Սևանա Լճում` Լճաշեն բնակավայրի լողափերից մեկում, 36-ամյա տղամարդ է խեղդվել։ Տեղեկությունը հայտնում է shamshyan.com-ը:
ՆԳՆ 112 օպերատիվ կառավարման կենտրոնը քաղաքացու խեղդվելու մասին ահազանգը ստացել է ժամը 12։00-ի սահմաններում: Դեպքի վայր են մեկնել ՀՀ ՆԳՆ փրկարար ծառայության Գեղարքունիքի մարզային փրկարարական վարչության հատուկ նշանակության ջրափրկարարական ջոկատից 2 մարտական հաշվարկ, Գավառի հրշեջ-փրկարարական ջոկատից 1 մարտական հաշվարկ:
«Ջրասուզակը ափից մոտ 10 մետր հեռավորության և մոտ 1,8 մետր խորությունից դուրս է բերել Սյունիքի մարզի բնակիչ 36-ամյա Էդիկ Մ.-ի մարմինը»,- գրում է կայքը։
Դեպքի փաստով քրեական վարույթ է նախաձեռնվել։
Դեպքի վայրում հավաքվածներն ասել են, որ մահացած տղամարդը նախքան ջրահեղձ լինելը 3 քաղաքացու փրկել է խեղդվելուց։
Sputnik Արմենիա
