2019-09-03 20:52
Рубен МАРГАРЯН
ՖԻԳԱՐՈՆ ՆԱԽԱՆՇԵՑ ՎԵԿՏՈՐԸ
Հասկանալով, որ «հին ռեժիմի» հայ դիվանագետներից օգուտը քիչ է, Նիկոլ Փաշինյանը շարունակում է անձամբ նախապատրաստել առաջիկայում կայանալիք իր այցը ԱՄՆ։ Արդեն առիթ ունեցել ենք խոսելու Nouvelle d’Armenie պարբերականին տված նրա հարցազրույցի մասին, որում, մեկնաբանելով հայ-ռուսական հարաբերությունները, Փաշինյանը, կրկնելով ազգային անվտանգության հարցերով ԱՄՆ նախագահի խորհրդական Ջոն Բոլթոնի միտքը, ստրկամտորեն խոսում է այն մասին, որ Հայաստանը պետք է ազատվի իր «դարավոր բարդույթներից»։
Այդ հարցազրույցում կան էլի բազմաթիվ հատկանշական պահեր։ Օրինակ, Փաշինյանի կողմից փաստացի ընդունումը, որ Մոսկվայի և Երևանի միջև հարաբերություններն ամենևին էլ փայլուն չեն, ինչի մասին նա շատ էր սիրում կրկնել մինչև վերջին ժամանակներս։ Այժմ նա այլ հարցադրումներ է անում և ասում. «Մենք ինքնիշխան գործընկերներ ենք, և եթե նրանք ունեն իրավունք մեզ կասկածելու, մենք էլ նույնքան իրավասու ենք նրանց կասկածելու»։ Եվ այնուհետ. «Եվ եթե որևէ մեկը կարծում է, թե մենք բավարար մակարդակի չենք կատարում գործընկերոջ մեր պարտականությունները, մեզ թույլատրվում է անել նույնը։»։
Փաշինյանի խոսքերի հաստատումն իրեն երկար սպասել չտվեց. Հայաստանը քաղաքական ապաստան տրամադրեց ոմն Վիտալի Շիշկինի։ Այդ մասին վերջինս ինքն է գրել իր ֆեյսբուքյան էջում. «Ես երախտապարտ եմ Հայաստանին փախստականի կարգավիճակ տրամադրելու համար՝ որպես քաղաքական շարժառիթներով Ռուսաստանում հետապնդվող քաղաքական գործչի»։
Մենք գրեցինք «ոմն Շիշկին», բայց աջ արմատական ուղղվածության այդ գործիչը բավական հայտնի է որոշակի շրջանակներում։ Նա մասնակցել է Յանուկովիչի դեմ բողոքներին, մայդանական հեղափոխությանը, բողոքել Էրդողանի, Նազարբաևի, Պուտինի դեմ։ 2011-ին մասնակցել է Սերժ Սարգսյանի դեմ միտինգների… Պրոֆեսիոնալ Ֆիգարո է. մերթ այստեղ է, մերթ այնտեղ։
Այդ Ֆիգարոն նաև «Աջերը՝ հանուն եվրոպական զարգացման» չգրանցված կուսակցության ղեկավարն է, «Բիլոյե» հրատարակչության տնօրենը, քաղբանտարկյալների երեխաներին օգնության հիմնադրամի նախագահը, «Ո՛չ անօրինությանը, խոշտանգումներին և ստրկությանը» միջազգային հասարակական կոմիտեի նախաձեռնողը, ազգայնական ակցիաների մշտական մասնակից։
Բացի ամենայնից, 2013-ի դեկտեմբերին փորձել է հակահայկական հավաք կազմակերպել Արզամասում (առիթը՝ ռուս երիտասարդի սպանությունը կենցաղային հողի վրա), բայց ստացել 7 օր ժամկետով վարչական կալանք։ Արզամասում հակահայկական ելույթների այդ օրերին նրա ֆեյսբուքյան էջում գրված էր. «Արզամա՛ս։ Նոր հերոս-քաղաք. էթնոհանցավորության դեմ պայքարը ելնում է որակական նոր մակարդա՛կ»։
Ռուսաստանում Շիշկինը երկու անգամ դատվել է։ Առաջին անգամ ստացել է պայմանական ժամկետ, երկրորդ անգամ՝ 2015 թվականին դատապարտվել է ՌԴ Քր.օր.-ի 282-րդ հոդվածի 1-ին մասով և 212-րդ հոդվածի 3-րդ մասով. ատելության կամ թշնամանքի հրահրում և զանգվածային անկարգությունների կոչեր՝ բռնության կիրառմամբ և գույքի վնասումով։ Ստացել է իրական ժամկետ՝ 4 տարվա ազատազրկում, ազատ է արձակվել այս տարվա փետրվարին և, ինչպես տեսնում ենք, շատ չանցած փախստականի կարգավիճակ ստացավ Հայաստանում…
Ակնհայտորեն ընկեր Շիշկինի պարագայում ամեն ինչ գործնականում պարզ է։ Վերադառնանք մեր վարչապետին։ Հասկանալի է, որ հենց նա, այլ ոչ թե Միգրացիոն ծառայությունը ղեկավարող երիտասարդը՝ Կովկասի ինստիտուտի նախկին աշխատակից Արմեն Ղազարյանն է որոշում ընդունել Շիշկինի վերաբերյալ։ Ինչո՞ւ Փաշինյանն ընդունեց այդ որոշումը։ Հասկանալի է, թե ինչու. որպեսզի ցույց տա Բոլթոնին, թե ինչպես է Հայաստանը ձերբազատվում «դարավոր բարդույթներից», դե, և հետն էլ պատասխանի Պուտինին՝ Միհրան Պողոսյանին չարտահանձնելու և Ռոբերտ Քոչարյանին շնորհավորելու դիմաց։ Որպեսզի դա նրան խրատ լինի ու հաջորդ անգամ չշնորհավորի։
Ինքը Ֆիգարո-Շիշկինը, իհարկե, անչափ գոհ ու երախտապարտ է։ Մեկնաբանելով իրեն փախստականի կարգավիճակ տրամադրելու որոշումը, նա գրում է. «Այժմ կարելի է նետվել մարտի՛»։ Այնուհետ. «Հայաստանը և Ռուսաստանը այսուհետ էլ միասին կլինեն, բայց առանց Պուտինի»։
Դե, և որպես ամփոփում. «Սա ոչ միայն պարզապես որոշում է, սա Հայաստանի զարգացման վեկտո՛րն է»։ Ֆիգարոն, որն այդչափ ձգտում է մարտի, ըստ երևույթին, իրավացի է։ Ափսոս միայն, որ այդ մարտը, ամենայն հավանականությամբ, կբռնկվի մեր տարածքում։ Աստված փրկի Հայաստանը։
ПОСЛЕДНИЕ ОТ АВТОРА
-
2025-05-22 12:15Откровения надо ценить, независимо от того, от кого они исходят. Особенно, когда откровение - на публику, ведь это означает, что человек делится со своим сокровенным. Вот так и Арам Завенович от партии «Республика» поделился у Петроса сокровенным, тем, что очень наболело.
-
2025-05-21 12:14Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.
-
2025-05-21 10:02Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.
-
2025-05-21 09:38То, что Никол Пашинян выглядел не в своей тарелке на празднествах в Москве, было не только очевидно, но и ожидаемо. Никаких двусторонних встреч, наиболее частый собеседник - Александр Лукашенко, к которому симпатий Пашинян точно не питает… Запоминающийся момент, когда лидер Китая приветствует Лукашенко, а привставшего для рукопожатия Пашиняна просто не замечает? Случайно? Возможно, не специально. Просто Пашинян - такая незначительная для китайского лидера фигура, что можно действительно не обратить внимания на то, привстал он для приветствия или не привстал…