2019-07-23 14:43
Информагентства
Արման Ղուկասյանը քաղաքապետի նախընտրական խոստումի վերաբերյալ
Մայրաքաղաքում օրեցօր վատացող աղբահանության մասին ահազանգում են բոլորը։ Շենքերի հարևանությամբ մի քանի մետր բարձրացած աղբի նկարներ սոցկայքեր ներբեռնում են հարյուրավոր մարդիկ։ Տարածվող հոտից բողոքում են բոլորը։ Սակայն իրավիճակի բարելավման խոստումներ առայժմ չկան, առկա վիճակի հնարավոր վտանգների մասին զգուշացումներ ու կանխատեսումներ էլ չկան։
Մտածում են՝ կբողոքեն, կանցնի կգնա։ Երևանի քաղաքապետ Հայկ Մարությանին «Հանուն սոցիալական արդարության» կուսակցության նախագահ, Արման Ղուկասյանն այսօր նամակով հիշեցրեց նախընտրական շրջանում տված խոստումների մասին, որոնք չեն կատարվել։ Ղուկասյանը քաղաքապետից հետաքրքվում է՝ ինչպիսի ուղիներ է տեսնում քաղաքապետարանը այս խնդրի լուծման համար։
Նամակում, որը փոխանցվեց քաղաքապետարան, ասված է.
«Հարգելի պարո՛ն Մարության, Ձեզ եմ դիմում քաղաքի աղբահանության ոլորտում տիրող արտառոց իրավիճակի առնչությամբ:
Ես՝ որպես Երևանի բնակիչ, կարող եմ արձանագրել, որ մեր մայրաքաղաքի աղբահանության խնդիրը երբեք այդքան սուր չի եղել, որքան այս օրերին: Քաղաքի աղբամանները գրեթե ամենուրեք լեփ-լեցուն են. նրանց շուրջն ընկած են աղբի կույտեր, որոնք հավաքվում են ոչ կանոնավոր կերպով կամ իսպառ անտեսվում են պատկան ծառայությունների կողմից: Վերջերս «Սանիտեք» ընկերությունը հանդես է եկել հայտարարությամբ, որում ասվում է ֆինանսական դժվարությունների մասին, որոնք, ընկերության խոսքերով, պայմանավորված են քաղաքապետարանի կողմից կիրառվող չարդարացված պատժամիջոցներով:
Ընկերությունը պնդում է, որ հենց այս պատճառով է, որ այն չի կարողանում իրականացնել աղբահանության ոլորտում իր ստանձած պարտականությունները: Երևան քաղաքի բնակիչներին չի կարող չհետաքրքրել այն հարցը, թե ինչ պատժամիջոցների և տուգանքների մասին է խոսքը:
Յուրաքանչյուր ամիս Երևանի բնակիչները գումար են վճարում աղբահանության ծառայությունների դիմաց, սակայն փոխարենը չեն ստանում ծառայությունների պատշաճ մակարդակ: Ձեր նախընտրական քարոզարշավի շրջանակներում Դուք խոստացել էիք Երևանի բնակիչներին, որ մայրաքաղաքում կհայտնվեն աղբահանության նոր օպերատորներ:
Սակայն, այս ուղղությամբ դեռևս առաջընթաց չկա: Չե՞ք կարծում արդյոք, որ իր պարտականությունները կատարել չկարողացող ընկերություն-օպերատորը պետք է փոխարինվի: Կամ էլ գուցե խնդիրն այն է, որ քաղաքապետարանը, չափազանց մեծ վարչական ճնշում գործադրելով «Սանիտեք» ընկերության վրա, ինքն է ստեղծել աղբահանության ճգնաժամը: Այդ դեպքում քաղաքային իշխանությունները պետք է փոխեն իրենց մոտեցումը օպերատորի հետ փոխհարաբերությունները կառուցելու գործում:
Ես՝ որպես «Հանուն սոցիալական արդարության» կուսակցության նախագահ և բնիկ երևանցի, կսպասեմ ձեր պատասխանին, որով, մասնավորապես, ես կցանկանայի տեղեկանալ, թե ինչպիսի հետագա ուղիներ է տեսնում քաղաքապետարանը այս խնդրի լուծման համար», տեղեկացնում է Panorama.am-ը։
ПОСЛЕДНИЕ ОТ АВТОРА
-
New2025-04-04 14:31В ситуации с Ираном все стороны должны проявлять сдержанность и ориентироваться на дипломатические усилия. Об этом пресс-секретарь президента Дмитрий Песков заявил журналистам.
-
New2025-04-04 14:29Заместитель министра иностранных дел Армении Паруйр Ованнисян освобожден от занимаемой должности.
-
New2025-04-04 14:26Пресс-секретарь МИД Азербайджана Айхан Гаджизаде в интервью изданию Envoy пожаловался на «недостаточную точность» карт минных полей, предоставленных Арменией.
-
New2025-04-04 14:24Следственный комитет возбудил уголовное дело по признакам хулиганства против гражданина, толкнувшего дверь министерства финансов 31 марта. Об этом Armenia Today сообщила пресс-секретарь СК Кима Авдалян.
ПОСЛЕДНЕЕ ПО ТЕМЕ
-
2019-10-03 11:01Երևանի քաղաքապետ Հայկ Մարությանը հայտարարել է, որ ամբողջությամբ, միակողմանի կերպով լուծում է «Սանիթեք» ընկերությունների հետ կնքված պայմանագրերը։ Այս մասին հայտարարությունը տեղադրված է քաղաքապետի պաշտոնական կայքում։
-
2019-08-14 19:33Ազնիվ, թափանցիկ, օբյեկտիվ և բեղմնավոր բանակցությունները ենթադրում են երկու կողմերի, այլ ոչ թե միայն մեկի ներկայությունը։ Այս մասին «Սանիթեք» ընկերության տնօրինությունը հայտարարություն է տարածել։
-
2019-04-20 07:52Թերացման և չկատարված աշխատանքների համար «Սանիտեկ»-ը ենթարկվել է շուրջ 13 միլիոն դրամ տույժի։ Այս մասին ֆեյսբուքյան իր էջում գրել է Երևանի քաղաքապետարանի մամլո քարտուղար Հակոբ Կարապետյանը, հաղորդում է ԱՌԿԱ-ն։
-
2019-04-18 12:34«Սանիթեք» ընկերությունն անդրադարձել է Երևանի քաղաքապետարանի կողմից՝ աղբահանության հետ կապված խնդիրների վերաբերյալ հայտարարություններին: Ընկերությունը հանդես է կել հայտարարությամբ, որում ասվում է.