Փաշինյանը և Սարգսյանը հանդիպել են
Չնայած ՄԱԿ-ի գլխավոր քարտուղարի կոչին՝ կորոնավիրուսի պայմաններում համընդհանուր հրադադարի իրավիճակ ստեղծել, Հայաստանը հնարավոր էսկալացիան չէր կարող դիմավորել, այսպես ասած, քնած վիճակում: Նման կարծիք է հայտնել վարչապետ Նիկոլ Փաշինյանը` նախագահ Արմեն Սարգսյանի հետ նախագահական նստավայրում աշխատանքային հանդիպման ժամանակ խոսելով հայ–ադրբեջանական սահմանին հուլիսին տեղի ունեցող մարտական գործողությունների մասին։
«Տավուշում տեղի ունեցածն Ադրբեջանի կողմից բացահայտ ագրեսիա էր Հայաստանի ինքնիշխան տարածքի նկատմամբ: Բայց կարևոր է արձանագրել, որ երկար տարիներ Ադրբեջանի ղեկավարության զարգացրած քարոզչական միֆը, թե ադրբեջանական բանակն ունի առավելություն hայոց բանակի նկատմամբ, ամբողջությամբ փլուզվեց։ Տարածաշրջանում բոլորովին նոր աշխարհաքաղաքական և ռազմաքաղաքական իրավիճակ է ստեղծվում»,–ասել է Փաշինյանը։
Նրա խոսքով` այդ ամենը մեծ հաշվով ամրապնդում է Հայաստանի ավանդական դիրքորոշումը Ղարաբաղի հարցի առնչությամբ: Իսկ այդ ավանդական դիրքորոշումը Հայաստանի բոլոր իշխանությունների ու կառավարությունների կողմից ամբողջությամբ պահվել է. Ղարաբաղի հարցը չունի ռազմական լուծում և կարող է լուծվել բացառապես խաղաղ ճանապարհով: Այսինքն, ըստ Փաշինյանի, դա իրողություն է, որի հետ պետք է հաշվի նստել:
Վարչապետը ևս մեկ անգամ շեշտել է, որ Հայաստանի ԶՈւ–ն պատրաստ է պահպանել մեր երկրի տարածքային ամբողջականությունը, սահմանները:
Ի պատասխան Արմեն Սարգսյանը նշել է, որ համամիտ է վարչապետի հետ` Ադրբեջանի հարձակումը որևէ մարդկային բարոյական բացատրություն չի կարող ունենալ:
«Լավ հիշում եմ. երբ 1990-ականների սկզբին դեսպան էի եվրոպական շատ երկրներում, ներառյալ ՆԱՏՕ-ում, շատ դիվանագետներ, ռազմական մասնագետներ ինձ ասում էին, որ ձեր այս պայքարն իզուր է. դուք փոքր երկիր եք, բանակ չունեք, Ադրբեջանը հսկայական բանակ ունի, աջակցություն ունի հարևան երկրից: Նույն մարդիկ մի քանի տարի անց ինձ ասում էին, որ Հայաստանն ունի Հարավային Կովկասի ամենահզոր բանակը»,–ասել է նախագահը։
Նրա խոսքով` տավուշյան դեպքերը ևս փաստեցին, որ Հայաստանն ունի Հարավային Կովկասի ամենահզոր բանակը, որին հնարավոր չէ հաղթել:
Արմեն Սարգսյանը պատմել է նաև, որ օրերս է այցելել Տավուշ, եղել սահմանամերձ Չինարիում, և իրեն շատ է ուրախացրել մարդկանց ոգին։ Նրա բնութագրմամբ` մարդիկ շատ վստահ էին՝ եռանդով և լավատեսությամբ լցված, և ոչ միայն գյուղի տարիքովներն, այլ նաև փոքր երեխաները։
Նախագահն իր աջակցությունն է հայտնել կառավարությանը, անձամբ վարչապետին, պաշտպանության նախարարությանը, բանակին, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2024-04-26 17:37
Перед зданием правительства собрались несколько членов партии «Справедливая Армения» во главе с председателем партии Норайром Норикяном. В руках у них плакаты «Никол, ты не прав, ты ошибаешься».
-
2024-04-26 17:34
Полицейские с применением силы подвергают приводу граждан, перекрывших дорогу в Раздане. Среди последних депутат парламента Армении Артур Хачатрян. После данного процесса полицейские силой открыли дорогу.
-
2024-04-26 17:08
25 апреля в комиссии по правам человека Бундестага бывший генеральный прокурор Гаагского международного уголовного суда Луис Морено Окампо выступил с докладом на тему «Международно-правовые аспекты насильственной депортации армян Нагорного Карабаха».
-
2024-04-26 17:06
Канцлер Германии Олаф Шольц на пресс-конференции, состоявшейся после расширенной встречи с президентом Азербайджана Ильхамом Алиевым заявил, что у них есть много тем для обсуждения.