Ապօրինի շինարարությունը Երևանի խոշոր համակարգային խնդիրն է, համարում է Երևանի քաղաքապետ Հայկ Մարությանը, և նրա հետ դժվար է չհամաձայնել: Այլ հարց է, որ տվյալ պնդումը բխում է արդեն երեք տարի շարունակ քաղաքապետի պաշտոնը զբաղեցնող, բայց այդ խնդիրը գոնե ինչ-որ կերպ լուծել չկարողացած մարդուց։ Վատ պարողին միշտ ինչ-որ բան խանգարում է։ Իսկ տվյալ դեպքում մայրաքաղաքի վարչակազմի ղեկավարին, ինչպես պարզվեց ավելի վաղ, խանգարում է ոչ այլ ինչ, քան մաֆիոզ տարրերը, եթե չասենք՝ կազմակերպված հանցավոր խմբավորումները։