Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինն անդրադարձել է Հայաստանում տիրող իրավիճակին, Նիկոլ Փաշինյանի վարած քաղաքականությանը։

Տեղին չէ սեղմել հակառակորդի ձեռքը այն պայմաններում, երբ ճնշում է գործադրում քո վրա, արտաքսել է հայրենակիցներիդ հայրենի հողից, իրականացրել ցեղասպանություն, հայտարարեց լրագրողներին Սեյրան Օհանյանը Եռաբլուրում։ Նիկոլ Փաշինյանն այդ կարծիքին չէ։ Ավելի շուտ՝ հակառակը. որքան ավելի է նրա վրա ճնշում գործադրում Ալիևը, որքան ավելի մեծ նկրտումներ ու պահանջներ է ներկայացնում, այնքան ավելի է իջեցնում Փաշինյանը Հայաստանի անկախության նշաձողը, և իր անձնական «նշաձողը»՝ նույնպես։ Դե, իսկ Արցախի «նշաձողը» իջեցվեց պետականության վերացման մակարդակի…

Սեպտեմբերի 22-ին շատերին ցնցեց արցախցի պատանի Մարատ Հակոբյանի 2-ամսյա կալանավորման մասին լուրը։ «18 տարին նոր լրացած շատ լուսավոր, հայրենասեր երիտասարդ է, որը Երևանում մասնակցել է ցույցերին։ Նա ոստիկանների կողմից ֆիզիկական բռնության է ենթարկել։ Նրան ձերբակալել են ոստիկանների հետ միջադեպի ընթացքում, երբ ոստիկաններն ուղղակի հարձակվել են ցուցարարների վրա ու բռնի ուժ կիրառել»,- այն ժամանակ գրեց փաստաբան Արսեն Բաբայանը։

Հանգստյան օրերին Արցախի Հանրապետության նախագահ Սամվել Շահրամանյանը հարցազրույց է տվել Արցախի հանրային հեռուստատեսությանը։ Սա Շահրամանյանի առաջին հարցազրույցն է ոչ միայն սեպտեմբերյան պատերազմից և Արցախում իրականացված էթնիկ զտումներից հետո, այլ նաև Շահրամանյանի առաջին հարցազրույցն է Արցախի՝ ընտրված նախագահի կարգավիճակում։

ԱՄՆ դեսպանին առաջարկում եմ իր ընտանիքով տեղափոխվել և ապրել ժողովրդավարության փարոս Հայաստանում, ԱՄՆ դեսպանին մաղթում եմ, որ իր հարազատներն անցնեն այսպիսի շինծու քրեական գործերով, ՀՀԿ փոխնախագահ Արմեն Աշոտյանի գործով դատական նիստի մեկնարկին լրագրողների հետ զրույցում ասաց ԱԺ նախկին պատգամավոր Նաիրա Զոհրաբյանը՝ արձագանքելով ԱՄՆ դեսպանի հայտարարությանը, թե Հայաստանը ժողովրդավարության փարոսն է Հարավային Կովկասում։  

Մեր հաջորդ քայլը պետք է լինի այն, որ սկսենք զբաղվել այն հարցերով, որոնք թույլ կտան ամրագրել Արցախից տեղահանված մեր քաղաքացիների հետվերադարձը: Այս մասին հոկտեմբերի 28-ին, Արցախի հեռուստատեսությանը տված հարցազրույցում նշեց Արցախի նախագահ Սամվել Շահրամանյանը:  

Alpha News-ի ուղիղ եթերում իրանագետ Կարինե Գևորգյանն ասել է, որ Իրանը իր՝ 100.000 զինվորականներին և 40.000 զինծառայողներին կենտրոնացրել է Ադրբեջանի, Հայաստանի և, մասամբ, Թուրքիայի հետ սահմանին և ուշադիր հետևում է, թե ինչպես է Ադրբեջանը Զանգելանում խելացի իսրայելական գյուղ կառուցում։  

Սքանչելի հեռանկարներ ունի Հայաստանը ամենատեսանելի ապագայում։ Այս մասին մենք իմացանք Թբիլիսիում «Մետաքսի Ճանապարհ» անվանումով համաժողովին մասնակցած հայ պաշտոնյաների հայտարարություններից: Ինչպես հանգամանորեն, քարտեզներով ներկայացրեց Փաշինյանը, Երևանը պատրաստ է բացել բազմաթիվ ճանապարհներ՝ ավտոմոբիլային և երկաթուղային, Հայաստանի տարածքի միջով Թուրքիայի և Ադրբեջանի կապի համար։ Եթե պետք է, կնորոգի հները, եթե պետք է՝ կկառուցի նորերը։ Արդյունքում Հայաստանն ինքը նոր ելքեր կստանա դեպի Իրան, Ռուսաստան, եղբայրական Թուրքիա և Ադրբեջան, ինչն անխուսափելիորեն կհանգեցնի Հայաստանի բարգավաճմանը։ Այսպիսով, ինչպես համոզում էր Փաշինյանը ապշահար ունկնդիրներին, այդ բոլոր ճանապարհների բացումից հետո Հայաստանը կդառնա «խաղաղության խաչմերուկ»։

«Շատերը գիտեն, թե ինչպես է Սպարապետ Վազգեն Սարգսյանը վերաբերվել Նիկոլ Փաշինյանին։ Փաշինյանը պետք է լավ հիշի, թե հայոց փառապանծ բանակի հասցեին զրպարտություններ հրապարակելու համար ինչ որակումների էր արժանացել Վազգեն Սարգսյանից»,-«Եռաբլուր» զինվորական պանթեոնում լրագրողների հետ զրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը։