Մեկ տարի առաջ, Հայաստանում «թավշե հեղափոխության» ամենաթեժ օրերին, քաղաքական եղանակի վրա ազդելու նպատակով երեխաներին օգտագործելու անթույլատրելիության մասին հայտարարելու ցանկացած փորձ հեղափոխականների կողմից ընկալվում էր խորին անըմբռնողությամբ։ Արդյունքում ստիպված էինք սարսափով նայել մանուկներին, որոնցով արգելափակում էին ճանապարհները, դեռահասներին, որոնք ամբիոններ էին բարձրանում «մերժի՛ր» պաթետիկ ճառերով, և այլն։