ԵՐԿԱԹՈՒՂԱՅԻՆԻ ՕՐԸ ՆՇԵՑԻՆ ՀԿԵ-ՈՒՄ
Ավանդույթի համաձայն, մասնագիտական տոնի` Երկաթուղայինի օրվա (նշվում է օգոստոսի առաջին կիրակի օրը) նախաշեմին հուլիսի 31-ին «Հարավկովկասյան երկաթուղի» ընկերությունում պարգևներ հանձնվեցին առաջատար երկաթուղայիններին: Սակայն այս անգամ տոնին նվիրված հանդիպումն անցավ անվտանգության նորմերի համապատասխան և այնքան էլ բազմամարդ չէր:
Ինչպես նշեց, շնորհավորելով երկաթուղայիններին, Ընկերության գլխավոր տնօրեն Ալեքսեյ Մելնիկովը, Հարավկովկասյան երկաթուղու 3-հազարանոց կոլեկտիվն ամեն օր յուրատեսակ սխրագործություն է կատարում՝ կատարելով իր աշխատանքը, ապահովելով գնացքների, ուղևորների և բեռների անվտանգությունը:
«Այսօր Հարավկովկասյան երկաթուղին ակտիվ զարգացող, հաջող գործող ընկերություն է, որն իր աշխատանքի 12 տարիների ընթացքում հասցրել է իրականացնել բազմաթիվ կարևոր ենթակառուցվածքային նախագծեր, վերականգնել և գործարկել հիմնական երկաթուղային դեպոները, երկաթուղային կայարանները, էլեկտրաֆիկացման և էներգամատակարարման, կապի և ազդանշանային համակարգի օբյեկտները, վերափոխել ուղևորափոխադրումների համալիրը, երթուղիներում նոր էլեկտրագնացքներ գործարկել, ուղևորների համար ապահովելով հարմարավետություն և ճանապարհորդության ժամանակի խնայողություն, ինչպես նաև արդյունավետ համագործակցություն հաստատել բիզնեսի ներկայացուցիչների, Հայաստանի կառավարության հետ», - ասաց Ա.Մելնիկովը:
ՀԿԵ-ի աշխատանքի տարիների ընթացքում հիմնանորոգվել է 482 կմ ուղի, փոխարինվել է 989 հազար կոճ, իսկ հաշվի առնելով 2020 թվականի համար նախատեսված աշխատանքների ծավալը, այս ցուցանիշը շուտով կգերազանցի 1 միլիոն շեմը: Նաև վերանորոգվել է 70 սլաքային փոխադրիչ, 55 խոշոր ենթակառուցվածքային կառույց, կահավորվել է էլեկտրակենտրոնացման համակարգի 7 կետ, 14 վազուրդի հագեցվել է արգելափակման կիսաավտոմատ համակարգերով:
Երկաթուղու աշխատողներին իրենց մասնագիտական տոնի կապակցությամբ շնորհավորելով՝ տարածքային կառավարման և ենթակառուցվածքների նախարարի տեղակալ Արմեն Սիմոնյանը նշել է, որ իրենց բարձր պրոֆեսիոնալիզմի և նվիրվածության շնորհիվ երկաթուղայիններն ապահովում են Հայաստանի համար այս կարևոր ոլորտի անխափան աշխատանքն այս դժվարին ժամանակահատվածում: Սիմոնյանի խոսքերով, երկաթուղու դերը ոչ միայն չի նվազում, այլ, ընդհակառակը, անընդհատ աճում է՝ տարածաշրջանային լոգիստիկ նախագծերի համատեքստում: Նա նաև վստահություն հայտնեց, որ համատեղ աշխատանքի շնորհիվ հնարավոր կլինի լուծել առկա խնդիրները, ինչը կհանգեցնի ոլորտի հետագա զարգացմանը, ուղևորների թվի և բեռնափոխադրումների ծավալների աճին:
Երկաթուղայիններին շնորհավորեցին նաև Վետերանների խորհրդի և արհմիության նախագահներ Լևոն Հակոբյանը և Ալբինա Մարտիրոսյանը:
Տասը աշխատողներին հանձնվեցին «Պատվավոր երկաթուղային», «Բարեխիղճ աշխատանքի համար», «Մասնագիտությանը հավատարմության համար» նշաններ և ժամացույցներ:
Այս տարի մասնագիտական տոնի կապակցությամբ պարգևատրվել են երկաթուղու ավելի քան 100 աշխատողներ:
Տոնական միջոցառումների շրջանակներում՝ ուղևորների և ինտերնետ օգտագործողների հարմարավետության համար, մասնագիտական տոնի նախօրեին Հարավկովկասյան երկաթուղին գործարկել է նոր կորպորատիվ կայք` railway.am: Այստեղ ներկայացված է ընկերության, մատուցվող ծառայությունների մասին ամբողջական տեղեկատվություն, իսկ ուղևորներն ու բեռնափոխադրողները կկարողանան ծանոթանալ երթուղային ցանցին և սակագներին:
Որպես տոնական միջոցառումների մաս Հարավկովկասյան երկաթուղու կենտրոնական ապարատի շենքում բացվեց Ընկերության աշխատող, լուսանկարիչ Ելենա Առաքելովայի լուսանկարների ցուցահանդեսը:
Այս տարի Ընկերության կողմից անցկացվող անվճար երթևեկության ակցիան, որը սովորաբար անցնում էր էլեկտրագնացքներում Երկաթուղայինի օրը, չեղյալ հայտարարվեց` ուղևորների մեծ հոսքի պայմաններում հակահամաճարակային նորմերի պահպանման անհնարինության պատճառով: Ընկերությունը խոստանում է նման ակցիա կազմակերպել սահմանափակումների վերացումից հետո, ինչի մասին հանրությունը նախապես կտեղեկացվի:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
ПОСЛЕДНИЕ ОТ АВТОРА
-
2024-04-19 10:43
Каждое время выдвигает своих героев – подлинных и мнимых. Современники не всегда умеют их различить, и это оборачивается чувствительными потерями. Тем более что подлинные герои очень часто не любят, не умеют расписывать свои заслуги. Об этом скупо говорит их биография. К числу таких принадлежит подполковник Мартин Багдасарян, недавно отметивший 80-летие.
-
2024-04-17 17:52
«Сегодня в 7 часов вечера я пойду к Шенгавитскому суду, где будет рассматриваться вопрос ареста Самвела Варданяна. По сути, Самвела мало того что подло избили, так еще и хотят засадить его по обвинению в разжигании ненависти», - написал на своей странице в Фейсбук эксперт по информационной безопасности Карен Вртанесян.
-
2024-04-17 17:48
Политолог Карен Игитян пишет на своей странице в Фейсбук:
-
2024-04-17 13:13
Полицейские, которые, замаскировавшись, допустили истязания находящегося под их надзором молодого человека, попытаются оправдаться и извиниться перед народом, но клеймо на репутации армянского полицейского останется, написал на своей странице в ФБ член Исполнительного органа РПА Артак ЗАКАРЯН, пожелав служителям правопорядка хоть немного подумать о завтрашнем дне.
ПОСЛЕДНЕЕ ПО ТЕМЕ
-
2024-03-07 15:29
Երևանի երկաթուղային կայարանում բացվել է մարտի 8-ին՝ Կանանց միջազգային օրվան նվիրված «Հոգու ակնթարթ» նկարների և կտավների ցուցահանդեսը: Ցուցահանդեսում ներկայացված են սկսնակ նկարչուհի և «Հարավկովկասյան երկաթուղի» ընկերության աշխատակից Նարինե Ասլանյանի ստեղծագործությունները:
-
2023-12-19 10:48
«Հարավկովկասյան երկաթուղի» ընկերությունը մինչև 2024 թվականի առաջին եռամսյակը երկարաձգում է Լեռնային Ղարաբաղից տեղահանվածների համար մերձքաղաքային էլեկտրագնացքներով անվճար երթևեկելու ակցիան:
-
2023-11-22 12:04
Նոյեմբերի 23-ին չեղարկվում Երևան-Գյումրի-Երևան ուղղությամբ բոլոր էլեկտրագնացքների ուղերթերը: Տեղեկությունը հայտնում է «Հարավկովկասյան երկաթուղի» ՓԲԸ մամուլի ծառայությունը։ Պատճառն իրականացվող վերանորոգման աշխատանքներ են։
-
2023-11-21 11:12
«Հարավկովկասյան երկաթուղի» ընկերության առաջարկով ՀՀ կրթության, գիտության, մշակույթի և սպորտի նախարարությունը առաջարկել է հանրակրթական դպրոցների հինգերորդ դասարանի դպրոցական ծրագրում ներառել «Երեխաների վարքագծի կանոնները երկաթուղային տրանսպորտում» դասընթացը: