Последние новости

ԱՄԵՐԻԱԲԱՆԿՆ ԱՐԺԱՆԱՑԵԼ Է EUROMONEY 2019 ԳԵՐԱԶԱՆՑՈՒԹՅԱՆ ՄՐՑԱՆԱԿԻ` ՈՐՊԵՍ ՀԱՅԱՍՏԱՆՈՒՄ ՏԱՐՎԱ ԼԱՎԱԳՈՒՅՆ ԲԱՆԿ

Ամերիաբանկին շնորհվել է Euromoney 2019 Գերազանցության մրցանակ` որպես տարվա լավագույն բանկը Հայաստանում: Այս մասին հայտնում է բանկի մամուլի ծառայությունը։

Ինչպես նշվում է հաղորդման մեջ, այդ մրցանակով Euromoney-ն վերահաստատում է Ամերիաբանկի՝ շուկայի առաջատարի դիրքը, կայուն աճն ու թվայնացման ձգտումը:

Այս պատվավոր մրցանակին Ամերիաբանկն արժանանում է յոթերորդ անգամ:

Արդեն 28 տարի անընդմեջ Euromoney հեղինակավոր ամսագիրն իրականացնում է համաշխարհային մասշտաբով լավագույն բանկերի գործունեության արդյունքների գնահատման ամենամյա գործընթացը:

Հաղորդվում է, որ Լոնդոնում կայացած հանդիսավոր արարողության ժամանակ մրցանակը հանձնվել է Մեծ Բրիտանիայում Ամերիաբանկի լիազոր ներկայացուցիչ Արմեն Ասլանյանին:

Արդեն 50 տարի է, ինչ Euromoney-ն լուսաբանում է միջազգային ֆինանսական կյանքը՝ հանդիսանալով ոլորտի առաջատար պարբերական: Վերջին 12 ամսվա ընթացքում ամսագրին հարցազրույց է տվել աշխարհի տարբեր երկրների բանկերի շուրջ 100 տնօրեն, ֆինանսների նախարար ու կենտրոնական բանկի նախագահ:

Լրացուցիչ տեղեկությունների համար կարելի է այցելել Euromoney-ի պաշտոնական կայք:

Ամերիաբանկը Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: 2018թ. տարեկան արդյունքներով Ամերիաբանկը ՀՀ բանկային համակարգի առաջատարն է հիմնական ֆինանսական ցուցանիշներով (ակտիվներ, պարտավորություններ, վարկային պորտֆել, զուտ շահույթ, կապիտալ):

Теги:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ԱՄԵՐԻԱԲԱՆԿՆ ԱՐԺԱՆԱՑԵԼ Է FEAS CHAMPIONS LEAGUE ՄՐՑԱՆԱԿԱԲԱՇԽՈՒԹՅԱՆ ԲՐՈՆԶԵ ՄՐՑԱՆԱԿԻՆ
    2025-05-31 15:19

    Եվրո-ասիական ֆոնդային բորսաների միության (ԵՖԲՄ) ամենամյա ConFEAS 2025 միջազգային հեղինակավոր համաժողովի շրջանակում անցկացվող FEAS Champions League մրցանակաբաշխությանն Ամերիաբանկն արժանացել է պարտատոմսերի շուկայում ակտիվության համար տրվող բրոնզե մրցանակին՝ Bronze Award in Fixed Income Market։ Սա առաջին անգամն է, որ հայաստանյան ֆինանսաբանկային ոլորտի որևէ կազմակերպություն արժանանում է FEAS Champions League-ի հեղինակավոր մրցանակին։

  • ՄԻՋՈՑԱՌՈՒՄՆԵՐԻ ՏՈՄՍԵՐԻ ԳՆՄԱՆ EVENTHUB ՀԱՐԹԱԿՆ ԱՐԴԵՆ ՀԱՍԱՆԵԼԻ Է MyAmeria ՀԱՎԵԼՎԱԾՈՒՄ
    2025-05-17 08:35

    Eventhub հարթակն արդեն հասանելի է Ամերիաբանկի MyAmeria բջջային հավելվածում, ինչի շնորհիվ միջոցառումների տոմսերի գնման ճանապարհը դարձել է էլ ավելի արագ, պարզ ու հարմարավետ: Հարթակը տրամադրում է միջոցառումների նստատեղերի ընտրության, տոմսերի վաճառքի և ստուգման պրոցեսի պարզեցված լուծումներ: Eventhub-ի ինտեգրումը MyAmeria հավելված իրականացվել է Ամերիաբանկի դուստր ընկերության` Դիննոյի հետ համագործակցության շնորհիվ:

  • ԱՄԵՐԻԱԲԱՆԿԸ ՀԱՄԱՁԱՅՆԱԳԻՐ Է ԿՆՔԵԼ ՎԶԵԲ-Ի ՀԵՏ` ՌԻՍԿԻ ԲԱՇԽՄԱՆ ՇՐՋԱՆԱԿԻ ՄԻՋՈՑՈՎ ՀԱՅԿԱԿԱՆ ԲԻԶՆԵՍԻՆ ԱՋԱԿՑԵԼՈՒ ՀԱՄԱՐ
    2025-05-15 11:43

    Ամերիաբանկը 50 միլիոն եվրոյի Ռիսկի բաշխման շրջանակի (Risk Sharing Framework (RSF)) համաձայնագիր է ստորագրել Վերակառուցման և զարգացման եվրոպական բանկի (ՎԶԵԲ) հետ՝ հայաստանյան ընկերությունների համար ֆինանսական միջոցների հասանելիությունը բարելավելու նպատակով։ Համաձայնագրի ներքո ՎԶԵԲ-ը համաֆինանսավորելու է Ամերիաբանկի կողմից վարկառուներին տրամադրվող առանձին վարկերը։ Այս ֆինանսավորումը կօգնի հայկական ընկերությունների շրջանառու միջոցների կարիքների բավարարմանը, կաջակցի նրանց ընդլայնել իրենց գործունեությունը և բարձրացնել կլիմայի դիմակայունությունը։

  • ՀԱՅԱՍՏԱՆԸ ՍՊԱՍԱՐԿՄԱՆ ՄԱԿԱՐԴԱԿՈՎ ԳԵՐԱԶԱՆՑՈՒՄ Է ՈՐՈՇ ԵՎՐՈՊԱԿԱՆ ԵՐԿՐՆԵՐԻ. ՄԻՋԱԶԳԱՅԻՆ ՔՈՈՒՉ
    2025-05-13 08:44

    Հայաստանում սպասարկման մակարդակը շատ ավելի լավն է, քան որոշ եվրոպական երկրներում։ Այս մասին նշել է հաճախորդների սպասարկման և առաջնորդության գծով գլխավոր քոուչ Անետա Կորոբկինան, ով բազմամյա փորձ ունի անձնակազմի զարգացման, մասնավորապես, հաճախորդների սպասարկման ոլորտում։