Последние новости
2020-10-13 18:53

ՄԵՆՔ ՌՈՒՍԱԿԱՆ ՀԱՄԱՅՆՔՈՒՄ ՄՈՏ 1500 ՀՈԳԻ ԵՆՔ

0
Telegram

Ռուսաստանի Դաշնության Նախագահ,

ԵԱՀԿ Մինսկի խմբի համանախագահ

Վ․ՊՈՒՏԻՆԻՆ

Հարգելի Վլադիմիր Վլադիմիրովիչ:

Ես, Գալինա Սոմովան, Լեռնային Ղարաբաղի Հանրապետության (Արցախի) ռուսական համայնքի ղեկավարն եմ, դիմում եմ Ձեզ ինչպես իմ, այնպես էլ իմ հայրենակիցների անունից, ովքեր գոյության խոր արմատներ ունեն այս հողի վրա (ես մեծացրել եմ որդիներիս, թոռներ եմ մեծացնում): Ես աղաչում եմ Ձեզ շտապ դադարեցնել սարսափելի պատերազմը, որը նենգորեն սանձազերծվեց մեր դեմ սեպտեմբերի 27-ին Ադրբեջանի կողմից:

Ավելին, չնայած սեպտեմբերի 9-ին Մոսկվայում ստորագրված հրադադարի պայմանագրին, Ադրբեջանը շարունակում է անդադար ռազմական գործողությունները ոչ միայն շփման գծում, այլ նաև անօդաչուներով կասետային ռումբերի կիրառմամբ թիրախային ռմբակոծություններ է իրականացնում Ստեփանակերտում, Շուշիում և այլ հայկական քաղաքների և գյուղերի դպրոցների, մանկապարտեզների, եկեղեցիների և կենսագործունեության այլ օբյեկտների ուղղությամբ: Մահանում են խաղաղ բնակչությունը, այդ թվում` երեխաներ և ծերեր, երեք ռուս լրագրող ծանր վիրավորվել է:

Այսօր մենք ռուսական համայնքում մոտ 1500 հոգի ենք: Կարող էինք և ավելի շատ լինել, եթե չլիներ ​​ԽՍՀՄ-ի չարաբաստիկ փլուզումը: Այդ ժամանակ շատերը մեկնեցին Ռուսաստան` աշխատանք փնտրելու և իրենց հայրենիք Արցախում մնացած ընտանիքները պահելու համար: Այսօր, երբ շրջափակման մեջ է ոչ միայն Արցախը, այլև` ամբողջ Հայաստանը, երբ ադրբեջանական թնդանոթներից և թուրքական արտադրության անօդաչու թռչող սարքերից կրկին հարվածում են քաղաքներին և գյուղերին, երբ ահաբեկիչ զինյալները կտրում են խաղաղ բնակիչների գլուխները և հրկիզում նրանց տները, վտանգը կախված է ոչ միայն Արցախի, այլև, ինչպես ասում են քաղաքական գործիչները, Կովկասի գլխին: Սա սարսափելի վտանգ է նաև այստեղ ապրող ռուս ժողովրդի համար: Ո՛չ, մենք չենք պատրաստվում լքել մեր տները, փախչել` մեր հարազատներին և հայ ընկերներին դեմ առ դեմ թողնելով ատելի թշնամու հետ, որը չի խնայում ո՛չ տարեցներին, ո՛չ էլ երեխաներին: Նաև` այն պատճառով, որ մեր մեջ կան անօգնական մարդիկ` հաշմանդամ և թույլ: 1940 թվականին ծնված մեր հայրենակից Նինա Կուզովան պարալիզացված պառկած է հարևան տան նկուղներից մեկում. բժշկական ցուցումների համաձայն նրան Երևան տեղափոխելու ոչ մի հնարավորություն չկա:

Համոզված եմ, որ Դուք` հարգարժան Վլադիմիր Վլադիմիրովիչ, շատ լավ գիտեք, իսկ դա հայտնի է ամբողջ աշխարհում (ինչպես պարզվում է` Ալիևից և Էրդողանից բացի), որ Ղարաբաղը հնուց հայկական հող է: Ռուսները հայտնվել են Ցարաբաղում (Արցախում) ռուսական զորքերի կողմից դրա ազատագրման պահից սկսած ղարաբաղյան մելիքների (իշխանների)` Պետրոս Մեծին ուղղված քրիստոնյա հայ ժողովրդին պարսկական ճնշումներից պաշտպանելու համար խնդրանքով: 1861 թվականին Ալեքսանդր Երկրորդ ռուսական ցարը ներկա էր Ստեփանակերտ քաղաքում Տիրոջ Պայծառակերպության ռուսական ուղղափառ եկեղեցու օծմանը: Այդ մասին վկայում են Շուշիի ռուսական գերեզմանոցները:

Ալիևի եվ Էրդողանի պնդումները, թե Ղարաբաղը Ադրբեջանի հողն է, կատարյալ սուտ են, ինչպես նաև` այն փաստը, որ Ղարաբաղի հայերը ագրեսոր և բռնազավթիչ են: Այո, 1992-1994 թվականներին Արցախի սակավաթիվ ինքնապաշտպանական ուժերը, պաշտպանելով մեր կյանքի և ազատության իրավունքը, անվտանգության գոտի ստեղծեցին մեզ համար 30 տարով: Իմ խորին համոզմամբ` այդ հողերը կարող են վերադարձվել միայն հայկական Լեռնային Ղարաբաղի անկախ և անվտանգ ճանաչման միջոցով:

Հարգելի Վլադիմիր Վլադիմիրովիչ, մենք` Արցախում ապրող ռուս ժողովուրդը, ով այս երկիրը նաև իր հայրենիքն է համարում, չենք հավատում Ադրբեջանի նախագահի կեղծ խոսքերին, որը համաշխարհային հանրությանը հավաստիացնում է Արցախի ինչ-որ անհարատև ինքնավարության մեջ Ադրբեջանի կազմում: Մենք վախենալու բան ունենք: Մենք հայերի հետ միասին արդեն վերապրել ենք 20 հազար հայերի կոտորածը 1920-ի մարտին Շուշիում, 1988-ի Սումգայիթը, ապա` Բաքուն, Կիրովաբադը, Մարաղան և այլ ողբերգությունները, քանի որ այդ ժամանակ ռուսները ևս վտարվեցին և սպանվեցին: Առավել ևս, որ այժմ մեր դեմ պատերազմին միացել են նաև Ռուսաստանում արգելված արմատական իսլամիստական կազմակերպությունների ահաբեկիչները:

Գիտեմ, որ վերջերս ռուս զինվորականները ոչնչացրեցին Ադրբեջանի` Ղարաբաղի դեմ պատերազմի համար ահաբեկիչների պատրաստման կենտրոնները Սիրիայում: Սակայն ահաբեկիչներն արդեն կռվում են Ղարաբաղում: Ադրբեջանն ահաբեկիչների օջախ է դարձել: Նրանք պետք է ոչնչացվեն դեռ Ադրբեջանում, քանի որ դա ուղղակի սպառնալիք է Ռուսաստանի համար: Արցախն այսօր դիմակայում է այդ սարսափելի սպառնալիքին:

Հարգարժան Վլադիմիր Վլադիմիրովիչ, թույլ մի տվեք Ադրբեջանին և Թուրքիային անել իրենց սև գործը` Ցեղասպանությունը, ոչնչացնել մեզ` Արցախի քրիստոնյաներիս` հանուն պանթուրքիստական գաղափարով հիվանդ իրենց անողոք իսլամիստական արմատականության: Հուսով եմ, որ իմ նամակը Ձեր կողմից որպես SOS ազդանշան կընկալվի:

Ամեն ժամ վճռական քայլերի ենք սպասում մեր հարազատ Ռուսաստանից, որոնք ուղղված կլինեն Ադրբեջանին ստիպելուն խաղաղություն ապահովել և արդարացիորեն լուծել ընդհանուր ղարաբաղյան խնդիրը»:

Գալինա ՍՈՄՈՎԱ՝ Արցախի ռուսական համայնքի անունից

ք․ Ստեփանակերտ, Արցախի Հանրապետություն

ПОСЛЕДНИЕ ОТ АВТОРА

  • ДЖАЗ-ОРКЕСТР «АРЦАХ» ВЫСТУПИЛ НА МОСКОВСКОМ ДЖАЗОВОМ ФЕСТИВАЛЕ
    2025-06-16 13:58

    Летняя событийная афиша Москвы порадовала жителей и гостей столицы насыщенной программой: в течение недели ведущие джазовые коллективы России и зарубежья выступали на лучших открытых площадках города. Организатор фестиваля — Фонд Игоря Бутмана при поддержке Президентского фонда культурных инициатив и Департамента культуры города Москвы.

  • Артур ХАЧИКЯН: «АКЦЕНТ НА ГРУБОЙ СИЛЕ И АГРЕССИИ ПРОТИВ СУВЕРЕННОГО ГОСУДАРСТВА»
    2025-06-16 11:21

    «Согласно полученным сообщениям, военно-морские и военно-воздушные силы США и Великобритании приближаются к Ирану и готовятся вступить в войну, - пишет на своей странице в Фейсбук доктор политологии Артур Хачикян.

  • ГЕНРИХ ДАНИЕЛЯН: ЖАЛКАЯ ПОПЫТКА ОБВИНИТЬ АРМЕНИЮ В ТОМ, В ЧЁМ АЗЕРБАЙДЖАН САМ СИСТЕМНО УЧАСТВУЕТ
    2025-06-16 10:00

    Азербайджан, ставший инструментом в руках Тель-Авива, сегодня представляет главную угрозу безопасности Ирана и всего региона, распространение подобных фальшивок не спасёт Алиева от ответственности за подрыв региональной стабильности и предательство интересов мусульманского мира, написал в своем ТГ-канале руководитель молодежного крыла РПА Генрих Даниелян, коснувшись азербайджанских обвинений в отношении иранских армян и спецслужбы Армении, якобы «передававших секретную информацию третьей стороне». Публикацию полностью приводим ниже.

  • СЕРГЕЙ МАРКЕДОНОВ: НАСТУПЛЕНИЕ НА ЦЕРКОВЬ – НОВЫЙ ЭТАП «БАРХАТНОЙ РЕВОЛЮЦИИ»
    2025-06-16 09:28

    Церковь, как ранее парламент, суд или НКР становится помехой на пути к внутри-и-внешнеполитической гомогенизации, по которой уже не первый год последовательно продвигается Пашинян, написал в публикации «Наступление на церковь: новый этап «бархатной революции» в Армении?» в своем ТГ-канале ведущий научный сотрудник Центра евро-атлантической безопасности Института международных исследований МГИМО, российский политолог Сергей Маркедонов.

ПОСЛЕДНЕЕ ПО ТЕМЕ