Հորմուզի նեղուցի հետ կապված բարդ իրավիճակի ֆոնին Իրանի իշխանությունները դիտարկում են բեռնափոխադրումները երկրի հյուսիսով և Կասպից ծովով զարգացնելու տարբերակը։ Այս մասին հայտնում է «Fars» գործակալությունը:
Ըստ գործակալության` տարբերակներից մեկը կարող է դառնալ այսպես կոչված «Կասպյան էքսպրեսը»՝ Իրանի հյուսիսային նավահանգիստներով դեպի Ռուսաստան, այնուհետև դեպի եվրասիական տրանսպորտային ցանց երթուղին: Կասպից ծովը դիտարկվում է որպես Ռուսաստանից և Ղազախստանից ապրանքների և հումքի ներմուծման և իրանական գյուղատնտեսական, արդյունաբերական և շինարարական արտադրանքի արտահանման հնարավոր ուղի:
Հիշեցնենք, որ ԱՄՆ-ն շարունակում է Իրանի ծովային շրջափակումը, զինվորականները Հորմուզի նեղուցի մոտակայքում պարբերաբար վերաուղղորդում են Իրանի հետ կապված նավերը։
Sputnik Արմենիա
