Последние новости

ՌԴ ԱԽ քարտուղարն ԱՄՆ նախագահի` անվտանգության հարցերով օգնականի հետ քննարկել է իրավիճակը Ղարաբաղում

Ռուսաստանի Անվտանգության խորհրդի քարտուղար Նիկոլայ Պատրուշևը Ժնևում հանդիպել է ԱՄՆ նախագահի` ազգային անվտանգության հարցերով օգնական Ռոբերտ Օ'Բրայենին: Այս մասին ուրբաթ հայտարարել է Ռուսաստանի Դաշնության Անվտանգության խորհրդի մամուլի քարտուղար Եվգենի Անոշինը, փոխանցում է ՏԱՍՍ-ը:

«Աշխատանքային հանդիպումը տեղի է ունեցել այսօր Ժնևում` երկկողմ հարաբերությունների կարգավորման և միջազգային անվտանգության ամրապնդման նպատակով»,- ասել է նա:

Պատրուշևը և Օ'Բրայանը քննարկել են իրավիճակը Լեռնային Ղարաբաղում, կիբերանվտանգության և զենքի վերահսկմանը վերաբերող հարցեր:

«Քննարկվել են միջուկային զենքի չտարածմանը և սպառազինությունների վերահսկմանը, տեղեկատվական և հաղորդակցական տեխնոլոգիաների օգտագործման ժամանակ անվտանգության ապահովմանը, ահաբեկչության դեմ պայքարում փոխգործակցության բարելավմանը վերաբերող հարցեր, Լեռնային Ղարաբաղի իրավիճակը և երկկողմ հետաքրքրություն ներկայացնող այլ հարցեր»,- ասել է Անոշինը, տեղեկացնում է News.am-ը։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ