Последние новости

Թուրքիան հայտարարել է Միջերկրական ծովի արևելյան մասում զորավարժությունների մասին

Թուրքիան հայտարարել է Միջերկրական ծովի արևելյան մասում սեպտեմբերի 1-2-ը անցկացվելիք զորավարժությունների մասին, որը վերջինն է մի շարք վարժանքների շարքում, որոնք մեծացրել են լարվածությունը Հունաստանի հետ հարաբերություններում:

Հայտարարությունն արվել է մի քանի ժամ առաջ այն բանից, երբ Հունաստանի խորհրդարանը պետք է վավերացնի Եգիպտոսի հետ համաձայնագիրը, որը որոշում է երկու երկրների միջև ծովային սահմանները, ինչը Թուրքիան համարում է վիրավորանք:

Հունաստանը և Թուրքիան վեճի մեջ են ներքաշվել Միջերկրական ծովի արևելյան ջրերի վերահսկողության հարցում, որը սրվել էր այն բանից հետո, երբ Անկարան այս ամիս սեյսմոհետախուզական նավ էր ուղարկել վիճելի տարածք, ինչը Աթենքը որակել է որպես անօրինական:

Հինգշաբթի օրը Թուրքիայի նավատորմը հայտարարել է հրետանային կրակոցներով զորավարժությունների մասին, որը տեղի կունենա Միջերկրական ծովի արևելքում՝ Կիպրոսի հյուսիս-արևելքում գտնվող Իսկենդերունի ափին: Նա նաև մինչև սեպտեմբերի 1-ը երկարաձգել է Կիպրոսի հարավ-արևմուտքում գտնվող իր Oruc Reis հետազոտական նավի աշխատանքը:

Չորեքշաբթի օրը Ֆրանսիան հայտարարել էր, որ կմիանա Միջերկրական ծովի արևելքում Իտալիայի, Հունաստանի և Կիպրոսի զորավարժություններին:

Թուրքիայի արտգործնախարարության խոսնակ Համի Աքսոյը հայտարարել է, որ Ֆրանսիական ռազմական ինքնաթիռների տեղակայումը Կիպրոսում խախտում է Բրիտանիայից անկախացումից հետո կղզին վերահսկելու և կառավարելու 1960 թվականի պայմանագիրը:

Աքսոյը նշել է, որ Ֆրանսիայի դիրքորոշումը Հունաստանին և Կիպրոսին հրահրում է տարածաշրջանում լարվածության հետագա աճի, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ