2020-08-28 18:27
Информагентства
ԵՄ-ն Թուրքիայի դեմ պատժամիջոցներ կկիրառի
ԵՄ-ն կարագացնի Թուրքիայի դեմ պատժամիջոցների մշակումը արևելյան Միջերկրական ծովում ապօրինի հորատման գործողությունների համար, նաև՝ մինչև սեպտեմբերի 24-ը լրացուցիչ միջոցառումներ կնախապատրաստի Անկարայի դեմ, եթե թուրքական կողմից առաջընթաց չլինի: ՏԱՍՍ-ի փոխանցմամբ, այս մասին ուրբաթ օրը հայտարարել է ԵՄ դիվանագիտական կառույցի ղեկավար Ժոսեպ Բորելը՝ Բեռլինում միության երկրների արտաքին գործերի նախարարների ոչ պաշտոնական հանդիպումից հետո կայացած մամուլի ասուլիսում:
«Հասկանալի է, որ ԵՄ-ում աճում է հիասթափությունը Թուրքիայի պահվածքի հանդեպ, ուստի խորհուրդը աշխատանքային խմբերին խնդրում է արագացնել ապօրինի հորատման պատճառով Կիպրոսի կողմից առաջարկվող անձանց դեմ պատժամիջոցներ կիրառելու աշխատանքը: Մենք նաև համաձայնության եկանք, որ եթե առաջընթաց չլինի, մենք կարող ենք նոր պատժամիջոցներ մշակել, որը կարող ենք քննարկել սեպտեմբերի 24-ին կայանալիք ԵՄ գագաթնաժողովում»,- ասել է նա:
Ըստ Բորելի, Անկարայի դեմ որպես պոտենցիալ միջոցառում Բրյուսելը դիտարկում է, մասնավորապես, ապօրինի հորատման գործողություններով զբաղվող թուրքական նավերին իր նավահանգիստներ մուտքը արգելելու հնարավորությունը:
«ԵՄ խորհուրդն ինձ առաջարկել է առաջարկությունների փաթեթ մշակել, եթե ճգնաժամի չկարգավորվի դիվանագիտական ճանապարհով: Նախ, մենք կարող ենք «սև ցուցակում» ներառել հատուկ անձանց, ակտիվներ, այդ թվում՝ նավերին, արգելել նրանց օգտագործել եվրոպական նավահանգիստները և ափամերձ ծառայությունները, ֆինանսավորումը: Բացի այդ, կարող են կիրառվել ոլորտային տնտեսական բնույթի միջոցներ»,- պարզաբանել է նա:
Արևելյան Միջերկրական ծովում հակամարտությունը, մի կողմից Թուրքիայի և մյուս կողմից Հունաստանի և Կիպրոսի միջև, սրվեց ածխաջրածիններով հարուստ ստորջրյա շելֆերի պատճառով: ԵՄ-ի և ՆԱՏՕ-ի համար մղձավանջ կլինի, եթե Անկարայի և Աթենքի միջև դիվանագիտական առճակատումը ռազմականի վերածվի:
Ցանկանալով ամրապնդել շելֆերի նկատմամբ իր պահանջները, Թուրքիան Միջերկրական ծովի ջրերի սահմանազատման վերաբերյալ համաձայնագիր կնքեց Լիբիայի ազգային համաձայնության կառավարության հետ (որը վերահսկում է երկրի միայն մի փոքր մասը): Դրա դիմաց Անկարան Տրիպոլիին առաջարկեց մեծ ռազմական օգնություն, որն արդեն ակտիվորեն տրամադրում է՝ բացահայտորեն խախտելով Լիբիա զենքի մատակարարման ՄԱԿ-ի արգելքը:
Միևնույն ժամանակ, Թուրքիան իր հետախուզական նավերն ուղարկեց վիճելի ջրեր՝ հունական մի շարք կղզիների և Կիպրոսի մերձակայք, որը ԵՄ անդամ է, բայց մաս չի կազմում ՆԱՏՕ-ին: Հունաստանը չճանաչեց Լիբիայի հետ Թուրքիայի համաձայնությունը և դրան ի պատասխան կնքեց Եգիպտոսի հետ տարածքային ջրերի սահմանազատման մասին համաձայնագիր, որն էլ Թուրքիան չճանաչեց, տեղեկացնում է Panorama.am-ը:
ПОСЛЕДНИЕ ОТ АВТОРА
-
New2025-06-03 18:32На фоне растущей политической фрустрации и снижения общественного доверия к институтам власти в Армении всё большую озабоченность вызывает трансформация публичного поведения высших должностных лиц – в особенности премьер-министра Никола Пашиняна и его фактической спутницы Анны Акопян. Скандальные высказывания, участие в образовательных инициативах с идеологическим подтекстом, нападки на Церковь и традиционные ценности – всё это формирует новый стиль правления, в котором пропаганда и манипуляция подаются как норма. Вместо экспертов – агитация. Вместо образования – псевдопросветительские шоу. Вместо ценностей – размытые сигналы «новой нормы».
-
New2025-06-03 16:46В столице Турции состоялась церемония открытия мемориала Талаату-паше – одному из главных организаторов Геноцида армян.
-
New2025-06-03 16:42Я была рада принять участие в мероприятии по запуску сверхсовременного тренажёра стоимостью 3,4 миллиона долларов, который поможет обеспечить безопасную эксплуатацию АЭС. Об этом заявила посол США в Армении Кристина Квин.
-
New2025-06-03 16:28Член студенческого совета ЕГУ Оганес Шамрикян на своей странице в Facebook представил некоторые подробности вчерашней встречи с Николом Пашиняном и студентами ЕГУ.