2020-05-29 19:52
Тигран МИРЗОЯН
0
Ի՞ՆՉ «ԵՐԿՐՈՐԴ ԱԼԻՔԻ» ՄԱՍԻՆ Է ԽՈՍՔԸ, ԵՐԲ ԱՌԱՋԻՆԸ ԴԵՌ ՉԻ ՄԱՐԵԼ
Հայաստանում սկսվել է կորոնավիրուսի համաճարակի երկրորդ ալիքը։ Այդ մասին մայիսի 26-ին հայտարարեց վարչապետ Նիկոլ Փաշինյանը՝ փոխվարչապետի,արտակարգ դրության պարետ Տիգրան Ավինյանի և առողջապահության նախարար Արսեն Թորոսյանի հետ համատեղ ճեպազրույցի ժամանակ։ Կառավարության ղեկավարի խոսքերով՝ հանրապետությունում «իրավիճակը ծանր է»։
«Ըստ էության, գործ ունենք համավարակի երկրորդ ալիքի հետ։ Մեր քննարկումների եզրակացությունը միանշանակ է, որ պարետատան կանոնները համարժեք են իրավիճակին, բովանդակային առումով էֆեկտիվ են: Խնդիրն այստեղ մնում է այդ կանոնների պահպանումը քաղաքացիների կողմից»,- ասաց նա։ Դրա հետ մեկտեղ՝ վարչապետը վստահություն հայտնեց, որ պահպանելով սոցիալական հեռավորությունը, պաշտպանիչ դիմակներ կրելով հասարակական վայրերում և պարբերաբար ախտահանելով ձեռքերը, քաղաքացիները կօգնեն ոչ միայն բարելավել համաճարակաբանական իրավիճակը, այլև աստիճանաբար զրոյացնել հիվանդացության վիճակագրությունը:
Փաշինյանը զգուշացրեց, որ պաշտպանության սանիտարական միջոցները խախտողների նկատմամբ կկիրառվեն վարչական միջոցներ: «Մինչև այժմ գործադրված վարչական լծակներն ավելի կխստացվեն, այսօր արդեն սկսվել են ռեյդեր ամենատարբեր հատվածներում՝ սկսած ֆիզիկական անձանցից, ավարտած իրավականական անձանցով, տնտեսվարողներով: Խստացված միջոցներ կիրականացվեն միջմարզային ճանապարհներին, անցակետեր կդրվեն, որ ստուգեն, թե արդյոք բոլորը դիմակով են»,- վստահեցրեց Փաշինյանը։
Հայաստանում կորոնավիրուսային վարակի տարածման հետ կապված իրավիճակը երեկ քննարկման թեմա դարձավ Ռուսաստանի Առաջին ալիքում՝ Ալեքսանդր Գորդոնի և Ելենա Մալիշևայի «Դոկ Տոկ» թոք-շոուի ժամանակ։ Թոք-շոուի հաղորդավար Ալեքսանդր Գորդոնը մեջբերեց ՀՀ վարչապետ Նիկոլ Փաշինյանի այն հայտարարությունը, թե երկրում սկսվել է հիվանդության տարածման երկրորդ ալիքը, և առաջարկեց քննարկել, թե այդ ինչ ալիք է, ինչու են հանրապետությունում, առաջին ալիքը դեռ չհաղթահարած, համարում, թե արդեն երկրորդն է սկսվել։ Գորդոնը նշեց վերջին մի քանի օրերին Հայաստանում արձանագրված հիվանդության դեպքերի թիվը, ընդգծելով, որ այն բարձր է «սովորական դեպքերի» քանակից։
Տաղավարում ներկա փորձագետները չհամաձայնեցին Փաշինյանի այն արտահայտությանը, թե իրավիճակը կարելի է անվանել երկրորդ ալիք, արձանագրված դեպքերի աճը պայմանավորելով տարբեր գործոններով, այդ թվում՝ տեստավորված մարդկանց թվի հնարավոր աճով: «Սա համաճարակային գործընթացի շարունակությունն է, այսինքն Հայաստանը հենց ներկայումս հասնում է առավելագույն նիշին, բարձրակետին, պարզապես ժամանակային առումով նրանք հետ են մնացել, ասենք, Ռուսաստանից, բայց դա հաստատ երկրորդ ալիք չէ»,- հայտարարեց ԺԲՌՀ վարակաբանության ամբիոնի վարիչ, բժշկական գիտությունների դոկտոր, պրոֆեսոր Գալինա Կոժևնիկովան։ Գորդոնը նշեց, որ իր կարծիքով՝ երկրորդ ալիք կարող է սկսվել միայն այն ժամանակ, երբ այս ընթացքն ավարտվի, երբ թվերը գրեթե զրոյական լինեն և միայն դրանից հետո սկսեն կրկին աճել:
Կառավարության ղեկավարի արտահայտությանը համամիտ չեն նաև հայ մասնագետները։ «ԳԱ»-ի հետ զրույցում վարակաբան, բժշկական գիտությունների թեկնածու Նելլի Ամիրբեկյանը նշեց, որ Փաշինյանի հայտարարությունները ծայրաստիճան ոչ պրոֆեսիոնալ են։ «Ի՞նչ երկրորդ ալիքի մասին է խոսքը,երբ առաջինը դեռ չի ավարտվել,- նշեց Ն.Ամիրբեկյանը:- Ես ուղղակի շոկի մեջ եմ այդ հայտարարությունից։ Ճեպազրույցի ժամանակ Փաշինյանի կողքին նստած էր առողջապահության նախարարը։ Նա նույնիսկ աչքը չթարթեց՝ վարչապետի այդ արտահայտությունը լսելով։ Մի՞թե հնարավոր չէր խորհրդակցել բժիշկների հետ, և հետո նոր անել այս կամ այն հայտարարությունը։ Մեր այսօրվա իշխանությունը չի սիրում պրոֆեսիոնալների խորհուրդներն ու առաջարկությունները։ Վարվում է այնպես, ինչպես կամենա։ Ընդ որում սա վերաբերում է բոլոր ոլորտներին։ Ցանկացած քննադատություն, ցանկացած այլ կարծիք դիտվում է որպես թշնամական հարձակում։ Իշխանություններն աշխատում են հետևյալ սկզբունքով. կա մեր կարծիքը և կա սխալ կարծիք։ Արդյունքում մենք առայժմ տանուլ ենք տալիս կորոնավիրուսի դեմ պատերազմը»։
«Մի՞թե իշխանությունները համարում են, թե բնակչության մակարդակն այն աստիճան ցածր է, որ չի հասկանում, թե ինչ է կատարվում, - ասաց կենսաբանական գիտությունների թեկնածու Իրինա Ավետիսյանը:- Կառավարությունը կորոնավիրուսի դեմ պայքարի ձախողման ողջ մեղքն այժմ բարդում է ժողովրդի վրա։ Իբր՝ չեն կատարում պարետի պահանջները։ Իհարկե, հայերն այնքան էլ կարգապահ ժողովուրդ չեն, բայց ձեր սխալները մեզ վրա բարդելն անբարո է։ Վարակման առաջին իսկ դեպքից հետո մասնագետներն ու փորձագետներն առաջարկել են անհապաղ կոշտ կարանտին մտցնել։ Մինչև իշխանությունները տեղից շարժվեցին, արդեն ուշ էր, և հայտնվել էին վարակի մի քանի օջախներ։ Նախքան երկրորդ ալիքի մասին բարձրահունչ հայտարարություններ անելն ու բոլոր սխալները ժողովրդի վրա բարդել փորձելը, վատ չէր լինի ծանոթանալ ընդհանուր կենսաբանության դպրոցական դասընթացին: Ոչ ոք հաստատապես չգիտի, թե ինչպես կպահի իրեն վիրուսը, իսկ մեր իշխանությունները եզրակացություններ են անում առարկություններ չընդունող տոնով։ Գոնե նայեք Վրաստանին ու սովորե՛ք։ Թե՞ դա ձեր ուժերից վեր է»։
Մինչդեռ Վրաստանը մեզ օգնություն է առաջարկել COVID-19-ի դեմ պայքարում։ «Եթե Հայաստանի Հիվանդությունների վերահսկման ազգային կենտրոնը օգնության համար դիմի վրաց գործընկերներին, նրանք կստանան դա»,- մայիսի 28-ին ճեպազրույցի ժամանակ հայտարարեց Վրաստանի Հիվանդությունների վերահսկման և հանրային առողջության ազգային կենտրոնի ղեկավար Ամիրան Գամկրելիձեն: Հետաքրքիր է, կդիմե՞ն արդյոք մեր իշխանություններն օգնության խնդրանքով։
ПОСЛЕДНИЕ ОТ АВТОРА
-
2025-01-18 10:59В Армении набирает силу опасный тип вируса гриппа. За прошедшие двое суток в медучреждения республики доставлены более 100 человек. Увеличились и вызовы скорой по поводу высокой температуры и сухого кашля. О "молниеносном" гриппе, его правильной диагностике и лечении корр. "ГА" поговорил с врачом-инфекционистом Мгером МНАЦАКАНЯНОМ. По его словам, после возвращения взрослых и детей с новогодних каникул в Армении пошла вверх заболеваемость гриппом и ОРВИ. За прошлую неделю зарегистрировано на 31,9% заражений больше, чем на предыдущей. Доля больных гриппом пока относительно невелика, но она неуклонно растет. При этом преобладает вирус типа А (H1N1).
-
2025-01-17 09:45В холодное время года организм человека сталкивается с множеством факторов, ослабляющих иммунную систему. Зимой мы подвергаемся дополнительным стрессам: недостаток солнечного света и сырая погода могут привести к дефициту витаминов. В беседе с корр. "ГА" врач-диетолог Маргарита Овакимян отметила, что помимо средств, нужных из-за индивидуальных показателей и потребностей, существует целый ряд универсальных витаминов и минералов, которые необходимы каждому из нас для укрепления иммунитета и высокого уровня энергии.
-
2025-01-16 10:44Грандиозный парад планет жители Армении смогут увидеть 21 января, заявил на днях агентству "Новости-Армения" заместитель директора Бюраканской астрофизической обсерватории Айк АБРАМЯН. В этот день Марс, Юпитер, Уран, Нептун, Венера и Сатурн выстроятся в одну линию. Это редкое астрономическое событие называется великим планетарным выравниванием. По словам Абрамяна, увидеть это явление можно будет после полуночи и желательно, на возвышенностях и в неосвещенных районах. Выравнивание планет – это термин, который используется в астрономии для описания явления, когда несколько планет собираются на небольшом участке неба. Это явление также в разговорной речи называется "парадом планет".
-
2025-01-15 10:25Ледяные кристаллы в воздухе, наблюдаемые в Ереване в последние дни, – это не осадки в виде снега, а следствие блокирующего антициклона, сообщил корр."ГА" заместитель директора "Центра гидрометеорологии и мониторинга" Гагик Суренян.