Ռուսաստանի հայերի միությունը Հայաստանին ավելի քան 200 միլիոն ռուբլի և նյութական օգնություն է փոխանցել
Ռուսաստանի հայերի միությունը ավելի քան 200 միլիոն ռուբլի է փոխանցել Հայաստանի համապատասխան հիմնադրամներին («Հայաստան» համահայկական հիմնադրամ և ««Զինծառայողների ապահովագրման հիմնադրամին» - խմբ.): Այս մասին նոյեմբերի 5-ին News.am-ի հետ զրույցում ասաց Ռուսաստանի հայերի միության փոխնախագահ Գերման Անանյանցը:
«Բացի այդ, փոխանցվել է հարյուր միլիոնավոր ռուբլու սարքավորում: Օգնությունը տրամադրվել է սաղավարտների, զրահաբաճկոնների, ռադիոկայանների, գիշերային տեսանելիության սարքերի, հագուստի և այլնի տեսքով, ցուցակը շատ մեծ է: Այս ամենը փոխանցվել է մինչև վերջին ժամանակներս: Օգնության կազմակերպումը շարունակվում է: Որպեսզի հասկանալի լինի, թե որքան է օգնության ծավալը, կասեմ, որ Մոսկվայից Երևան թռչող ուղևորներին չի թույլատրվում իրենց հետ ուղեբեռ վերցնել, քանի որ տեղ չկա»,- հավելեց նա:
Ռուսաստանում հայերի ու ադրբեջանցիների միջև բախման միջադեպերը, նրա խոսքով, չեն արձանագրվում, սակայն ակտիվ հայերի կամ հայամետ գործիչների ու կազմակերպությունների հասցեին սպառնալիքներ ստացվում են:
«Ես ևս սպառնալիքներ եմ ստանում»,- ասաց Անանյանցը:
ՌՀՄ փոխնախագահն ընդգծեց, որ պարբերաբար Ռուսաստանի հայ և ադրբեջանական համայնքների ներկայացուցիչների հանդիպումներ են անցկացվում:
«Դրանք ուղղված են տեղերում կայուն խաղաղության պահպանմանը»,- եզրափակեց նա:
Արցախում ռազմական գործողությունների սկզբից «Հայաստանհամահայկական հիմնադրամին» փոխանցվել է ավելի քան 150 միլիոն դոլար, իսկ «Զինծառայողների ապահովագրման հիմնադրամին»՝ մի քանի միլիոն դոլար:
Հիշեցնենք, որ սեպտեմբերի 27-ին Ադրբեջանի զինված ուժերը, կոպտորեն խախտելով միջազգային մարդասիրական իրավունքի գործող նորմերը և հակամարտությունը լուծելու խաղաղ բանակցային գործընթացի տրամաբանությունը, օգտագործելով հրթիռային և հրետանային զենք ու ավիացիա, շփման գծի ողջ երկայնքով անցան հարձակման՝ թիրախավորելով ՊԲ մարտական դիրքերը և Արցախի ու Հայաստանի խաղաղ բնակավայրերը:
ПОСЛЕДНИЕ ОТ АВТОРА
-
2024-04-17 19:32
Появились новые кадры досрочного вывода контингента российских миротворцев из Нагорного Карабаха. И публикует российский телеканал "Звезда".
-
2024-04-17 19:28
В Брюсселе была достигнута предварительная договоренность о предоставлении помощи Армении из фонда мира Европейского Союза.
-
2024-04-17 19:25
Глава комитета Совета Федерации по международным делам Григорий Карасин отметил, что вывод российских миротворцев из Нагорного Карабаха является логичным следствием признания этой территории частью Азербайджана со стороны премьера Армении Никола Пашиняна.
-
2024-04-17 19:22
Командование иранского Корпуса стражей исламской революции (КСИР) выводит часть офицеров из Сирии из-за угрозы нанесения удара со стороны Израиля, сообщает газета The Wall Street Journal со ссылкой на собственные источники.