2020-08-25 08:54
Информагентства
0
Հայաստանում մեկնարկել է պետական ինովացիոն GovTech Launchpad ծրագիրը
Հայաստանում մեկնարկել է պետական ինովացիոն GovTech Launchpad ծրագիրը: Ծրագրի նպատակը հասարակական խնդիրների նորարարական լուծումներ ստեղծելն է` հասարակական հատվածի և ստարտափների միջև կապ ձևավորելու միջոցով: Ծրագրի շրջանակներում ստարտափները պետք է առաջարկեն տեխնոլոգիական լուծումներ, որոնք կաջակցեն հայրենադարձներին և հայկական սփյուռքի ներկայացուցիչներին, ովքեր նոր են որոշել վերադառնալ իրենց պատմական հայրենիք: Ներկայացնելով ծրագիրը՝ Սփյուռքի հարցերով գլխավոր հանձնակատար Զարեհ Սինանյանը նշեց, որ դրա նպատակը հայրենադարձության գործընթացում նոր տեխնոլոգիաների ներգրավումն է:
Նա նշեց, որ GovTech Launchpad-ը շատ հետաքրքիր ծրագիր է, իսկ դրա իրականացումը ծայրահեղ օգտակար կլինի երկրի համար: «Մենք հազվագյուտ ժողովուրդ ենք, այն տեսակետից, որ մեր երկրի բնակչությունը համեմատաբար փոքր է, բայց մենք ունենք մեծ սփյուռք: Այդ իսկ պատճառով մեզ համար գերակա խնդիր է այնպիսի պայմանների ստեղծումը, որ մեր հայրենակիցների մեծ մասը գերադասի ապրել իր պատմական հայրենիքում՝ միանալով մեր պետության զարգացմանը և այնպիսի երկրի կառուցմանը, որի մասին մենք բոլորս երազում ենք»,- ասաց Սինանյանը:
Նա հիշեցրեց, որ կառավարության ռազմավարական նպատակը մինչև 2050 թվականը 5 մլն բնակչություն ապահովելն է: Հույս հայտնելով, որ նշված ժամկետին հնարավոր կլինի հասնել ավելի տպավորիչ ցուցանիշներով, Սինանյանն ընդգծեց, որ դրված նպատակին հասնելու համար անհրաժեշտ է ստեղծել հայրենադարձության համար անհրաժեշտ բոլոր պայմանները: «Մենք ապրում ենք տեղեկատվական տեխնոլոգիաների դարաշրջանում, որը ստեղծում է հնարավորություններ, որոնք նախկինում գոյություն չունեին»,- ասաց նա: Սինանյանը հավելեց, որ այս ծրագիրը կոչված է ներգրավելու ընկերություններին, կազմակերպություններին և մասնավոր անձանց` որոնելու տեխնոլոգիական լուծումներ, որոնք թույլ կտան պարզեցնել և հեշտացնել հայրենադարձության գործընթացը:
«Մենք մեծ հույս ունենք, որ միասին աշխատելով՝ կկարողանանք հասնել այդ նպատակին»,- եզրափակեց Սինանյանը: Նշենք, որ ծրագրի իրականացմանը ֆինանսական աջակցություն կտրամադրի Միջազգային համագործակցության գերմանական GIZ ընկերակցությունը, իսկ Սոցիալական ինովացիաների և ձեռներեցության զարգացման կենտրոնների միջազգային Impact Hub ցանցի հայկական ներկայացուցչությունը կտրամադրի տեխնիկական աջակցություն, տեղեկացնում է News.am-ը։
ПОСЛЕДНИЕ ОТ АВТОРА
-
New2024-04-24 04:14Власти Армении приняли правила игры Азербайджана, который политизировал проблему возвращения пленных и подходят к этому вопросу исключительно в логике переговорного процесса. Такую точку зрения в беседе со Sputnik Армения выразила правозащитница Сирануш Саакян.
-
2024-04-23 22:40Отстранить Никола Пашиняна от власти реально, самый правильный и доступный путь – выразить ему недоверие. Об этом сообщил третий президент Республики Армения, глава Республиканской партии Армении Серж Саргсян, который вместе со своими сторонниками участвует в традиционном факельном шествии.
-
2024-04-23 19:42Тюрколог, кандидат исторических наук Варужан Гегамян предупредил об угрозе процессу международного признания Геноцида армян и диаспоре.
-
2024-04-23 19:29C площади Республики Еревана стартует традиционное факельное шествие, посвященное 109-й годовщине Геноцида армян в Османской Турции.
