Последние новости
2019-07-23 10:32
0

Նախագահ Սարգսյանն այցելել է «UWC Դիլիջան» քոլեջ

0
Telegram

Հանրապետության նախագահ Արմեն Սարգսյանն այցելել է «UWC Դիլիջան» միջազգային քոլեջ: Վերջինս պաշտոնապես իր դռները բացել է 2014 թ. հոկտեմբերին՝ ընդունելով առաջին 94 ուսանողներին, դառնալով UWC շարժման 18 քոլեջներից մեկը և առաջին միջազգային գիշերօթիկ դպրոցը Հայաստանում։

Ինչպես «Արմենպրես»-ին տեղեկացրեցին ՀՀ նախագահի աշխատակազմի հասարակայնության հետ կապերի վարչությունից, նախագահը շրջել է դպրոցում, ծանոթացել ուսման ու հանգստի պայմաններին, հետաքրքրվել ուսումնական գործընթացի մանրամասներով: Նոր ուսումնական տարվանից ուսումնառությունը քոլեջների ցանցում սկսող Ռուսաստանից, Վրաստանից, ինչպես նաև Հայաստանից մի խումբ ուսանողներ Դիլիջանի քոլեջում մասնակցում են նախապատրաստական ճամբարի։ Նախագահը ջերմ ու անմիջական զրույց է ունեցել ուսանողների և շրջանավարտների հետ՝ մասնավորապես անդրադառնալով Հայաստանի զարգացման հեռանկարին ու տեսլականին։ «Հայաստանն առաջ մղելու համար պետք է ունենանք տեսլական: Իսկ սեփական երկրի համար տեսլական ունենալով՝ տեսլական ես ձևավորում նաև ողջ աշխարհի համար, հասկանում ես, թե ուր է շարժվում աշխարհը: Պետք է աշխարհի հետ լինել ներդաշնակ, գնալ աշխարհին համընթաց»,- ասել է Արմեն Սարգսյանը:

Նա ընդգծել է, որ պետք է ունենալ ծրագիր, ռազմավարություն և նպատակներին հասնելու ճանապարհային քարտեզ: «Մի բան հստակ է՝ Հայաստանի նման երկիրը պետք է լինի լավագույնն այն ամենի մեջ, ինչ անում է: Սա է ապագայի բանաձևը»,- ասել է Հանրապետության նախագահը:

Ուսանողների հետ զրույցում Արմեն Սարգսյանն անդրադարձել է նաև նոր աշխարհում գիտելիքներով զինված լինելու անհրաժեշտությանը: «Ձեր կյանքը բաղկացած է մի շարք հիանալի և, միաժամանակ, բարդ բաղադրիչներից: Հաջողակ և ստեղծարար լինելու համար պետք է ունենալ գիտելիք»,- նշել է նա:

Основная тема:
Նախագահ Սարգսյանի այցը

Теги:
Այց Նախագահ Կրթություն

    ПОСЛЕДНИЕ ОТ АВТОРА

    ПОСЛЕДНЕЕ ПО ТЕМЕ

    • ԻՄԱՍՏՆԵՐ «ՅԱՇԻԿԻ» ՄԵՋ
      2020-09-16 19:28

      Վարչապետ Նիկոլ Փաշինյանը երեքշաբթի օրը մասնակցել է Երևանի Ռաֆայել Իշխանյանի անվան թիվ 153 դպրոցի հիմնանորոգված շենքի բացման արարողությանը, հաղորդում է Sputnik Armenia-ն։

    • Արթուր ՀՈՎՀԱՆՆԻՍՅԱՆ. «ԺԱՄԿԵՏԸ ՄՆՈՒՄ Է ՈՒԺԻ ՄԵՋ, ԻՆՉ ԷԼ ՈՐ ԱՍԻ ՆԱԽԱԳԱՀԸ»
      2020-07-01 22:16

      «ԳԱ»-ի զրուցակիցն է փաստաբան, «Կոնցեռն Դիալոգ» ընկերության գործընկեր, արդարադատության նախկին փոխնախարար Արթուր ՀՈՎՀԱՆՆԻՍՅԱՆԸ:

    • Կոնգրեսական Ֆրենկ Փալոնեն Արցախում է
      2019-10-01 19:47

      ԱՄՆ կոնգրեսական Ֆրենկ Փալոնեն այսօր առավոտյան ժամանել է Արցախ: Կոնգրեսականը կհանդիպի պաշտոնյաների հետ՝ քննարկելու ԱՄՆ-Արցախ հարաբերությունների ամրապնդման հնարավորությունները, ԱՄՆ-ի կողմից ֆինանսավորվող մարդասիրական ծրագրերն ու ուսումնասիրելու ժողովրդավարության ամրապնդման գործում ԱՄՆ-ի օգնության նոր միջոցները:

    • ՀԱՋՈՂ ԱՅՑ՝ 340 ՀԱԶԱՐ ԴՈԼԱՐ ԱՐԺԵՔՈՎ
      2019-09-27 19:51

      Եվ այսպես, ավարտվեց Փաշինյանի այցը ԱՄՆ, ինչը հարկատուների վրա նստեց ավելի քան 340 հազար դոլար։ Փողերն իզուր չեն ծախսվել։ Վարչապետի անդրօվկիանոսյան հայտարարություններից մենք իմացանք հետևյալ նորությունները. որոշ եկեղեցականներ պետք է ծնկի գան նոր իշխանության առջև, մամուլը ցանկանում է ջարդել նոր իշխանության ողնաշարը, Արթուր Վանեցյանը պետք է աղբանոց նետի իր ուսադիրները, որովհետև համարձակվեց քննադատել նոր իշխանությանը ի դեմս իրեն՝ Փաշինյանի, Գերագույն հրամանատարի, և վերջին անգամ այդպես իրենց պահել են պուտչիստները Ռուսաստանում 1991 թվականին…