2019-08-06 08:03
Рубен МАРГАРЯН
0
ՆԻԿՈԼ ՓԱՇԻՆՅԱՆ. ՏՂԱՄԱՐԴՈՒ ԵՎ ՎԱՐՉԱՊԵՏԻ ՄԻՋԵՎ
Կիրակի էր, Արարատյան դաշտավայրի խաղաղ ու տոթ կիրակիներից մեկը։ Եվ հանկարծ…
«Նախկին կոռումպացված համակարգը կանանց ընկալում ա որպես դասակարգային թշնամի»,- հայտարարեց Հայաստանի վարչապետ Նիկոլ Փաշինյանը իր հերթական «կենդանի եթերի» ժամանակ։ Իսկ աչքերն այդ պահին տխուր-տխուր էին, ինչպես Լենինինը՝ Գոռկիում…
Այ, հետաքրքիր է, երկա՞ր էր մտածել, թե՞ դա մտքի պայծառացում էր էքսպրոմտով։ Ասենք, և՛ մեկը, և՛ մյուսը հավասարաչափ արժանի են հարգանքի։ Եվ հասկանում ես արձակուրդի օգուտը։ Աշխատանքային առօրյայում սոված փորով այդպիսի բան չես հորինի։ Իսկ ահա հանգստացավ, հաց կերավ։ Ժամանակ ուներ մտորելու։ Եվ վարչապետի միտքը սրընթաց ճախրեց դեպի երկինք… Հետևից չեն հասնի ո՛չ Գյոթեի «Ֆաուստը», ո՛չ էլ Գորկու «Մայրը»…
Միայն խորամուխ եղեք, ինչպիսի՜ մերկացում։ Հայ ժողորդավարության հոր ինչպիսի՜ լարված մտավոր աշխատանք է թաքնված այդ կարծես թե պարզ խոսքերի հետևում։
Բրավո՛, Նիկոլ։ Ֆրանսիացիներից այն ո՞վ է ասել, որ եթե Աստված չլիներ, նրան պետք էր հորինել։ Չգիտեմ, չգիտեմ… Բայց գիտեմ, որ եթե չլիներ Նիկոլը, ապա մեր կյանքը կլիներ տաղտկալի ու միօրինակ, և անպայման անհրաժեշտ կլիներ արարել նրան ու նստեցնել վարչապետի աթոռին, որպեսզի ցանկացած եղանակի լուսավորի մեր միտքն ու մեր ճանապարհը դեպի երջանիկ ապագա։ Եվ ուրեմն՝ Նիկոլը կար, Նիկոլը կա և Նիկոլը կլինի անպայման։ Ըստ էության, ո՞ւր պիտի կորչի։
Իսկ բացի այդ, մեր ամենահամակրելի և ամենահմայիչ վարչապետն ասաց, թե որպես տղամարդ ինքը հասկանում է այն ամուսիններին, որոնք չեն ուզում, որ իրենց կանայք ավելի շատ վաստակեն։ Այո, հասկանում է։ Բայց որպես վարչապետ դա ընդունել չի կարող։ Չի՛ կարող ընդունել։ Այդպես խոսեց Հայաստանի վարչապետ Նիկոլ Փաշինյանը Արարատյան դաշտավայրի խաղաղ ու տոթ օգոստոսյան այս կիրակի։ Վարչապետը, որն այդպես էլ աշխատում է առանց իրեն խնայելու՝ անձի երկփեղկման սարսափելի պայմաններում։ Բայց այդպիսին է տղամարդու և վարչապետի դժվարին առօրյան, ի՜նչ արած, և Նիկոլ Փաշինյանը արժանապատվորեն, առանց թնկթնկալու, կրում է իր ծանր խաչը։
Օ՜, դեռ որքա՜ն զարմանահրաշ բացահայտումներ է մեզ խոստանում վարչապետի ճկուն միտքը… Ախր ինչո՞ւ, Նիկո՛լ։ Մեր պայծա՛ռ արև։ Մեր սքանչալի՛ք։ Շողշողուն աստղ՝ խավար երկնակամարում։ Ինչո՞ւ ես մեզ տեռորի ենթարկում մտքի այդպիսի թռիչքներով, օ՜ կեպիավոր հրաշք։ Այն ո՞վ էր ծաղրում Գալուստ Սահակյանին։ Ճիշտ էր ծաղրում. ո՞նց կարող է հասնել «ինստիտուցիոնալ կոռումպացված» Գալուստը՝ հայության գեղեցիկ կեսի դասակարգային թշնամին, Նիկոլ Փաշինյանին։ Թեպետ ի՜նչ Գալուստ, ավելի բարձր օրինակներ բերենք։ Ջորջ Վաշինգտոնը, Աբրահամ Լինկոլնը։ Չէ, ինչ-որ բան իրենց երկրի համար նրանք արել են… Բայց, համաձայնեք, մեր մտքի գիգանտի հետ համեմատվել չեն կարող։
Եվ ամեն ինչ անպայման լավ կլինի, ամեն ինչ Հայաստանում կկարգավորվի, քանի որ կանանց դասակարգային թշնամին՝ ի դեմս նախկին կոռումպացված համակարգի, ոչ միայն բացահայտված է, այլև գործնականում ոչնչացված. փռված ասֆալտին, ծեփված պատին և գետտո քշված։ Այժմ, երբ բոլոր շեշտադրումներն արված են և վարչապետը բացատրեց, որ հայ ամուսինների տրամաբանությունը հասկանալ կարող է, բայց ընդունել՝ ոչ, կյանքը կկարգավորվի. մեր «տիկնայք փափկասունք» միկրոբիզնեսներ կբացեն և տնտեսությունը վեր կսլանա։
Եվ վերջում ասենք բոլոր նրանց, ովքեր քննադատում են վարչապետի վերջին ուղերձը և հիմարություններ ու հակասություններ, դեմագոգիա և պոպուլիզմ փնտրում դրա մեջ։ Պետք չէ՛ դա անել, պետք չէ։ Լուռումունջ նստեք տեղներդ։ Ձեռքերդ հեռո՛ւ վարչապետից. նա մեր ուրախությունն է, նա մեր ամեն ինչն է։ Թողեք մարդն աշխատի։ Նրա համար առանց այդ էլ ծանր է անձի երկփեղկման դաժան պայմաններում, երբ աշխատանքի ես գնում որպես վարչապետ, իսկ վերադառնում և, ավա՜ղ, արդեն ամուսին ես։
ПОСЛЕДНИЕ ОТ АВТОРА
-
2024-04-18 10:06Кажется, видели уже все, но, выходит, нет. Выходит, нет предела мерзости нынешней власти.
-
2024-04-15 12:04С легкой руки Чингиза Айтматова понятие «манкурт» вошло в обиход. Согласно сюжету романа «Буранный полустанок», манкурт - взятый в плен человек, превращенный в бездушное рабское создание, полностью подчиненное хозяину и не помнящее ничего из предыдущей жизни. В переносном смысле слово «манкурт» употребляется для обозначения человека, потерявшего связь со своими историческими, национальными корнями, забывшего о своем родстве. Согласитесь, хороший портрет одного премьер-министра, попавшего в плен к Алиеву, а потому выполняющего все его прихоти.
-
2024-04-12 09:06Энтузиазм, с которым правящая в Армении команда носится с идеями об интеграции во всевозможные еще не охваченные европейские структуры напоминает пословицу о выплеснутом вместе с грязной водой ребенке. Архитектура безопасности не терпит истеричных телодвижений, тут легко все разрушить, а заново выстроить очень трудно.
-
2024-04-06 10:44Кроме кучи заявлений о намерениях, ради которых явно не стоило тратиться даже на билет на самолет, ЕС заявил о готовности предоставить Армении 270 миллионов евро. В течении 4-х лет… Не порадовал город писающего мальчика: цифра, конечно, совсем не велика. Тем более разбитая на 4 года. Если бы Пашинян бросился в ножки Царукяну, мог бы, наверное, выклянчить и побольше. Но, представляется, что сумма, которую ЕС готов выделить Армении, интересна не только чисто в финансовом и экономическом плане. Она симптоматична и с политической точки зрения. Очень вероятно, что приведенная цифра говорит о том, что на Западе уже не верят в Пашиняна. Не в том смысле, что он идет неверным курсом, а в том смысле, что может еще долго удерживать власть.
ПОСЛЕДНЕЕ ПО ТЕМЕ
-
2019-08-13 20:01Արցախի Հանրապետության Մարդու իրավունքների պաշտպան Արտակ Բեգլարյանը հայտարարություն է տարածել Արայիկ Ղազարյանի դեպքի առթիվ՝ դատապարտելով նրան հանրային հետաքրքրասիրության առարկա և քարոզչական գործիք դարձնելու Ադրբեջանի քայլերը: