2019-08-15 15:17
Марина МКРТЧЯН
ՈՎ ԵՎ ԻՆՉՈՒ Է ՎԱՐԿԱԲԵԿՈՒՄ ՀԱՂԹԱՆԱԿԻ ԳԵՆԵՐԱԼՆԵՐԻՆ
Արտաքին ուժերը շահագրգռված էին ՀԱՊԿ-ի վարկաբեկման հարցում
Գեներալ Մանվել Գրիգորյանի ցուցադրական ձերբակալությունը զինվորական օրապահիկը գողանալու և ապօրինի զենք պահելու մեղադրանքով, գեներալ Միքայել Հարությունյանի նկատմամբ քրեական հետապնդումն ու հետախուզում հայտարարելը, գեներալ Յուրի Խաչատուրովին 2008 թվականի մարտի 1-ին սահմանադրական կարգի տապալման մեջ մեղադրելը, մարտական գեներալ Սեյրան Օհանյանին մեղադրելը, մարտական գեներալ Լևոն Մնացականյանին Արցախի Հանրապետության պաշտպանության նախարարի պաշտոնից հեռացնելը…
Շատերն էին հարց տալիս. ո՞վ է լինելու հաջորդ գեներալը, որին Նիկոլը արտաքին ուժերի թելադրանքով կնվաստացնի, նստեցնելով մեղադրյալի աթոռին, կամ կվարկաբեկի որևէ այլ միջոցով։ Պատասխանը տվեց բրիտանական ВВС գործակալությունը, կանխահայտ սուտ տեղեկություններ հրապարակելով այն մասին, թե գեներալ Սամվել Կարապետյանը իբր ղեկավարել է ցուցարարների գնդակահարումը Երևանում 2008թ. մարտի 1-ին։
Արցախյան առաջին ազատամարտի տարիներին Կարապետյանը Ստեփանակերտի լեգենդար գնդի հրամանատարն էր, որը նրա գլխավորությամբ փայլուն կերպով իրականացրեց Քելբաջար-Օմար-Մարտակերտ ճանապարհը հսկողության տակ առնելու գործողությունը։ Այդ գործողության ընթացքում Կարապետյանը վիրավորվեց. դա արդեն երկրորդ մարտական վերքն էր։
Ինչպես հայտարարեց ВВС-ի նյութի առիթով ռազմական փորձագետ և պաշտպանության նախկին նախարարի խորհրդական Դավիթ Ջամալյանը, մենք գործ ունենք հերոսին հանցագործի վերածելու քարոզչական նախաձեռնության հետ։ Հարց. ո՞ւմ և ինչի՞ համար է պետք վարկաբեկել Արցախյան առաջին ազատամարտի հերոս-գեներալներին։ Ո՞վ և ինչո՞ւ է ձգտում հաղթանակի գեներալներին ներկայացնել իբրև հանցագործներ։ Պատասխանը պարզ է, ինչպես «Գուդոկ» թերթը։ Խաչատուրովը պատկառելի պաշտոն էր զբաղեցնում ՀԱՊԿ-ում մեր երկրի քվոտայով։ Ակնհայտ է, որ արտաքին ուժերը շահագրգռված էին նրան աղմկահարույց մեղադրանք ներկայացնելու և պաշտոնից վաղաժամկետ հետ կանչելու հարցում՝ ՀԱՊԿ-ը վարկաբեկելու նպատակով։
Փաշինյանն ու Տեր-Պետրոսյանը Մանվելի հետ հաշվեհարդար են տեսնում այն բանի համար, որ նա չշարժվեց իրենց թելադրանքով և թույլ չտվեց «Երկրապահի» զինված անդամներին մասնակցել 2008թ. փողոցային իրադարձություններին։ Այդ տարվա փետրվարյան միտինգներից մեկի ժամանակ Տեր-Պետրոսյանը շտապեց հայտարարել, թե զինծառայողներից շատերն են ցանկանում միանալ բազմակուսակցական կոնգրեսին։ Մանվելը (ինքնուրույն կամ իշխանության ճնշման տակ) կանխեց զինված մարդկանց միավորումը փողոցային ընդդիմության հետ. այլ կերպ ասած, թույլ չտվեց Լևոնին ու Նիկոլին քաղաքացիական պատերազմ սանձազերծել, ինչի համար էլ ենթարկվում է ամենօրյա ծանակման։ Գրիգորյանին չեն դատում, նրան հրապարակավ ծաղրում են, նրան հրապարակավ սպանում են։
Ի դեպ, Արցախյան պատերազմի հերոսի դեմ Ազգային անվտանգության վարկաբեկիչ տեսանյութը հեռուստատեսությամբ ցուցադրվեց այն ժամանակ, երբ Մանվելը ՀՀԿ խմբակցության պատգամավոր էր, ինչը մեծապես նպաստեց բուն կուսակցության վարկաբեկմանը։
Նրանք կարողանում են հաղթե՛լ
Ինչ վերաբերում է Կարապետյանին, ապա նա գլխավորում է Արցախի Ազատամարտիկների միությունը, որոնք ցանկացած պահի պատրաստ են օգնության հասնել առաջնագծի զինվորներին և պաշտպանել Արցախի Հանրապետության սահմանները։ Կարծում եմ, ընթերցողն արդեն կռահեց, որ թիրախներն ընտրված են բնավ ոչ պատահականորեն։
Իշխանությունը նպատակաուղղված փորձում է վարկաբեկել և ասպարեզից վերացնել գործող մարտունակ գեներալներին՝ հերոսներին հանցագործների վերածելու միջոցով։ Մեղադրանքներ են ներկայացված այն գեներալներին, որոնք կարող են տանել իրենց հետևից, լուծել ռազմավարական և մարտավարական բնույթի խնդիրներ, և վերջապես, ինչը ամենագլխավորն է, նրանք հաղթանակի գեներալներ են, նրանք կարողանում են հաղթե՛լ։
Հենց այդ պատճառով էլ Փաշինյանը փորձում է ցանկացած պատրվակով (օրինակ, գեներալ Վիտալի Բալասանյանի մեքենան խուզարկելու փորձի միջոցով) նվաստացնել ու մեկուսացնել նրանց, որպեսզի անարգել իրականացնի ազատագրված տարածքները հանձնելու Բոլթոնի ծրագիրը։
Տեր-Պետրոսյանը սիրում էր կրկնել, որ հայոց բանակը շահել է ոչ թե պատերազմը, այլ լոկ մարտը, փորձելով նսեմացնել այդ հաղթանակի նշանակությունը։ Նիկոլի ռեժիմը Անդրանիկ Քոչարյանի գլխավորած խորհրդարանական ժամանակավոր հանձնաժողովին հանձնարարեց բացահայտել քառօրյա պատերազմի հանգամանքները, իսկ իրականում վարկաբեկել մեր հաղթանակն այդ պատերազմում, ներկայացնելով այն իբրև պարտություն։
Տանկերը ցեխից չեն վախենում
Պատմությունն ամենքին ու ամեն ինչ դնում է իրենց տեղերում. և՛ դասալիք Նիկոլին, որը խուսափել է բանակային ծառայությունից, չի մասնակցել Արցախի ազատագրմանը, իսկ քառօրյա պատերազմի ավարտից երկար ժամանակ անց խրամատ փորեց առաջնագծից պատկառելի հեռավորության վրա և այդ փաստը ներկայացրեց իբրև մասնակցություն Արցախի պաշտպանությանը։
Ինչպես ասում էր Հայրենական մեծ պատերազմի ժամանակների մարտական գեներալներից մեկը, տանկերը ցեխից չեն վախենում, ներառյալ քաղաքական ցեխը։ Կարապետյանին մեղադրեցին նրանում, թե նա իբր ղեկավարել է ցուցարարների գնդակահարումը 2008թ. մարտի 1-ին։
Այդ սուտը հորինեցին նրանք, ովքեր սպասարկում են Նիկոլի շահերը։ Հերոսներին հանցագործների վերածելու քարոզչական ձեռնարկման հեղինակները կատարում են վարչապետի անձնական պատվերը։ XXI դարի ոչ մի երկրում իշխանությունը չէր համարձակվի նախաձեռնել գեներալների այդպիսի զանգվածային վարկաբեկում։ Նման մի բան XX դարի 30-ական թվականներին ձեռնարկեց Ստալինը. նրան առ այսօր մեղադրում են, որ գլխատեց բանակը ֆաշիստների հարձակումից մի քանի տարի առաջ…
Արցախյան առաջին ազատամարտի հերոս գեներալների թիվը, որոնք Նիկոլի կառավարման մեկ տարի և երեք ամիս ժամկետում հայտնվեցին իշխանության նշանառության տակ, չի կարող չհանգեցնել համապատասխան եզրակացությունների. հաղթող գեներալների վարկաբեկումը նպատակաուղղված գործընթաց է, իշխանությունը գիտակցաբար ցեխ է նետում նրանց վրա, ովքեր կարող են խանգարել ազատագրված տարածքները հանձնելու Նիկոլի ծրագրերին։ Պարզապես Նիկոլը չգիտի, որ տանկերը ցեխից չեն վախենում։ Իսկ բացի այդ, նա չգիտի, որ տանկերը գոյություն ունեն ոչ նրա համար, որ դրանց թրթուրների տակ ճզմես քաղաքական ընդդիմախոսներիդ. դրանք գոյություն ունեն նրա համար, որ հաղթես արտաքին թշնամուդ և պաշտպանես հայրենի հողը։
ПОСЛЕДНИЕ ОТ АВТОРА
-
2025-07-11 09:13Стремительное развитие событий после визита Пашиняна в Стамбул не оставило даже тени сомнения в том, что верхушка режима повторит попытку штурма Святого Эчмиадзина после провала 27 июня первой попытки силами СНБ, СК и Службы полиции. 8 июля Пашинян объявил, что лично возглавит вторую попытку. Это может случиться уже сегодня или завтра… Он сказал, что освободит святыню от Ктрича Нерсисяна (мирское имя Католикоса Гарегина Второго). Может, для начала следовало освободить от азербайджанских оккупантов 30% поверхности Черного озера, окрестности Ишханасар, 21 км трассы Горис-Капан, кладбище в Неркин Ханд, отнятые азербайджанцами дома армян в Шурнухе, позиции в Джермуке, пастбища в Гегаркунике?.. Или азербайджанские оккупанты мешают Пашиняну гораздо меньше, чем Католикос Всех Армян, который не желает плясать под его дудку?!
-
2025-07-10 09:05После многотысячной акции 4 июля в поддержку российского предпринимателя и благотворителя Самвела Карапетяна Пашинян пережил новую серию панических атак, о чем свидетельствуют утечки из-за неплотно запертых дверей центрального офиса ГД в столице. Больше всего главаря правящей верхушки напугали транспаранты с надписью "Нашим способом!" и аналогичные надписи на белых майках участников акции. Если в дни "революции" 2018 г. по Еревану разгуливали люди в кепках и майках, на которых красовался портрет Никола с надписью "Духов!", то после 4 июля 2025 г. по Еревану ходят молодые люди в майках с надписью "Нашим способом!". Карапетян из тюремной камеры передал своим соратникам, что дальнейшие действия должны сопровождаться "объединением вокруг принципиально новой силы".
-
2025-07-09 09:19На днях с фасада резиденции президента Грузии исчез флаг ЕС, который с 2018 г. соседствовал с государственным флагом Грузии. Власти соседней страны учли трагический опыт народа, провозгласившего "Украина це Европа!", взяв курс на независимую внешнюю и внутреннюю политику, тогда как армян по-прежнему манит европейская обертка, невзирая на очевидные факты.
-
2025-07-08 10:01Вернувшись из Стамбула, Пашинян сразу арестовал российского предпринимателя Самвела Карапетяна, объявленного в международный розыск по требованию Азербайджана, после чего начал атаку на Армянскую Апостольскую Святую Церковь. На днях он уже открытым текстом оповестил о планах по проведению досрочных выборов Католикоса Всех Армян. До этого регулярно делал записи о том, что у армян нет Католикоса, ибо нарушивший обет целомудрия таковым считаться не может.
ПОСЛЕДНЕЕ ПО ТЕМЕ
-
2019-05-09 17:23ԼՂՀ առաջին և ՀՀ երկրորդ Նախագահ Ռոբերտ Քոչարյանն այսօր, մայիսի 9-ին, շնորհավորական ուղերձ է հղել Արցախի Հանրապետության Նախագահ Բակո Սահակյանին Հաղթանակի տոնի, ԼՂՀ Պաշտպանության բանակի և Շուշիի ազատագրման օրվա կապակցությամբ։