2019-09-20 16:41
Информагентства
Սուրեն ՍԱՐԳՍՅԱՆ. ԱՆՎՏԱՆԳՈՒԹՅԱՆ ԽՈՐՀՈՒՐԴՆ ԱՄՆ-ՈՒՄ ԾԱՆՐԱԿՇԻՌ ՄԱՐՄԻՆ Է՝ Ի ՏԱՐԲԵՐՈՒԹՅՈՒՆ ՀՀ ԱՆՎՏԱՆԳՈՒԹՅԱՆ ԽՈՐՀՐԴԻ ԵՎ ԴՐԱ ՔԱՐՏՈՒՂԱՐԻ
Միացյալ Նահանգներում անվտանգության հարցերով խորհրդականի պաշտոնը չափազանց կարևոր և լուրջ պաշտոն է, որովհետև վերջինս համակարգում է նաև ԱՄՆ-ի անվտանգության խորհրդի աշխատանքները։
Իսկ անվտանգության խորհուրդն ԱՄՆ-ում ծանրակշիռ մարմին է՝ ի տարբերություն ՀՀ անվտանգության խորհրդի և դրա քարտուղարի։ Aysor.am-ի թղթակցի հետ զրույցում նման տեսակետ հայտնեց քաղաքագետ Սուրեն Սարգսյանը՝ անդրադառնալով Անվտանգության խորհրդի քարտուղար Արմեն Գրիգորյանի՝ ամերիկացի գործընկերոջն ուղղված շնորհավորական ուղերձին, որտեղ նա հույս է հայտնել հանդիպել Ռոբերտ Օ'Բրայենի հետ՝ հայ-ամերիկյան անվտանգության օրակարգը առավել խորացնելու ակնկալիքով։
Մեր զրուցակցի խոսքով՝ Հայաստանն ԱՄՆ-ի համար առաջնահերթությունների ցանկում չէ, և նմանօրինակ հանդիպումը քիչ հավանական է։
«Եթե Միացյալ Նահանգների համայր առաջին հարյուր առաջնահերթությունները սահմանվեն, Հայաստանը դժվար դրանց մեջ լինի։ Ինչո՞ւ. որովհետև Հայաստանը ԱՄՆ-ի՝ թվով 170-րդ առևտրային գործընկերն է՝ 192 երկրների շարքում։ Սա բիզնես մտածողություն ունեցող Թրամփի համար կարևորագույն ազդանշան է։ ԱՄՆ-ի վարչակազմն աչքի է ընկնում իր պրագմատիզմով, իսկ պրագմատիզմը հուշում է, որ Միցյալ Նահանգներն այսօր առավել կարևոր առաջնահերթություններ ունի Լատինական Ամերիկայում, Ասիայում, Աֆրիկայում և Մերձավոր Արևելքում», - ասաց Սուրեն Սարգսյանը։
Բոլոր այս իրողությունները համադրելով՝ քաղաքագետը գրեթե բացառեց, որ մոտ ապագայում հայ-ամերիկայն բարձր մակարդակի հանդիպումներ կկայանան՝ ինչպես ՀՀ վարչապետի և ԱՄՆ նախագահի, արտգործնախարարի և պետքարտուղարի, այնպես էլ Հայաստանի ԱԽ քարտուղարի և ԱՄՆ նախագահի անվտանգության հարցերով խորհրդականի միջև։
Անդրադառնալով ԱՄՆ նախագահի՝ անտանգության հարցերով խորհրդականի պաշտոնում հատկապես Ռոբերտ Օ'Բրայենի նշանակման փաստին՝ Սուրեն Սարգսյանը նկատեց, որ սա մեսիջ է ամբողջ աշխարհին։
«Ես հույս ունեմ, որ այս մեսիջը նաև Հայաստանում են հասկանում։ Իսկ մեսիջը կայանում է նրանում, որ բավական ագրեսիվ և կոշտ դիրքորոշում ունեցող Բոլթոնը փոխարինվել է նոր գործչով, ով առավել հայտնի է բանակցություններ վարելու տաղանդով։ Սա նշանակում է, որ արտաքին քաղաքական օրակարգում Թրամփի համար առաջնահերթություն են լինելու բանակցությունները, այդ թվում՝ թշնամի պետությունների հետ։ Սա շատ կարևոր է Թրամփի համար, քանի որ նա պատրաստվում է գալիք ընտրություններին և ամեն բան կառուցում է այդ ընտրություններում հաղթանակ տանելու վրա», - ընդգծեց մեր զրուցակիցը։
ПОСЛЕДНИЕ ОТ АВТОРА
-
New2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
New2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
New2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
New2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».
ПОСЛЕДНЕЕ ПО ТЕМЕ
-
2019-10-04 14:26Երկու օր է մտածում եմ՝ ինչպես արձագանքել Անդրանիկ Քոչարյանի հայտարարությանը։ Այս մասին հայտարարություն է տարածել ԱԺ նախկին փոխնախագահ Արփինե Հովհաննիսյանը:
-
2019-10-02 15:13Սերժ Սարգսյանի շնորհիվ Հայաստանի ԵՏՄ անդամակցության արդյունքում Երևանում կայացավ ԵՏՄ գագաթաժողովը: Այս մասին Facebook-ի իր էջում գրել է ՀՀԿ փոխնախագահ Արմեն Աշոտյանը:
-
2019-10-02 13:04Հոկտեմբերի 2-ը ՀՀ նորագույն պատմության մեջ կմնա որպես ժողովրդավարության վրա հարձակման օր: Այս մասին Facebook-ի իր էջում գրել է ՀՀԿ մամուլի խոսնակ Էդուարդ Շարմազանովը:
-
2019-09-26 19:55«Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը պարզ պոպուլիզմ է որակում Հայաստանի վարչապետ Նիկոլ Փաշինյանի՝ ԼՂ խնդրի վերաբերյալ հայտարարությունը։