Последние новости

ՀԱՅԱՍՏԱՆԻ ՍՏԱՐՏԱՓ ԱԿԱԴԵՄԻԱՅԻ «TRACTION» ԾՐԱԳԻՐԸ ԿՆԵՐԿԱՅԱՑՆԻ ԻՐ 9 ՇՐՋԱՆԱՎԱՐՏ-ԸՆԿԵՐՈՒԹՅՈՒՆՆԵՐԻՆ ԱՌՑԱՆՑ ԱՆՑԿԱՑՎՈՂ ԴԵՄՈ ՕՐՎԱ ԸՆԹԱՑՔՈՒՄ

Եվրոպական միության և Վիվա-ՄՏՍ-ի աջակցությամբ իրագործվել է Հայաստանի ստարտափ ակադեմիայի «Traction» ծրագրի առաջին շրջանը։

Սեպտեմբերի 30-ին՝ ժամը 20:00-ին, Հայաստանի ստարտափ ակադեմիան անցկացնելու է Դեմո օր՝ ներկայացնելու իր «Traction» ծրագրի 9 շրջանավարտ-ընկերություններին։ Մենթորության վրա հիմնված 10-շաբաթյա այս ծրագիրը մեկնարկել էր մի քանի ամիս առաջ՝ աջակցելու պրոդուկտ ունեցող և որոշակի արդյունքներ գրանցած ստարտափներին արագացնել իրենց աճը և ներդրումներ ներգրավել։ Ծրագիրն իրականացվել է «Քաթըլիսթ» հիմնադրամի կողմից՝ Եվրոպական միության ԵՄ-ն բիզնեսի համար նախաձեռնության ներքո՝ Գերմանիայի միջազգային համագործակցության ընկերության (GIZ) կողմից իրականացվող «Տեխնոլոգիաների զարգացում Հայաստանի համար» ծրագրի աջակցությամբ։ Հայաստանի հեռահաղորդակցության առաջատար օպերատոր Վիվա-ՄՏՍ-ը միացել է նախաձեռնությանը որպես կորպորատիվ գործընկեր և աջակից։

Այս Դեմո օրը կազմակերպվելու է բոլորովին նոր ձևաչափով. նորամուծությունները հետևյալն են.

- Յուրաքանչյուր ստարտափի ելույթից հետո, հիմնադիրները կպատասխանեն հատուկ հրավիրված Ներդրողների Պանելի հարցերին։ Ներդրողների պանելում կլինեն ներկայացուցիչներ համաշխարհային վենչուրային ֆոնդերից: Այս նոր ձևաչափը խոստանում է Դեմո օրը դարձնել ավելի ինտերակտիվ, ինչպես նաև հարթակ ապահովել հետաքրքված ներդրողների հետ հարաբերությունների զարգացման համար:

- Այն ներդրողները, ովքեր ցանկանում են ավելին իմանալ ստարտափների մասին, կարող են նախապես գրանցվել հետևյալ հղումով (Investor Access)։ Գրանցված ներդրողները ոչ միայն կստանան ավելի մանրամասն տեղեկություն իրենց հետաքրքրող ստարտափների վերաբերյալ, այլև հնարավորություն կունենան անհատական հանդիպումներ ունենալ հիմնադիրների հետ Դեմո օրվա ավարտից հետո։

«Traction» ծրագրի առաջին շրջանը ներառում է 9 ստարտափների, որոնք առաջարկում են նորարարական լուծումներ այնպիսի ոլորտներում, ինչպիսիք են կրթական տեխնոլոգիաները, լոգիստիկան, մարդկային ռեսուրսների կառավարումը, մարքեթինգը և այլն։ Այս 9 թիմերը անցել են ինտենսիվ ուսուցման և մենթորության 10 շաբաթ՝ անմիջականորեն աշխատելով Ստարտափ ակադեմիայի մենթորների, վաճառքի և աճի հաքինգի (Growth Hacking) ասպարեզում առաջատար մասնագետների հետ, ինչպես նաև ստանալով ըստ-պահանջի խորհրդատվություն ոլորտի փորձագետներից։

Covid-19 համաճարակի վերաբերյալ ապահովության նկատառումներից ելնելով՝ Դեմո օրը կկազմակերպվի առցանց ձևաչափով։ Հետաքրքրված անձիք կարող են միանալ առցանց հեռարձակմանը Հայաստանի Ստարտափ Ակադեմիայի Facebook և Հերո Հաուսի YouTube էջերով (կարող եք նաև հիշեցում դնել YouTube-ում)։

Եվրոպական միության մասին

Եվրոպական միության անդամ երկրները որոշել են աստիճանաբար կապակցել իրենց նոու-հաուն, ռեսուրսներն ու ուղիները: Նրանք միասին ստեղծել են կայունության, ժողովրդավարության ու կայուն զարգացման գոտի` պահպանելով մշակութային զանազանությունը, հանդուրժողականությունը և յուրաքանչյուրի անկախությունը: Եվրամիությունը հանձնառու է կիսել իր ձեռքբերումներն ու արժեքներն իր սահմաններից այն կողմ գտնվող երկրների ու ժողովուրդների հետ:

«Տեխնոլոգիաների զարգացում Հայաստանի համար» ծրագրի մասին

ԵՄ-ն բիզնեսի համար նախաձեռնության «Տեխնոլոգիաների զարգացում Հայաստանի համար» ծրագիրը կազմում է ԵՄ-ն բիզնեսի համար նախաձեռնության «Նորարարական տուրիզմ և տեխնոլոգիաների զարգացում Հայաստանի համար» ծրագրի մաս, որը համաֆինանսավորվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության կողմից: Այն իրականացվում է Գերմանիայի միջազգային համագործակցության ընկերության (ԳՄՀԸ) «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» ծրագրի կողմից: Այն նպատակ ունի Հայաստանում ստեղծել և զարգացնել ներդրումների ենթակա և նորարարական նախաձեռնությունները` հանգեցնելով ավելի ուժեղ և մրցակցային տեխնոլոգիական և նորարարական էկոհամակարգերի, որոնք ունեն արտահանման ներուժ, ավելի մեծ քանակությամբ Science2Business2Education համագործակցության պլատֆորմներ և ավելի ակտիվ մասնակցություն HORIZON 2020 և HORIZON Europe նորարարական ծրագրերին:

Վիվա-ՄՏՍ-ի մասին

Վիվա-ՄՏՍ-ը (ՄՏՍ Հայաստան ՓԲԸ) Հայաստանի հեռահաղորդակցության առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով: Հավելյալ տեղեկություններ ստանալու համար այցելեք www.mts.am:

«Քաթըլիսթ» բարձր տեխնոլոգիաների և ձեռներեցության զարգացման հիմնադրամի մասին

«Քաթըլիսթ» հիմնադրամն իրականացնում է բազմաթիվ ծրագրեր, որոնք միտված են նպաստելու Հայաստանում տեխնոլոգիական և ձեռնարկատիրական էկոհամակարգը զարգացնելուն, ինչպես նաև ստարտափ էկոհամակարգը անհրաժեշտ ունակություններով և ընկերություններով համալրելուն։ Իրականցվող ծրագրերից են Հերո Հաուսը (Hero House), Հայաստանի ստարտափ ակադեմիան (Armenia Startup Academy), Արհեստական բանականության ինկուբատորը (AI Incubator), Ձեռնարկատիրական օգնականների դպրոցը (Entrepreneurial Assistants School), Ստարտափ Բուսթ Ուիքենդսը (Startup Boost Weekends), և այլն։

Կոնտակտային տվյալներ՝ Լիանա Կարապետյան

Էլ-հասցե՝ liana@smartgate.vc

Основная тема:
Теги:

    ПОСЛЕДНИЕ ОТ АВТОРА

    • ВОЗМОЖНО, ЭТО ОНА И ЕСТЬ – ПОСЛЕДНЯЯ БИТВА
      2020-10-24 14:22
      106

      Книги, которые произвели на меня сильное впечатление, как правило, либо затерты совершенно "до дыр", либо читаны ровно один раз и получили свое почетное место на полке. Я не могу объяснить, с чем связано это различие. Есть, видимо, произведения, которые, хотя и "развивают", и "учат", и Бог знает, что еще делают, но на них как бы "сердце успокаивается". А бывает, потрясение настолько сильное, что одного раза - вполне достаточно, чтоб в памяти и в душе остались образы, воспоминания, эмоции...

    • «НАЦИОНАЛЬНЫЙ ФРОНТ» ОБРАТИЛСЯ С ПРИЗЫВОМ
      2020-10-23 16:23
      943

      Руководитель  патриотической организации «Национальный фронт» Геворг ГЕВОРГЯН от имени координационного совета разместил на своей странице в Facebook призыв к соотечественникам, в котором говорится:

    • Артак ВАРДАНЯН: АРМЕНИИ СЕГОДНЯ НЕ НА КОГО НАДЕЯТЬСЯ, КРОМЕ РОССИИ И ИРАНА
      2020-10-23 09:23
      1893

      "Вице-президент Турции открыто заявил, что Турция готова в случае просьбы Баку помочь азербайджанским братьям своими регулярными войсками...

    • Карен ВРТАНЕСЯН: КАК НЕ СТАТЬ ЖЕРТВОЙ ДЕЗИНФОРМАЦИИ
      2020-10-22 18:51
      716

      "Никто не может с уверенностью утверждать, что никогда не станет жертвой дезинформации, тем не менее, можно снизить вероятность быть обманутым, если соблюдать несколько простых и четких правил", - пишет на своей странице в Фейсбук эксперт в области информационной безопасности, координатор сайта Razm.info Карен ВРТАНЕСЯН.






    ПОСЛЕДНЕЕ ПО ТЕМЕ