Իրանի բանակը հայտնել է ԱՄՆ հրթիռային հարվածի հետևանքով յոթ զինծառայողի զոհվելու մասին

Իրանի բանակի ցամաքային զորքերի յոթ զինծառայող զոհվել է, ևս 13-ը ստացել են վիրավորումներ այն հրթիռային հարվածի հետևանքով, որն ԱՄՆ զինված ուժերը հասցրել են Իրանի Իսլամական Հանրապետության հարավ-արևելքում տեղակայված ռազմական օբյեկտին։ Այդ մասին հայտնել է Իրանի բանակի հասարակայնության հետ կապերի բաժինը, հաղորդում է ԻՌՆԱ-ն։

Գերատեսչության տվյալներով՝ ամերիկյան կողմը 13 հրթիռ է արձակել Բամպուր շրջանի (Սիստան և Բելուջիստան նահանգ) ցամաքային զորքերի զորանոցներից մեկի ուղղությամբ։ Հարվածի տակ է հայտնվել Իրանշեհր քաղաքի 388-րդ բրիգադի անձնակազմը, որը կազմված է կադրային սպաներից և ժամկետային զինծառայողներից։

Հրամանատարությունը պաշտոնապես հրապարակել է զոհվածների անունները. հարձակման զոհ են դարձել սերժանտներ Ֆարշադ Ալավին և Ռեզա Շաֆիին, ինչպես նաև զորակոչիկներ Ալիրեզա Կասեմին, Հոսեյն Ջաֆարին, Աբբաս Հասանշահին, Աբբաս Հեսամադդինին և Աբոլֆազլ Մոլաին։ Բոլոր տուժածներին ցուցաբերվում է անհրաժեշտ բժշկական օգնություն։

News.am