Ադրբեջանցիների ագրեսիվ խմբերին ուղղորդել են Ադրբեջանի դեսպանությունները
Վիեննայում Հայաստանի պատվիրակության նախաձեռնությամբ հուլիսի 30-ին ԵԱՀԿ Մշտական խորհրդի նիստի օրակարգում ներառվել էր Ադրբեջանի կողմից ատելության հենքով հանցագործությունների խրախուսման վերաբերյալ հարցը։
ՀՀ ԱԳՆ-ից հայտնում են, որ Հայաստանի մշտական ներկայացուցիչ, դեսպան Արմեն Պապիկյանը, ներկայացնելով ԵԱՀԿ մասնակից երկրներում և այլուր հայերի և հայկական համայնքների անդամների նկատմամբ տեղի ունեցած բռնությունները, որոշ երկրներում Հայաստանի դիվանագիտական ներկայացուցչությունների բնականոն աշխատանքի խափանման և վերջիններիս ունեցվածքի միտումնավոր ոչնչացման դեպքերը, նշեց, որ դրանք ադրբեջանցիների որոշ խմբերի կողմից իրագործված էթնիկ պատկանելության հիմքով ատելության հանցագործություններ են՝ ազգությամբ հայերին, հայկական համայնքային կառույցների անդամներին ահաբեկելու և հետապնդելու նպատակով։
Այնուհետև դեսպան Պապիկյանը, ըստ ԱԳՆ մամուլի ծառայության, ԵԱՀԿ մասնակից երկրների ներկայացուցիչներին տեղեկացրեց, որ ադրբեջանցիների այդ խմբերի ագրեսիվ գործողությունները կազմակերպվել և ուղղորդվել են այդ երկրներում Ադրբեջանի դեսպանությունների կողմից։ Ավելին՝ հայկական կողմի ունեցած ապացույցները վկայում են, որ առնվազն մեկ դեպքում այդ գործողությունների կազմակերպմանն աջակցել է նաև Թուրքիայի դեսպանությունը։
Դեսպան Պապիկյանն ընդգծեց, որ տարբեր երկրներում հայերի հանդեպ բռնությունները, լինելով կարծես թե նոր երևույթ, այնուամենայնիվ շարունակությունն են հակահայկական ատելության քարոզչության, որին ադրբեջանական հասարակությունը ենթարկվել է տասնամյակներով։ Այս առումով Հայաստանի Մշտական ներկայացուցիչը նշեց, որ վարվող հայատյացության քաղաքականությունը, ուղղված Ադրբեջանի բնակչության մոտ հայերի հանդեպ ատելություն և անհանդուրժողականություն արմատավորելուն, վարվում է պետական ամենաբարձր մակարդակով։
Դեսպան Պապիկյանը նաև նշեց, որ Հայաստանը մշտապես միջազգային իր գործընկերների ուշադրությունը հրավիրել է Ադրբեջանի իշխանությունների հակահայկական քաղաքականությանը և քարոզչությանը՝ զգուշացնելով որ հայատյացության նման բարձր մակարդակի պարագայում այն հեշտությամբ կարող է տեղափոխվել այլ երկրների տարածք, ինչին և ականատես ենք լինում այսօր։ «Մենք համոզված ենք, որ միջազգային հանրության կողմից համապատասխան արձագանքի բացակայությունը, ինչը հավասարազոր է Ադրբեջանի և նրա բռնապետական իշխանությունների վարքագծի հանդեպ թողտվության, էլ ավելի է խրախուսում այդ երկիրը կառավարող ռեժիմին շարունակել հայատյացության քարոզչությունը»։
Իր ելույթում Հայաստանի մշտական ներկայացուցիչը խստորեն դատապարտեց տարբեր երկրներում հայերի դեմ ուղղված բռնությունները, որոնք Բաքվի անպատասխանատու քաղաքականության հերթական դրսևորումն է և համահունչ է երկու ժողովուրդների միջև առանց աշխարհագրական սահմանափակումների թշնամանք հրահրելու Ադրբեջանի ղեկավարության քաղաքականությանը և հռետորաբանությանը, տեղեկացնում է News.am-ը։
ПОСЛЕДНИЕ ОТ АВТОРА
-
New2020-10-26 21:48152Президент США Дональд Трамп заявил в понедельник, что режим прекращения огня в Нагорном Карабахе соблюдается.
-
New2020-10-26 21:46115Минздрав Армении не считает целесоообразным возобновление учебного процесса в школах из-за вероятности ухудшения ситуации с коронавирусом на фоне этого решения, заявила замглавы ведомства Лена Нанушян в интервью радиостанции "Азатутюн".
-
New2020-10-26 21:45118Армия обороны Арцаха представила к наградам группу военнослужащих, проявивших героизм при защите родины, сообщает Aysor.am.
-
New2020-10-26 21:40129Протурецкая группировка "Хайат Тахрир Аш-Шам" готовила теракт в РФ. Как передает Арменпресс, как стало известно проекту WarGonzo от собственных источников в силовых структурах, террористическая организация "Хайат Тахрир Аш-Шам", которую курируют турецкие спецслужбы, завербовала двух жителей Хабаровска для того, чтобы устроить теракт на Дальнем Востоке.
