ԱՄՆ նախագահ Դոնալդ Թրամփի հրամանով երկրի ողջ տարածքում խոնարհվել են պետական դրոշները՝ ի հիշատակ 80 տարեկանում կյանքից հեռացած երգչուհի Դոլի Փարթոնի։
«Չափազանց ցավալի է հայտնել, որ քիչ առաջ մահացել է Դոլի Փարթոնը՝ պատմության մեջ քանթրիի և ոչ միայն քանթրիի խոշորագույն կատարողներից մեկը։ Սա իսկական կորուստ է միլիոնավոր մարդկանց համար։ Նրա նմանը երբեք չի եղել և չի լինի», — Truth Social սոցիալական ցանցում գրել է Թրամփը։
Սպիտակ տան ղեկավարը հայտնել է, որ երեքշաբթի օրը՝ ժամը 18:00-ից սկսած ԱՄՆ-ի ողջ տարածքում դրոշները խոնարհված կմնան մեկ շաբաթ։
«Ի պատիվ նրա՝ ես կարգադրում եմ մեկ շաբաթով իջեցնել ԱՄՆ պետական դրոշը Միացյալ Նահանգների ողջ տարածքում՝ սկսած այսօրվա ժամը 18:00-ից։ Ննջիր խաղաղությամբ, Դոլլի՛։ Աշխարհը սիրում է քեզ», — գրել է Թրամփը։
Դոլի Փարթոնը կյանքից հեռացել է երեքշաբթի օրը՝ 80 տարեկանում։ Նրա մահվան մասին հայտնել է եղբորորդին՝ Բրայան Սիվերը։ Մահվան պաշտոնական պատճառը չի հրապարակվում։
News.am
