրաստիճան զինվորականները պետք է բացակայեն ծառայության վայրից, որպեսզի հանձնաժողովի անդամներին պատմեն ռազմաճակատի տարբեր հատվածներում մարտական իրավիճակի պայմաններում իրականացված ռազմավարական և մարտավարական գործողությունների մասին, և ոչ միայն։
«Պետք է հասկանալ, թե տվյալ ժամանակահատվածում ինչպիսի քաղաքական միջավայր էր տարածաշրջանում, դրա սահմաններից դուրս, ինչ շահեր են այդտեղ բախվել։ Եվ արդյոք հասկանալուց հետո (եթե նույնիսկ ենթադրենք, թե օբյեկտիվ մոտեցում են ցուցաբերում) կարողանալու են դրանց մասին բարձրաձայն խոսել։ Արդյոք այդ բարձրաձայն խոսքի ընթացքում շատ ավելի մեծ հարցեր չեն առաջանալու արտաքին քաղաքականության մեջ։ Ես չեմ կարծում, թե այն մասնագետները կամ այն մարդիկ են այդ հանձնաժողովում, ովքեր կարող են հստակ պատկերացում կազմել։ Եվ նորից էմոցիաների դաշտում փորձելու են ոչ պրոֆեսիոնալ, սիրողական մակարդակով ինչ-որ սլաքներ ուղղել այս կամ այն ուղղությամբ»,- ընդգծեց Զաքարյանը։
Նրա կարծիքով, քառօրյա պատերազմի հանգամանքների ուսումնասիրության նկատմամբ պրոֆեսիոնալ մոտեցումը թույլ կտար ճիշտ եզրահանգումներ անել, որոնք բավական պիտանի կլինեին ապագայում։ Ավաղ, հանձնաժողովի առաջին իսկ նիստից հետո չգտնվեց ոչ մի փորձագետ, որ կասկածի տակ չառներ խորհրդարանական ժամանակավոր մարմնի պրոֆեսիոնալ իրազեկությունը։ Կարծում եմ, դա օբյեկտիվ պատճառներ ունի. ուսումնասիրվող հարցի ոլորտում հանձնաժողովի անդամների և նախագահի մասնագիտական հմտությունների բացակայությունն ակներև է։
Հերթական շոուն
«10 տարի մարտի 1-ի զոհերի հարազատների ցավը, ողբերգությունը շահարկեցին, հիմա մի 10 տարի էլ պետք է քառօրյայի զոհերի հարազատներին կանչեն:
Այս հանձնաժողովում ես մեկ մարդու գիտեմ, որ քիչ թե շատ ռազմական գործողություններով անցած է և կարող է ինչ-որ բան ասել, Երկրապահի նախագահ Սասուն Միքայելյանը, նա էլ ինչ-ինչ պատճառներով հրաժարվում է այդ հանձնաժողովի աշխատանքներին մասնակցել: Ժամանակին ՊՆ-ը մանրամասն ուսումնասիրել է Ադրբեջանի քառօրյա ագրեսիայի նյութերը։ Եվ եթե հիմա, այս իրավիճակում,երբ ամենօրյա պատերազմական վիճակ ունենք, քննիչ հանձնաժողովը հարյուրավոր զինվորականների գործից կտրի, կանչի նիստերի, հարցաքննի ու բացատրություններ պահանջի, ապա պատկերացրեք բանակում այդ զինվորականների հոգեվիճակը:Սա ուժեղացնում է մեր բանակը, թե՞ թուլացնում է»,- հայտարարեց նախորդ գումարման խորհրդարանի պատգամավոր Աղվան Վարդանյանը։
Նրա խոսքերով, հասարակության համար գլխավորը հիշելն է, որ այդ պատերզմում մենք հաղթել ենք, իսկ նրանք, ովքեր ուզում են այդ հաղթանակը ներկայացնել իբրև պարտություն, հարվածում են մեր բանակին: Վարդանյանը կարծիք հայտնեց, որ ժամանակավոր հանձնաժողովը հերթական շոուն է, որի մասին շուտով մոռանալու են։ Այդ առնչությամբ նա հիշեցրեց 2008թ. մարտի 1-2-ի երևանյան իրադարձությունների մանրամասները հետաքննող խորհրդարանական ժամանակավոր հանձնաժողովի աշխատանքի և ծավալուն եզրակացությունների մասին։ Այսօր այդ հանձնաժողովի մասին ոչ ոք չի հիշում…
ПОСЛЕДНИЕ ОТ АВТОРА
-
New2024-04-25 10:15Судья Жора Чичоян, выдавший санкцию на домашний арест и залог в 7 млн драмов для участника 44-дневной войны Самвела Варданяна, в свое время выдал санкцию на арест матери погибшего героя Гаянэ Мартиросян. Режим, напомню, обвинил ее в попытке похищения сына Пашиняна Ашота. Чичоян стал судьей 22 сентября 2022 г., а до этого был прокурором. Он приобрел известность, когда президент РА представил возражения в Высший судебный совет по поводу его назначения, но в ВСС позицию президента игнорировали. Дело в том, что за Жору вступились отец - прокурор Ширака Армен Чичоян и брат отца - судья ВСС Сергей Чичоян.
-
2024-04-24 09:57В ходе повторного визита Пашинян успокоил тавушцев, дескать, 4 деревни не будут сданы, а обмен территориями состоится в пользу тавушцев. Обман раскрылся почти сразу: когда на приграничные участки прибыли геодезисты и специалисты по разминированию, стало очевидно, что жители Тавуша могут разделить судьбу жителей Шурнуха, которые лишились своих домов в обход делимитации и каких-либо законных оснований!
-
2024-04-24 09:40"Армянский народ надо уничтожить в корне… Сейчас идет война, другого такого случая больше не будет", - дословно было произнесено в ходе секретного заседания высших чинов младотурецкого государства в 1915 г. 109-й годовщине предшествуют попытки правящей верхушки поставить под сомнение факт Геноцида в Западной Армении, специалисты считают, что инициатива исходит от Анкары, а это значит, что Геноцид продолжается в виде ревизии факта и попытки забвения. По мере приближения 109 годовщины становится очевиднее, что режим Пашиняна участвует в гибридной войне против армянского народа на стороне геноцидных государств!
-
2024-04-22 10:57"В день отставки Сержа Саргсяна, 23 апреля 2018 г., мы пошли к первому президенту и застали его в очень серьезном и даже мрачном расположении духа. Мы спросили: "Господин президент, весь народ ликует, почему вы в таком настроении?" Он сказал фразу, которая до сих пор не выходит у меня из головы, это был тот самый день, когда еще многие вещи не были ясны, например, станет ли Пашинян премьер-министром или нет? Левон Тер-Петросян сказал: "Послушайте, вы не понимаете, что сегодня я самый несчастный человек в Армении, потому что к власти идет тот, кто погубит Арцах и Армению!", - рассказал в январе 2024 г. зампредседателя АНК Левон Зурабян. Он признался, что тогда, после 23 апреля 2018 г., эти слова показались ему преувеличением, однако с позиции 2024 г. вынужден признать, что прогнозы Тер-Петросяна постепенно воплощаются в жизнь.
ПОСЛЕДНЕЕ ПО ТЕМЕ
-
2021-02-08 20:38Վերջին զվարճալի նորությունը. «Իր ուսապարկերը» խմբակցությունը հանդիպել է վարչապետի հետ և որոշել, որ «հասարակության լայն շերտերի շրջանում չկա արտահերթ ընտրությունների պահանջ»: Նրանք վճռել են, թե իրենք կարող են ինչ-որ բան վճռել։ «80+ ուսապարկերը որոշել են, թե կարելի է ապաշնորհ տանուլ տալ պատերազմը, ծնկի գալ թշնամու առաջ, վաճառել հայրենիքն ու շարունակել մնալ իշխող կուսակցություն»։
-
2021-01-29 17:35Հայաստանի երկրորդ նախագահ Ռոբերտ Քոչարյանը հայտարարեց, որ առաջադրվելու է արտահերթ խորհրդարանական ընտրություններում՝ անկախ նրանից, թե երբ դրանք տեղի կունենան, հաղորդում է Panorama.am-ը։
-
2020-09-29 20:08Սեպտեմբերի 27-ից մենք ապրում ենք նոր հարթությունում. խաղաղությունը փոխարկվել է պատերազմի։ Նման բան արդեն տեղի է ունեցել Երրորդ հանրապետության պատմության մեջ։ Հիշենք 90-ականների սկիզբը կամ 2016 թվականի Ապրիլյան պատերազմը։ Այդ տարիների փորձը ցույց է տալիս, որ պատերազմն իր օրենքներն ունի։ Այստեղ խոսքը ոչ միայն ռազմական դրության կանոնների, այլև չգրված այլ կանոնների ու օրենքների մասին է:
-
2020-09-24 19:44Ո՞ւմ քաղաքական շահերն է սպասարկում ՍԴ դատավոր Գրիգորյանը Գեղարքունիքի մարզում կա մի գեղեցիկ գյուղ՝ Վարսեր ռոմանտիկ անունով։ Տեղացիներն այդ անվանումը կապում են լեռնային մարգագետինների շատ բարձր խոտի հետ։